Sevgililərin dostu və yaxud Mikayıl Cabbarov niyə susur?

07 mart 2017
Sevgililərin dostu və yaxud Mikayıl Cabbarov niyə susur?
Aydın Canıyev

Orta məktəbdə oxuyanda biologiya müəllimimiz danışmışdı ki, bir qurbağanın üzərində təcrübə aparmaq üçün onun ayağına iynə batırırlar, hər dəfə qurbağa ayağını çəkir, bunu o qədər təkrarlayırlar ki, artıq qurbağa hissiyyatını itirir və ayağını çəkmir.

Bilmirəm, bu hadisə nə dərəcədə düzgündü, bildiyim odu ki, indi biz cəmiyyət olaraq o qurbağanın vəziyyətindəyik. Ağrı hissimizi itirmişik. Heç nəyə reaksiya verə bilmirik, heç balalarımızın gələcəyi olan təhsilə də.

Bu yazıda söhbət ictimaiyyətdə artıq xeyli narazılığa səbəb olmuş "məktəblinin dostu" layihəsindən gedəcək. Yadınıza salaq ki, bu barədə mətbuatda xeyli tənqidi, analitik yazı getdi, layihənin absurdluğu elmi əsaslarla təsdiq olundu, istinad üçün deyək ki, miq.az saytının, Azər Həsrətin, Limunət Əmrahlının səsləndirdiyi xeyli tutarlı dəlillər var ortalıqda. Əgər bu layihə bir eksperiment olaraq ictimaiyyətin dəstəyinə ehtiyac duyursa, müzakirəsinə verilibsə, etirazlara niyə cavab verilmir, niyə biri qabağa çıxıb cəmiyyətə ağlabatan bir arqument açıqlamır? Niyə? Çünki o arqument yoxdu, cənablar, sinif otağında dərs deyən, boğaz cıran müəllimlərin maaşının iki misli dəhlizdə boş-bekar gəzişən, işinin adı bəlli olmayan hansısa uniformalılara verilirsə, buna nə arqument, görünən kəndə nə bələdçi?
Milləti hazırlamaq üçün hərdən televiziya verilişlərində ortalığa atdığınız səbəblərə, internetdə yerləşdirdiyiniz videoçarxlara bişmiş toyuğun da gülməyi gəlir. Bugünlərdə İctimai televiziyada 166 saylı məktəbin müəllimi lap gül vurdu, bəyan elədi ki, əvvəllər şagirdlər öz sevgililəri haqda müəllimlərə heç nə deyə bilmirdi, bu "dost"lara isə asanlıqla danışa bilirlər...


Hazırda Bakının 30 məktəbinin hərəsində beş-altı nəfərdən hesablasaq, ən azı 150 nəfərdən çox olan bu adamlara dövlətin büdcəsindən bu qədər pul nə məqsədlə ayrılır, şagirdlər sevgilərini danışsın deyəmi?

Anlayırıq, iş yerini itirməmək xatirinə müəllimlərdən bir-ikisini tapıb istədiyinizi dedirdirsiniz. Ən azı susdurursunuz.
Amma adi vətəndaş olaraq, valideyn olaraq biz susmayacağıq.
Bu ölkənin neftində gözümüz yox, hardan gəldi, hara getdi - soruşmuruq.
Torpaqlarda gözümüz yox, qaytarsaz da sağ olun, qaytarmasaz da.
Vəzifədə gözümüz yox, halal xoşunuz olsun!


Amma və lakin... əfəndilər, bəylər, ağalar, cənablar, təcrübə sahəsinə çevirdiyiniz o məktəblərdə bizim balalarımız oxyur, onların gələcəyini, onların əxlaqını öz absurd təcrübələrinizə, gecə yuxuda görüb gündüz həyata keçirdiyiniz layihələrinizə qurban verə bilməzsiniz. Bizim balalarımızı öz müəllimlərinin üzünə durmağa məcbur edə bilməzsiniz. Bu xalqın genində müəllimə hörmət əxlaqı var.

