Sumqayıtda damdan yıxılan fəhlənin qanı batır: Günahkar Fəzail Hüseynov cəzalandırılacaqmı?

05 oktyabr 2016
Sumqayıtda damdan yıxılan fəhlənin qanı batır: Günahkar Fəzail Hüseynov cəzalandırılacaqmı?
Sumqayıtda yağışlı havada 5-ci mərtəbədən yıxılmış iki fəhlədən biri xəstəxanada keçinib, o biri reanimasiyadadır.

AzToday.az xəbər verir ki, sentyabrın 28-də baş vermiş hadisə ilə bağlı Daxili İşlər Nazirliyi (DİN) də məlumat yayıb. Məlumatda deyilir ki, Sumqayıt şəhəri ərazisində Ağsu rayon sakini İsmət Musayev və Ağcabədi rayon sakini Murad Əliyev fəhlə işlədikləri evin damında təmir işləri apararkən (beşmərtəbəli binadan) yıxılıblar. İ.Musayev hadisə yerində ölüb. Araşdırma aparılır.

Maraqlıdır ki, rəsmi məlumatda olayla bağlı heç bir xəbər verilmir. Fəhlələrin hansı şirkət tərəfindən və hansı işə cəlb olunduğu haqda da məlumat yoxdur.

Qeyd edək ki, Sumqayıt şəhərində çoxmənzilli binaların dam örtüklərinin dəyişdirilməsi ilə bağlı ölkə rəhbərinin əlavə tədbirlər haqqında sərəncamı olmuşdu və bununla bağlı büdcədən xeyli miqdarda vəsait ayrılmışdı. AzToday.az xəbər verir ki, bu işlərin görülməsi üçün məsul şəxs Sumqayıt şəhər icra hakimiyyəti memarlıq və tikinti şöbəsinin müdiri Fəzail Hüseynovdur.

Rəsmi məlumatda şirkət adının çəkilməməsi də qaranlıq mətləblərdən xəbər verir. İlk növbədə bir fəhlənin ölümü, birinin isə ciddi xəsarət alması ilə nəticələnən hadisə əməyin təhlükəsizliyi qaydalarının kobud şəkildə pozulmasından xəbər verir. Bu işə nəzarət etməli olan Əmək Müfəttişliyi və Fövqəladə Hallar Nazirliyinin də burada məsuliyyəti az deyil. Bununla belə Fəzail Hüseynovun adıçəkilən qurumları rəsmiyyətdə aldatmasının da üstü bu hadisədən sonra üzə çıxmış olur. Bu baxımdan Əmək Müfəttişliyinin və hüquq mühafizə orqanlarının hansı addımları atacağı maraqla gözlənilir.

Bundan əlavə ölümlə nəticələnən hadisə zamanı şirkət adının açıqlanmaması şübhələri artırır. Əgər, prezident sərəncamı ilə Sumqayıt şəhərin yaşayış binalarının dam örtüyünün dəyişdirilməsinə pul ayrılırsa, burada mütləq tender keçirilməli idi. Bu baxımdan keçirilən tenderlərdə maxinasiyalara yol verildiyi açıq-aydın görünür.

Başqa bir tərəfdə ölən və yaralanan fəhlələlərin əmək müqaviləsi ilə işləyib işləmədiyi aydınlaşdırılmalı və onların ailələrinə kompensasiya verilməsi təmin olunmalıdır.

Bütün hallarda qanun Fəzail Hüseynovun bu qanlı olaydan sonra həbs edilməsi üçün tam əsaslar yaradır.
Xəbəriniz olsun

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

Facebook