Bakıda sevgilisinin ərini doğrayan Sədi: "Lalə qapını açdı, bu vaxt əri oyandı..."

21 sentyabr 2016
Bakıda sevgilisinin ərini doğrayan Sədi: "Lalə qapını açdı, bu vaxt əri oyandı..."
Bu gün həyat yoldaşını öldürməkdə təqsirləndirilən Lalə Mahmudova və tanışı Sədi Məmmədovun cinayət işi üzrə məhkəmə davam edib. Lent.az-ın məlumatına görə, Bakı Ağır Cinayətlər Məhkəməsində hakim Əfqan Hacıyevin sədrliyi ilə keçirilən prosesdə şahid qismində 27-ci Polis Bölməsinin rəis müavini Rasim Əmirov ifadə verib.

Şahid bildirib ki, təqsirləndirilən Lalə Mahmudova ərizə ilə müraciət edərək ərinin evdən çıxıb və bir daha geri qayıtmayıb: "Kamera görüntülərini izlədik. Sədi Məmmədov hadisəni törədən şəxs kimi həbs olunduqdan sonra Lalə Mahmudova da səmimi etiraf edib ki, Sədi Kamranı qətlə yetirib. Sədi də sonradan bizə törətdiyi cinayəti etiraf etdi. Lalə ifadəsində dedi ki, Sədi ilə əlaqədə olublar”.

Lalə Mahmudova prosesdə sualları cavablandırıb. O deyib ki, heç nədən xəbəri olmayıb və yaşadığı mənzilə gətirilən qara torbaların kimin tərəfindən ora qoyulduğunu bilmir: "15 il o ərazidə yaşamışam, orda kamera olmasından xəbərsizəm. Bilsəydim, qoyardımmı ki, kameranın qabağında ərimi öldürsünlər?".

S. Məmmədov da ifadəsində deyib ki, ibtidai istintaqa verdiyi ifadələrdən xəbərsizdir. O deyib ki, L. Mahmudova hadisə baş verən gün ərinin evdə olmayacağını deyib: "Evə qalxdım, gördüm, evdən səs gəlir. Aşağı düşdüm, sonra geri qayıdıb qapını bir neçə dəfə döydüm. Qapını Lalə açdı. O, mənə əli ilə sakit işarəsi göstərdi. Bu vaxt əri oyandı. Mən də o yataqdan qalxmaq istəyəndə iki dəfə atəş açdım".

Proses oktyabrın 7-də davam edəcək. Qeyd edək ki, Yasamal rayon sakini, 1976-cı il təvəllüdlü Kamran Mahmudovun 26 sentyabr 2015-ci il tarixdən itkin düşməsi barədə hüquq mühafizə orqanlarına daxil olmuş məlumat əsasında həyata keçirilmiş istintaq və əməliyyat-axtarış tədbirləri nəticəsində müəyyən edilib ki, həmin tarixdə saat 03 radələrində Bakı şəhər sakini Sədi Məmmədov tanışı Lalə Mahmudova ilə qabaqcadan əlbir olub əri K.Mahmudovu öldürmək məqsədi ilə sonuncuların yaşadığı mənzilə gəlib.

S. Məmmədov K. Mahmudovun yatmış vəziyyətdə olmasından istifadə edərək özü ilə gətirdiyi odlu silahdan onun bədəninin müxtəlif nahiyələrinə bir neçə dəfə atəş açaraq qəsdən öldürüb və meyiti L.Mahmudova ilə birlikdə bıçaqla hissələrə bölərək özünə məxsus BMW markalı avtomobillə İsmayıllı rayonunda qardaşı Əli Məmmədova məxsus bağ evinin həyətində basdırıblar.

Fakta görə rayon prokurorluğunda Cinayət Məcəlləsinin 120.2.1-ci (qabaqcadan əlbir olan bir qrup şəxs tərəfindən qəsdən adam öldürmə) maddəsi ilə cinayət işi başlanıb. K.Mahmudovun meyiti qeyd olunan ərazidə aşkar edilərək çıxarılmış, iş üzrə müvafiq ekspertizalar təyin edilmiş, cinayətin aləti olan odlu silah və 12 ədəd güllə maddi sübut kimi götürülüb. Cinayətin S.Məmmədov və L.Mahmudova tərəfindən törədilməsində əsaslı şübhələr yarandığından onlar oktyabrın 3-də tutularaq istintaqa cəlb olunublar.
Xəbəriniz olsun

25.05.2018 - Neftçala polisinin rəisi balıq yetişdirəcək

25.05.2018 - Xəzərdə tapılan meyitlərlə bağlı şok təfərrüatlar – “Qayığa bağlıydılar” – Fotolar,Video

25.05.2018 - "Əmək haqqından tutulan vergilər azaldıla bilər" - Nazirdən anons

25.05.2018 - Keçmiş icra başçısının həbsdə ölum xəbərinə DİN-dən reaksiya

25.05.2018 - Bakıda məşhur klinikanın baş həkimi döyüldü - FOTO

24.05.2018 - “Paşinyan”la Britaniya xarici işlər nazirinin telefon danışığı yayıldı: "Qorxuram ki, Putin məni də zəhərləyə ...

24.05.2018 - "Qarabağ" 9 futbolçu ilə yollarını ayırdı

24.05.2018 - Aygün Kazımova: "Onunla yatmaq zövqlüdür, özünü sıxır mənə..."

24.05.2018 - “Səhər saat 9-45-də 1000 manat rüşvət verildi” - Baş redaktor BDYPİ-nin rüşvət mexanizmini ifşa etdi

24.05.2018 - Prezident əfv sərəncamı imzaladı: tam siyahı

24.05.2018 - Donald Tramp İlham Əliyevə məktub göndərdi

24.05.2018 - Azərbaycan “sendviç” kimi sıxılır - böyük güclərdən Bakıya təhdid

24.05.2018 - Elmar Məmmədyarova çağırış: “Qohumun İbrahimbəyovdan imtina et”

Facebook