Siz susduqca biz yazacağıq, soruşacağıq, hətta tələb edəcəyik. Öz mənasız eksperimentinizi həyata keçirəcəyinizə bu saymazyana inam hardandı?
Soruşuruq: heç bir pedaqoji təhsili və təcrübəsi olmayan, təhsil və təlim üzrə heç bir nailiyyətə imza atmayan, heç bir dərs vəsaiti, monoqrafiyası avanqardizmə aid olmayan, "taxçadan düşüb tapp eləyən, Azərbaycan təhsilini hopp eləyən" bu Rüstəm Əliyev kimdi axı? "Müstəqil Azərbaycanın Uşinskisi-Makarenkosu" postu hansı xidmətlərinə görə və nədən bu adama tapşırılıb?


"Pavlikmorozovçuluq" nəzəriyyəsinə - satqınlığın milli doktrinasını hazırladığına görə bu mərhəmət nərədən? ...Bəlkə biz də bir jurnalist qrupu ayırıb məktəblərə gedək, müəllimlərin dostu olaraq? Onların əslində nə qədər narazı olduğunu sizə sübut edək və ən əsası, bəlkə nəhayət, anlayaq ki, bu layihənin əsl məqsədi nədi, təkcə büdcədən pul çırpışdırmaq, yoxsa müəllimlərə qurulmuş gizli tələ?

Ulu Sabirin təbirincə desək, "mən hələ dörddə birin yazmayıram", mən hələ yazmıram ki, artıq bir neçə məktəbdə insidentlər yaşanıb, "dost"larla şagirdlər əlbəyaxa olub. Görməzlikdən gəlin görək, sizin kövrək eksperimentiniz nə qədər davam gətirəcək?

Və həm ümumi, həm də xüsusi olaraq soruşaq: ASAN xidmət, öz könüllülərinizin hansı mənsəbə qulluq etdiklərini bilirsinizmi, yoxsa sizi də bizi kimi mənasız bir nəzəriyyə ilə aldadıblar?

Mikayıl Cabbarov, sizə səslənirik, bəlkə eşidəsiniz? Bəlkə layihəbazlarınıza bir "durun" deyəsiniz? Müəllimlə şagird arasına məsləyi bəlli olmayan bu kadrlar niyə soxulub? Doğrudanmı, təhsil tarixində bu absurd layihəyə havadarlıq edən nazir olaraq qalmaq fikrindəsiniz?
Xəbəriniz olsun

20.11.2017 - Təhsil İdarəsinin müdiri işdən azad olundu və saxlanıldı: Müəllim onu niyə bıçaqlamışdı?

20.11.2017 - Abdin Fərzəliyev işə gəlmir? - Şikayətçilər onu yerində tapa bilmir + İLGİNC İTTİHAMLAR, Video

20.11.2017 - "Qarabağ" - "Çelsi" oyunu üçün 400 avtobus ayrıldı

20.11.2017 - Bakıda zavodda partlayış: ölən və yaralananlar var

20.11.2017 - Məleykə Əsədova Ramiz Məlikdən 200 min istədi – Məhkəmə

20.11.2017 - Lotu Quliyə qarşı sui-qəsdin təfərrüatı

20.11.2017 - İcra başçısı pambığa görə 45 dəqiqə ərzində məmurları 126 dəfə söyüb: "...dağıdacam, it uşağı"

20.11.2017 - Telman İsmayılov: “Mən qatil deyiləm”

20.11.2017 - Sarkisyan Putinin qabağında ağladı və soruşdu ki... – Qapalı Moskva görüşündə nələr BAŞ VERİB?

19.11.2017 - İcra başçısının müavini maaşını istəyən fəhləni söydü, döydü və...

19.11.2017 - Qurban Qurbanov bu futbolçunu "Qarabağ"dan qovdu

17.11.2017 - Azərbaycanda benzin bahalaşdı

17.11.2017 - Bakıda evi uçurulan şəxs özünü doğradı: “Mənim evimi niyə sökdünüz?” (VİDEO)

17.11.2017 - Zeynəb Xanlarova Rasim Balayevin xəstəliyi haqda

17.11.2017 - Ərdoğan: “Putin Qarabağ probleminin həllinə inanmır”

17.11.2017 - Lənkəranskinin qardaşı haqda şok məhkəmə qərarı (Video)

15.11.2017 - Sumqayıtda avtobuslar daşa basıldı

15.11.2017 - Qurban Qurbanovun islahatları istefalarla başladı: Kimlər getdi, kimlər gələcək?

15.11.2017 - Azərbaycanda ünvanlı sosial yardım ləğv olunacaq

Facebook