Nazirliyin əməkdaşında narkotik və silah aşkarlandı

07 iyun 2016
Nazirliyin əməkdaşında narkotik və silah aşkarlandı

Ekologiya və Təbii Sərvətlər Nazirliyinin (ETSN) əməkdaşından narkotik və silah götürülüb.

Balakən Rayon Polis Şöbəsindən verilən xəbərə görə, polisə ETSN-in Zaqatala Dövlət Təbiət Qoruğunun Balakən rayonu, Katex kəndi ərazisindən keçən hissəsinin 4 saylı dolayında narkotik tərkibli bitkilərin aqrotexniki qaydada əkilməsi barədə məlumat daxil olub. Məlumat əsasında keçirilən tədbirlər nəticəsində dolayın ərazisindəki dörd müxtəlif sahədə küllü miqdarda narkotik tərkibli bitki hesab edilən çətənə kolları aşkarlanıb. Hal şahidlərinin iştirakı ilə ərazidən hündürlüyü 12 sm-dən 39 sm-ə qədər olmaqla, ümumi sayı 781 ədəd çətənə kolları yığılıb, həmçinin qurudulmaq üçün sərilmiş 25,75 qram marixuana və 10 kq yaş halda marixuana götürülüb.

Məlum olub ki, çətənə kollarını rayonun Mahamalar kənd sakini, 1971-ci il təvəllüdlü Arif Tacəddin oğlu Fəxrayev və onun həmkəndlisi, 1963-cü il təvəllüdlü Seyfəddin Sədrəddin oğlu Həmzətov əkib. Keçirilmiş tədbir nəticəsində hər iki şəxs tutularaq istintaqa təhvil verilib.

Arif Fəxrayevin yaşadığı evin hamamından 277 qram qurudulmuş marixuana, yaşadığı evdən isə sənədsiz, nömrəsi A 16505 olan 32 çaplı ov tüfəngi və 4 ədəd patron götürülüb.

Məlumatda həmçinin bildirilir ki, saxlanılan Arif Fəxrayev Zaqatala Dövlət Təbiət Qoruğunun Balakən rayonu, Katex kəndi ərazisindən keçən hissəsinin 4 saylı dolayında nəzarətçi işləyir.

Faktla bağlı araşdırma aparılır.(APA)
Xəbəriniz olsun

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

Facebook