Alın yazımızdan “silinən” xoşbəxtlik

27 fevral 2017
Alın yazımızdan “silinən” xoşbəxtlikXaqan RUHİ

Babamla danışdığım həmin günün üstündən illər keçib, amma babamın dediyi o sözlər ilk günkü kimi qulağımdadır. Elə bil, dünən danışmışıq bu gün ölüb, babam. O vaxtlar indiki musiqi mərkəzləri filan yox idi, bildiyimiz Sovet maqnitofonları idi, işıq sönən kimi də kaset ilişib qalırdı maqnitofonun içində.
Günlərin birində babama uşaq ağlımla sual vermişdim ki, bəs, bu alın yazısı var ha, onu Allah alına yazırsa, elə adam var səksən il, yüz il yaşayır bu illər ərzində olacaqları alına necə sığışdırır axı? Babam da heç qoymamışdı ki, şirin söhbətimizin arasını sükunət vursun. Qayıdıb demişdi ki, Allahın yazdığı hər hərf bir mənanı verir bala, baş açmaq olmaz.
İndi - 20 yaşdan sonra telefon zənglərində biraz kədər olur, daha "baban da sənə salam deyir" cümləsini eşitmək istəsən də eşitmirsən. Daha o uşaq ağlımla düşündüyüm sualların cavablarını tapmışam, fəqət nə qədər qaçsam da özümə çatmağa yenə də biraz qalmış tənginəfəs yıxılıram yerə. Daha bütün suallara “baba izahatı” olmadan özüm cavab tapmalıyam, işin zor tərəfi həm də budu...
Hərdən onu da düşünürəm ki, görəsən, bizim milləti bugünə salmaq kimin, kimlərin və ya hansı dairələrin marağına xidmət edir? Başına gələnlər, gətirilənlər millətimin alın yazısıdır, yoxsa dünya güclərinin fitnə-fəsadı?
7-ci əsrin quru Ərəbistan çölləriylə indiki Azərbaycanın tək fərqi ondadır ki, orada cansız bütlərin önündə əyilirdilərsə, indi əksinə, canlı və qalstuklu bütlərə sitayiş etməsən, adamın alnına yazılan azsaylı xoş günləri də silərlər...
Avropada kitabxanlar və mədəniyyət evləri çoxladıqca biz də sanki acığa düşərək qəlyanlarımızın tütününü bol eləyirik. Rəsmi təbliğatda isə hər şey qaydasındadı: “Təhsilimiz, səhiyyəmiz davamlı inkişaf yolundaymış...”
Əsrlər öncəylə bu gün arasında Azərbaycanda o qədər az şey dəyişib ki, Mirzə Fətəli Axundovun, Mirzə Cəlilin, Ələkbər Sabirin əsərlərini oxuyanda adama elə gəlir ki, hansısa dünənki ya bugünkü olaya yazılıb. Eynən dünənki haldayıq: “müsülman milləti”yik, rus dilliyik və qazımız da evimizi yox, kilsələri qızdırır...
Xəbəriniz olsun

16.07.2018 - DÇ-2018-in ən yaxşıları açıqlandı

16.07.2018 - Gəncə hadisələrinin kölgədəki rejissoru: Tohid İbrahimlinin "Hüseynçilər" dəstəsi

16.07.2018 - ERMƏNİ KƏŞFİYYATÇISI ƏSİR GÖTÜRÜLDÜ – Diversiya cəhdi + FOTO

16.07.2018 - Gəncədə polisi qətlə yetirən Rəşad necə zərərsizləşdirilib? - DİN açıqladı

15.07.2018 - Azərbaycanın xüsusi xidmət orqanları Elmar Vəliyevə sui-qəsddə "Qum izi" aşkarladılar

15.07.2018 - Sumqayıta xüsusi təyinatlı bölmələr daxil oldu: həbslər başladı

14.07.2018 - Azərbaycan Milli Demokrat Partiyasının Gəncə hadisələri ilə bağlı bəyanatı

14.07.2018 - Nəsimi rayonunda sakinlər “müdafiə səddi” qurdular: İCRA BAŞÇISI "SƏNGƏRİN O TAYINDA" QALDI

14.07.2018 - Gəncədə Elmar Vəliyevə sui-qəsdin daha bir iştirakçısını həbs etdilər

14.07.2018 - Bakıda lift şaxtaya düşdü: Xəsarət alanlar var

14.07.2018 - Ramil Usubov polis rəislərini topladı

13.07.2018 - Qətlə yetirilən polis polkovniki onunla gəlmək istəyən həmkarına: "Gəncəlilər mənə əl qaldırmaz..."

13.07.2018 - İlham Əliyev: Gəncədəki hadisələrin arxasında xarici güclər durur

Facebook