“Şəhidin məzarı üstündən bayrağı mən sökdürmüşəm”– İcra başçısı Lütfəli Babayev

04 avqust 2016
“Şəhidin məzarı üstündən bayrağı mən sökdürmüşəm”– İcra başçısı Lütfəli Babayev
Zərdabda şəhid ailəsi yerli məmurların və polisin təzyiqi ilə üzləşib

Bri neçə gün öncə sosial şəbəkədə 6 aprel tarixində şəhid olmuş Zərdab rayon Dəkkə kənd sakini Nurlan Babazadənin məzarı yanında dirəkdən asılmış Azərbaycan bayrağının götürülməsi geniş müzakirələrə səbəb olub. Baş vermiş hadisədən narazı olan şəhid atası Rasim Abdullayev bildirib ki, prezidentin dediyi qayğıkeşliyi Zərdab rayonunda görməyib: “Bir məzar düzəldildi, o da minnətlə. Oğlum bayraq uğurunda şəhid olub. Onu da qoymadılar, endirdilər”.

Şəhidin anası bildirib ki, Nurlan həmişə Mübarizin adını çəkib. Həmişə deyirdi ki, Mübarizin şəhidliyi mənə də qismət olacaq: “O torpaq uğrunda şəhid olub. Mən də onunla təskinlik alırdım”.

R.Abdullayev deyir ki, icra nümayəndələri onun həyətinə polis göndəriblər və bayraqla, plakatın götürülməsini istəyiblər. Şəhid atasında hədə-qorxu gələn icra başçısı onu Prezident Aparatına şikayət etməklə təhdid edib.

Bayrağı sökən icra oakimiyyəti əməkdaşları onu şəhid atası Rasim Abdullayevin üstünə ataraq “bunu buradan götür” deyə hörmətsizlik edib və məzara bir daha bayraq asılmamasını tapşırıblar. Şəhid atası Rasim Abdullayev isə məsələyə öz etirazını bildirərək oğlunun Vətən və bu bayrağın dalğalanması üçün şəhid olduğunu, həmçinin, özünün və yoldaşının bu bayraqdan təsəlli aldığını bildirib.

Hadisədən bir gün sonra rayon Əlillər Cəmiyyətinin sədri Neman Yediyarov və rayon polis idarəsinin rəis müavini ilə şəhid ailəsinin yaşadığı ünvana yollanıb. Şəhidin evinə gələn şəxslər burada Nurlan Abdullazadənin valideynlərinə qəbirstanlıqdakı bayrağı bir daha oraya asmamaları və girişdə quraşdırdıqları Nurlanın şəklini əks etdirən plakatı sökmələri üçün onlara təzyiqlər ediblər.
“Mənim işimlə bağlı məni niyə sorğu-sual edirsiniz ki? Prokuror- zadsız…Bayrağı harada gəldi, özü də qəbiristanlıqda asmırlar. Həmin bayrağı və plakatı mən sökdürmüşəm”.

Bu sözləri Gununsesi.info-ya icra başçısı Lütvəli Babayev söyləyib.

İcra başçısı də şəhidin valideyinləri barəsində tənqid səsləndirib: “Daha nə istəyirlər? Nə lazımdırsa, o, ailə üçün edilib. Amma gedib hay-küy salırlar…”.
Xəbəriniz olsun

20.08.2018 - ABŞ-ın Ankaradakı səfirliyinə silahlı hücumda şübhəli bilinən şəxs saxlanılıb

20.08.2018 - “Azəriqaz” 30-a yaxın ailəni də evsiz qoymaq istəyir

19.08.2018 - Azərbaycanda benzin bahalaşdı

18.08.2018 - Merkelin Azərbaycan səfərinin arxasında nələr durur?

18.08.2018 - Elmar Vəliyevə sui-qəsd - yeni həbslər və təfərrüat

18.08.2018 - Azərbaycanlı məhbuslar İstanbulda aclıq aksiyası keçirir - Erməni rəisə görə

18.08.2018 - Trampdan Türkiyəyə: “Bu iş bitmədi, həzm etməyəcəyik”

18.08.2018 - Şoka düşəcəyiniz ənənə: Böyük qardaş özünə həyat yoldaşı seçir və bütün qardaşları onu…

18.08.2018 - Sabirabad icra başçısının qardaşı oğlu adam oğurlayıb – pul üstə…

17.08.2018 - Baş Prokurorluq, DİN və DTX Gəncə hadisələri ilə bağlı birgə məlumat yayıblar

17.08.2018 - “Qarabağ” “Şerif”lə nə nə vaxt meydana çıxacaq? - Avropa Liqası

17.08.2018 - Bakıda avtobusda qadına təcavüz edildi: Niyə mənə toxunursan? - VİDEO

17.08.2018 - Köçəryan Paşinyanı Qarabağ danışıqlarından “dovşan kimi qaçmaqda” günahlandırdı

Facebook