Siyavuş Novruzov: “A kişi, göydən dollar, manat yağır?”

14 iyun 2016
Siyavuş Novruzov: “A kişi, göydən dollar, manat yağır?”
“Cərimə sanksiyaları ilə maaşdan əlavə pul alan məmurlar maraqlı olacaqlar ki, daha çox cərimə yazsınlar. Yaxud da onlar vətəndaşların maliyyə intizamını pozmasına görə onlara cərimələr yazmağa çalışacaqlar”.

Publika.az xəbər verir ki, bu fikirləri Milli Məclisin bu gün keçirilən növbədənkənar plenar iclasında millət vəkili Qüdrət Həsənquliyev Vergi Məcəlləsinə edilən dəyişikliyə münasibət bildirərkən deyib.

Deputat bəzi dövlət orqanlarının əməkdaşlarının vəzifələrinin öhdəsindən gələ bilmədiyini söyləyib:

“Elə dövlət orqanları var ki, onların əməkdaşları cərimə yaza bilmir. Elə nazirliklər var ki, oranın əməkdaşları maliyyə sanksiyası tətbiq edə bilmir. Bəs onların əmək haqları necə olacaq? Belə çıxır ki, onların maaşları artmayacaq? Ona görə də məmurların daşıdığı vəzifə, intellektual yük, stress nəzərə alınmalıdır və əmək haqqı buna uyğun təyin edilməlidir”.

Q.Həsənquliyev maaş məsələsində sosial ədalət prinsipinə əməl edilməsinin vacibliyini xüsusi vurğulayıb:

“Kimin səlahiyyəti və hüququ varsa, maliyyə sanksiyası tətbiq edib yaxşı yaşayacaq. Kimdə yoxdursa, az maaşla əziyyət çəkəcək? Bu, düzgün deyil. Mən inanıram ki, bu cür sosial ədalətsizlik ardan qaldırlacaq. Məsələn, Tərtərdə xidmət edən zabit cərimə yazmırsa, yaxud maliyyə sanksiyası tətbiq etmirsə, maaşı artmalı deyil?”.

Milli Məclisin İctimai birliklər və dini qurumlar komitəsinin sədri Siyavuş Novruzov da həmkarının fikirlərini dəstəkləyib:

“Şəffaflıqdan, birlikdən danışırıqsa, büdcədənkənar vəsait anlayaşını başa düşə bilmirəm. Əgər işçinin sosial vəziyyətini yaxşılaşdırmaq istəyirsənsə, bu dövlət büdcəsinə daxil edilsin. Müxtəlif dövlət qurumlarının büdcəsi artırılsın, eləcə də orada əmək haqqı fonduna ayrılan vəsait artsın. Çünki büdcədənkənar vəsaitləri nə Hesablama Palatası, nə də digər dövlət qurumları yoxlaya bilir. Hətta onların işi məhdud olur. Haradan bilim ki, Vergilər Məcəlləsinə edilən dəyişiklikdən sonra kimlər nə qədər mənfəət götür?! Buna kim zəmanət verə bilər? Ziyad Səmədzadə buna zəmanət verə bilərmi? Burada tərəfkeşlik, ayrı-seçkilik nə dərəcədə tənzimlənəcək. Hazırda bu rəqəm 25 faizdir, indi isə biz bunu 50 faiz edirik. Gələcəkdə bu, 100 faiz ediləcək. Belə çıxır ki, insanlar qazandıqları pulu ancaq vergi işçilərinin əmək haqqının artırılmasına versin. Bu cür yanaşma düzgün deyil. Bir də görürsən ki, regionlarda hansısa abadlıq işi aparılanda deyirlər ki, bunu büdcədənkənar vəsait hesabına həyata keçirmişik. A kişi, göydən dollar, manat yağır? Prezidentin Ehtiyat Fondu var və ənənəvi şəkildə regionlara maliyyə vəsaitləri ayrılır.

Həmin o məbləğlər də büdcədə nəzərdə tutulmuş vəsaitdir. Hər şeyin hesabı-kitabı var. Ümumiyyətlə, bu cür yanaşmalar ləğv edilməlidir. Daxil olan bütün vəsaitlər dövlət büdcəsinə köçürülməlidir.

Cəbhəboyu ərazilərdə xidmət edən əsgərlərin maaşı niyə artırılmasın? Halbuki onlar yağışda, boranda vətənin keşiyində dururlar.

Ancaq maliyyə sanksiyası tətbiq edə bilmədiyindən onun sosial təminatı yaxşılaşmır. Bu kimi sanksiyalar nəzərdə tutulanda bunu aidiyyətiı qurumlarla razılşadırıb sonra tətbiq etmək lazımdır. Hansı xarici ölkənin təcrübəsində belə bir yanaşma var? Özümüzdən Amerika kəşf etməli deyilik. Sanksiyaların tətbiq edilməsinə qarşı deyiləm. Sadəcə istərdim ki, bütün əldə olunan vəsaitlər dövlət büdcəsinə daxil olsun. Yalnız bundan sonra şəffaflıqdan danışmaq olar. Əks təqdirdə, biz rüşvətxorluq mənbəyi yaradırıq”.

İclasda iştirak edən vergilər nazirinin müavini Sahib Ələkbərov isə bildirib ki, büdcədənkənar fondda hər bir manat ciddi nəzarət altındadır: “Burada heç bir şübhə ola bilməz”.
Xəbəriniz olsun

19.07.2018 - SAHİBKARLAR ZAKİR FƏRƏCOVDAN ŞİKAYƏTÇİDİR – “Dedi ki, sənin nəslində bir kişi yoxdur…” + FOTOLAR

19.07.2018 - Havanın temperaturu enəcək: güclü külək, şimşək, leysan və dolu gözlənilir

19.07.2018 - Paşinyandan Rusiya hərbi bazasına sərt reaksiya

19.07.2018 - Ramiz Zeynalov erasının sonu: “QAİ generalı”nın imperiyası süqut edir

19.07.2018 - “1000 bərəkət, halal nemət”dən dəhşətli kadrlar: ürəyi zəif olanlar baxmasın – 13+VİDEO

19.07.2018 - İran-Pakistan sərhədində atışma: bir hərbçi həlak oldu

19.07.2018 - KXCP sədrliyinə namizəddən Mirəlioğluna ittiham: "Zərdabinin ruhu, 12 nəfərlik partiya, Bəyi təhqir edənlərl ...

19.07.2018 - “Qarabağ”ın kapitanı komandanın növbəti rəqibi barədə

19.07.2018 - Səkkiz əcnəbi saxta sənədlərlə Azərbaycan sərhədini keçmək istədi

19.07.2018 - Özünü 17-ci mərtəbədən atan qız barədə - TƏFƏRRÜAT

19.07.2018 - Elə adamlara elmi adlar verilir ki, onlara qoyun otarmağa belə icazə vermək olmaz – Açıqlama

19.07.2018 - Kremlin şok “oktyabr ssenarisi”: Gəncə işindəki silah və qaz gizlinləri

18.07.2018 - Əməkdar artistə qarşı 32 min manatlıq dələduzluq

Facebook