Gəncə qarışdı: Elmar Vəliyev “İmamzadə”yə hücum etdi

10 noyabr 2016
Gəncə qarışdı: Elmar Vəliyev “İmamzadə”yə hücum etdi
Gəncədən narahat xəbərlər almışıq

Daxil olan məlumatlara görə, Gəncənin icra hakimiyyətinin başçısı Elmar Vəliyev "İmamzadə” ziyarətgahına və onun axundu Hacı Tahir Abbaszadəyə hücuma keçib. Başçının birbaşa tapşırığı ilə Gəncə şəhər Baş Polis İdarəsinin rəis müavini, polkovnik İlqar Balakişiyevin rəhbərlik etdiyi qrup "İmamzadə”də əməliyyat keçirib. Əməliyyat zamanı "İmamzadə”nin əməkdaşları İlham Abbasovu və Elbrus Məmmədovu həbs edən polislər, bəzi din adamlarının da axtarışına çıxıblar.

Məlumatı əldə edən kimi Gəncə şəhər Baş Polis İdarəsinin rəis müavini, polkovnik İlqar Balakişiyevlə əlaqə saxladıq. Sualımızı dinləyən İ.Balakişiyev "mənə bu haqda heç nə məlum deyil” dedi və məlumatı təkzib etdi.Əməkdaşlarımız "İmamzadə” ziyarətgahının axundu Hacı Tahir Abbaszadə ilə əlaqə saxlamağa çalışdılar. Onun icra hakimiyyətində olduğu və başçı ilə görüşdüyü məlumatını aldıq. Bir müddətdən sonra Hacı Tahir Abbaszadə ilə danışa bildik. Məlumatı doğrulayan Hacı Tahir Elmar Vəliyevin onu hədəf götürdüyünü və həbs etdirmək istədiyini dedi.

Hacı Tahir kəfən geyindiyini dedi…
Hacı Tahirin dedikləri tükürpədicidir: "Elmar Vəliyev məni şəhər ictimaiyyətinin qarşısında təhqir edib. "Aşura” günündə "İmamzadə”də prezident İlham Əliyevin ünvanına dediyim xoş sözlərdən sonra mənə "bütpərəst” dedi və məni hədəfə götürdü. "İmamzadə”yə Natiq Həsən oğlu Allahverdiyev adlı bir qohumunu təyin etdi və mənim adamlarımı, idarənin əməkdaşlarını iş görə bilməyəcək hala gətirdi. Dindar ovuna başlayıb şəhərdə. Dünəndən iki əməkdaşımızı həbs etdirib. Bir neçəsini də axtarışa verdirib. Məni açıq şəkildə həbs etdirəcəyi ilə hədələyir.

İndi mən Gəncədən Bakıya çıxmışam. Əynimdə kəfən var. Kəfənimi geyindimsə, bu yolda sonuna qədər varam. Buradan bəyan edirəm. Yolda məni saxlayıb həbs etdirməyə çalışsalar, intihar edəcəyəm!”

Hacı Tahir Abbaszadə Bakıya çatan kimi hər şeyi foto-video dəlillərlə sübut edəcəyini və mətbuat konfransı keçirəcəyini dedi.

Xural.com
Xəbəriniz olsun

16.11.2018 - Ehtiram Xəlilov Kəmaləddin Heydərovu necə itirdi? – Təfərrüat

16.11.2018 - Bakıda evli qadınla sevgili olan kişi amansızlıqla öldürüldü - ŞOK FAKTLAR

16.11.2018 - “Abel Məhərrəmovun konfransda kefli çıxış edib” – Deputat təsdiqlədi

16.11.2018 - İdris İsayev təhsil nazirinin müavini təyin olundu

15.11.2018 - Abel Məhərrəmov rektor vəzifəsindən çıxarıldı - Səbəblər: Madriddəki sərxoşluq, 2 tonluq yük və...

15.11.2018 - “Brain Ring” izlə, “Nar”-dan hədiyyə qazan!

15.11.2018 - Prezident Gəray Fərhadovu işdən çıxartdı

15.11.2018 - “Paşinyan əraziləri Azərbaycana verəcək” - Erməni siyasətçi

15.11.2018 - Masallının təhsil "şefi" haqda şok dosye nazirə təqdim olundu: "Əvvəl qapıçı işləyib, indi isə..."

15.11.2018 - Farerin millimizlə oyun üçün start heyəti - 3 hücumçu

15.11.2018 - Xaşoginin nişanlısı: Qətlin iştirakçısı, yoxsa "Müsəlman qardaşları"nın üzvü?

15.11.2018 - "İndi mən camaatın arasına necə çıxım?" - Deputatdan etiraz

15.11.2018 - Eldar Əzizov Bakı meri oldu - Sərəncam

Facebook