"Rəqiblər bu hiyləmizi bilir” - Qurbanov sabahkı oyundan danışdı

24 avqust 2016
"Rəqiblər bu hiyləmizi bilir” - Qurbanov sabahkı oyundan danışdı
“Bu, ən vacib oyunlarımızdan biridir. Artıq rəqibimizi daha yaxından tanıyırıq. Görüşə yaxşı hazırlaşmışıq. Rəqib ciddi komandadır”.

Futbolxeber.az-ın yaydığı xəbərə görə, bu sözləri “Qarabağ”ın baş məşqçisi Qurban Qurbanov deyib.

Sabah Ağdam klubu Avroliqanın pley-off mərhələsinin cavab oyununda “Göteborq”la qarşılaşacaq. “Qarabağ”ın çalışdırıcısı bu gün oyunöncəsi mətbuat konfransı keçirib.

Qurban Qurbanov sabahkı görüşün komandası üçün mühüm əhəmiyyət kəsb edtdiyini bildirib: “Müdafiədə diqqətli oynamalıyıq. Rəqibə qol imkanı yaratmağa imkan verməməliyik. Təhlükəli yerlərdə qaydanı pozmamalıyıq. İlk oyunda cərimə zərbəsində qol buraxmışıq. Ona görə də bu dəfə ehtiyatlı olmalıyıq”.

“Qarabağ”ın baş məşqçisi yeni transfer Dino Ndlovun sabah start heyətində olub-olmayacağı ilə bağlı sualı belə cavablandırıb: “Bu barədə hələ qərar verməmişəm. Onun bir az artıq çəkisi var idi. Üzərində xeyli çalışıb. Start heyətdə meydana çıxacağı gözlənilmir. Eləcə də Namiq Ələsgərovun start heyətinə düşmə ehtimalı azdır”.

Qurbanov qol epizodları üzrə çalışdıqlarını qeyd edib: “Futbolçuların motivasiyasını daha çox artırmalıyıq. Maksimum çalışmalıyıq ki, şanslarımızı dəyərləndirək. Bəzən olur ki, bombardir 4-5 tur qol vura bilmir. Belə hallar olur. Rəqibini oyununu da nəzər almaq lazımdır. Mən də futbolçu olmuşam. Futbolçu belə hallarla tez-tez qarşılaşır. Bunun üzərində daha çox çalışmaq lazımdır”.

“Qarabağ”ın çalışdırıcısı “rəqibin sürprizinə hazır olmalıyıq” deyib: “Oyunumuzu rəqibə görə qururuq. Son zamanlar müdafiə futboluna diqqət verən komandalar nəticə əldə edirlər. Avropa çempionatında da bunun şahidi olduq. Bu turnirlərdə də belə olur. Rəqibin doğma sistemi 4-4-2-dir. Sabah da belə oynayacaqlar. Həmişə 2 sırf hücumçuları olur. Yaxşı əks hücumlar qururlar. Ancaq bizdə fərqlidir. Hücumda daha çox futbolçu olur. Oyunçular mövqelərini tez-tez dəyişirlər. Rəqib bizim üçün sürpriz hazırlaya bilər”.

Qurban Qurbanov penaltilər seriyası barədə düşünmədiklərini söyləyib: “İstəməzdim ki, oyun penaltilərə getsin. Amma hər şeyə hazır olmalıyıq. Soyuqqanlı olmaq lazımdır”.

“Komandada psixoloji cəhətdən vəziyyət necədir” sualını təcrübəli mütəxəssis belə cavablandırıb: “Hər şey normaldır. Son iki ildə qrupa düşmüşük. Azarkşlərimziin önündə oynayacağıq. Hər hansı psixoloji gərginlik varsa, buna sevinirəm. Çünki oyunçu təzyiqi hiss edir və nəticə qazanmaq istəyir. Məşhur Azərbaycansayağı künc zərbəsindən istifadə etmək fikrimiz yoxdur. Sabah başqa planlarımız var. Artıq rəqiblər bu hiyləni bilirlər”.

Sonda Qurban Qurbanov “Qəbələ”yə uğurlar arzu edib: “İlk oyunda yaxşı nəticə əldə ediblər. Onlara uğurlar arzu edirəm. İnşallah yaxşı nəticə ilə qayıdarlar. Həyatda asan heç nə yoxdur. Hər ikimizin işi çətindir. Arxayınlaşmaq olmaz”.
Xəbəriniz olsun

16.11.2018 - Ehtiram Xəlilov Kəmaləddin Heydərovu necə itirdi? – Təfərrüat

16.11.2018 - Bakıda evli qadınla sevgili olan kişi amansızlıqla öldürüldü - ŞOK FAKTLAR

16.11.2018 - “Abel Məhərrəmovun konfransda kefli çıxış edib” – Deputat təsdiqlədi

16.11.2018 - İdris İsayev təhsil nazirinin müavini təyin olundu

15.11.2018 - Abel Məhərrəmov rektor vəzifəsindən çıxarıldı - Səbəblər: Madriddəki sərxoşluq, 2 tonluq yük və...

15.11.2018 - “Brain Ring” izlə, “Nar”-dan hədiyyə qazan!

15.11.2018 - Prezident Gəray Fərhadovu işdən çıxartdı

15.11.2018 - “Paşinyan əraziləri Azərbaycana verəcək” - Erməni siyasətçi

15.11.2018 - Masallının təhsil "şefi" haqda şok dosye nazirə təqdim olundu: "Əvvəl qapıçı işləyib, indi isə..."

15.11.2018 - Farerin millimizlə oyun üçün start heyəti - 3 hücumçu

15.11.2018 - Xaşoginin nişanlısı: Qətlin iştirakçısı, yoxsa "Müsəlman qardaşları"nın üzvü?

15.11.2018 - "İndi mən camaatın arasına necə çıxım?" - Deputatdan etiraz

15.11.2018 - Eldar Əzizov Bakı meri oldu - Sərəncam

Facebook