Sarı qarpızları alaq ya almayaq?

11 iyul 2016
Sarı qarpızları alaq ya almayaq?
Bakı bazarlarında içərisi sarı qarpızlar peyda olub. Saatlıda Mayıl Həşimovun bostanında yetişdirilən və sarpız adı ilə tanınmağa başlayan qarpız istehlakçıların marağına səbəb olub. Elə bu səbəbdən də 1 kiloqramı 60 qəpiyə təklif edilən sarpız 2 gün ərzində 800 kiloqram satılıb.

Xəzər TV-yə açıqlamasında qarpızın toxumunun İrandan gətirildiyini deyən fermer onun bir çox xəstəliklərin dərmanı olduğunu qeyd edib.

Maraqlıdır ki, əksəriyyət sarpızın insan orqanizmi üçün təhlükəli olduğunu düşünərək onu dadmaqdan imtina edir. Bəs rəsmi qurumlar nə deyirlər?

Səhiyyə Nazirliyi Gigiyena və Epidemologiya Mərkəzinin şöbə müdiri İmran Abdullayev modern.az-a açıqlamasında birmənalı şəkildə insanları bu qarpızdan imtinaya çağırıb: "Hesab edirəm ki, kənd təsərrüfatı mütəxəssislərinin bu sahədə araşdırmalar aparmasına ehtiyac var. Hər halda yalnız onların müsbət rəyindən sonra sarı qarpızları yemək olar deyə, düşünürəm. Qarpızın ənənəvi rəngi bildiyimiz kimi tünd çəhrayı rəngdə olur. Hesab edirəm ki, sarı qarpızın genetik modifikasiya olunmuş məhsul (GMO) olması ehtimalı yüksəkdir. Eyni zamanda, onun sarı olması təbii yolla yetişdirilən sortdan, növdən də asılı ola bilər. Bütün hallarda bu sahənin mütəxəssislərin rəy bildirməsinə ehtiyac var. Məhsulun GMO, yaxud hibrid sortlarından olması ehtimalı yüksəkdir.

Biz Gigiyena və Epidemologiya Mərkəzi olaraq məhsulun tərkibində nitratların, xüsusi elementlərin qalıq miqdarı, məhsulda zərərli elementlərin olub-olmaması haqqında məlumat verə bilərik. Təbii ki, məhsulu müayinə etdikdən sonra".

Kənd Təsərrüfatı Nazirliyinin mətbuat xidmətinin rəhbəri Murtuzəli Hacıyev də sayta açıqlamasında vətəndaşlara sarı yox, ənənəvi çəhrayı qarpız istehlak etmələrini tövsiyə edib: "Təbii ki, müxtəlif növ meyvələrin müxtəlif sortları var. Məsələn, badımcanın yumru, oval, uzunsov şəkildə olan sortları mövcuddur.

Bu da qarpızın bir sortdur. Mən deməzdim ki, bu GMO məhsuludur. Hesab edirəm ki, seleksioner tərəfindən yaradılmış sortdur. Amma yaxşı olar ki, istehlakçılar dədə-baba, ənənəvi, yerli adaptasiya olunmuş qarpız sortlarından istifadə etsinlər. Qarpız adətən kütləvi şəkildə iyunun 15-dən sonra yetişirdi. Amma son illər tez yetişən qarpız sortlarından istifadə edilir. Sarı qarpız seleksiyada istifadə olunur və çox da geniş yayılmayıb".
Xəbəriniz olsun

08.12.2018 - HACIYEV NİYƏ ŞƏRİFOVLA ÜZLƏŞMƏK İSTƏYİR? – Məşhur vəkil 3,3 milyardlıq borcu açdı + FOTO

08.12.2018 - “Nar”-dan “Samsung Galaxy Note 9” qazanan abunəçi məlum oldu

08.12.2018 - Qurban Qurbanov millidən getdi

06.12.2018 - Ukraynadakı səfirliyimiz Azərbaycan maraqlarının yorulmaz müdafiəçisi rolunda

06.12.2018 - Avropa İnsan Hüquqları Məhkəməsindən Seymur Həzi ilə bağlı qərar - Hökumət 14500 avro cərimələndi

06.12.2018 - Tramp Qafqazda hücuma keçəcək, hədəfdə Ermənistandır...

06.12.2018 - Eks-nazir qardaşından şok addım - Girov saxlayıb, hədə-qorxu ilə 140 min alıb

06.12.2018 - Əhməd Əhmədzadənin “EVRASCON”-la müdhiş işbirliyi - İTTİHAM

06.12.2018 - Azərbaycanda “qızıl medallı şagird” burulğanı: söhbət əslində nədən gedir

06.12.2018 - Hüseyn Bağırov babası Mircəfər Bağırovun Müşfiqi öldürməsidən danışdı

06.12.2018 - Nazirlər razılaşdılar, amma nəticə yoxdur - 3 saatlıq Milan görüşü

05.12.2018 - "Samir Şərifov nə demək istədiyini..." - İqtisadçı alimdən maliyyə nazirinə cavab

05.12.2018 - Əli Həsənov: "Məmurun ana dilini bilməməsi onun qəbahətidir"

Facebook