Kərəm Həsənov üçün cəza batalyonu – Sosial evlər layihəsi…

10 mart 2017
Kərəm Həsənov üçün cəza batalyonu – Sosial evlər layihəsi…
Komitə sədri milyonlarla manat məbləğində “cərimələndi”

Daşınmaz Əmlak Komitəsinin sədri Kərəm Həsənov hakim elita tərəfindən sərt şəkildə cəzalandırılıb. Bu barədə cumhuriyyet.az-ı özəl mənbə məlumatlandırıb. Mənbənin sözlərinə görə, K.Həsənovun cəzalandırılmasına səbəb onun son bir ildə “yuxarıları” bir neçə dəfə aldatmağa cəhd etməsi, həm “MTN işi”, həm də digər məsələlərlə bağlı hakimiyyətə məqsədli şəkildə yalan danışması olub. “MTN işi” meydana çıxan gündən sabiq nazir Eldar Mahmudovla şərikli biznesə malik olduğunu ciddi-cəhdlə inkar edən komitə sədrinin, sonrakı dönəmlərdə daha bir neçə milyonluq layihəyə bağlılığını danması hakimiyyəti hərəkətə gətirib. Belə ki, K.Həsənovla bağlı yığılıb qalan narazılıqlar bu günlərdə komitə sədrinin cidid şəkildə cəzalandırılması ilə nəticələnib.
Komitə sədri tikinti şəhərciyinə sürgünə göndərilir…
K.Həsənovun uzun müddətdir ki, dövlət büdcəsinə, “ümumi katyola” çatası vəsaitləri dədə malı kimi mənimsəməsindən cana doyan hakim elita, sosial təminatı aşağı olan şəxslər üçün inşa edilən sosial evlər layihəsinin gerçəkləşdirilməsini komitə sədrinin üzərinə qoyub. K.Həsənova bildirilib ki, məlum layihənin başa çatdırılması ona həvalə edilir və o, bu layihəni bir gün belə gecikdirmədən yüksək keyfiyyətlə təhvil verməlidir.
Mənbənin sözlərinə görə, “durduğu yerdə” tikinti şəhərciyinə sürgün edilməsi, milyonlarla manat məbləğində cərimələnməsi komitə sərinin ciddi narazılığına səbəb olsa da, K.Həsənov öz narazılığını yumşaq formada belə ifadə etməyə cəsarət tapmayıb. Sosial evlər layihəsinin başa çatdırılması üçün əlindən gələni edəcəyini bildirən komitə sədri vəziyyətdən çıxmaq üçün maraqlı üsula əl atıb.
Kərəm Həsənov xalqı ona verilən cəzaya şərik etməyə çalışır…
Bilgili qaynağın cumhuriyyet.az-a bildirdiyinə görə, hər zaman olduğu kimi bu dəfə də vəziyyətdən şəxsi büdcəsinə ziyan vurmadan çıxmağa çalışan komitə sədri, məlum cəzanın ardınca əhalinin kütləvi narazılığına səbəb olan əcaib yeniliyə əl atıb. Belə ki, əhalidən yığılan qeyri-qanuni rüsumların sayını 2-3 dəfə artıran K.Həsənov, xalqı ona verilən cəzaya şərik etmək niyyətindədir. Komitə sədrinin əsas məqsədi sosial evlər layihəsini xalqın son qəpiyini əlindən almaq hesabına reallaşdırmaq, öz ailə imperiyasına məxsus sərvəti qorumaqdır. Komitə sədri hesab edir ki, önəmli olan ona verilən cəzanın tələbini yerinə yetirməkdir. Bunun hansı yola yerinə yetirildiyi hakim elita üçün önəmli olmayacaq, amma…
Komitə sədri daha ciddi cəza ilə üzləşə bilər…
Mənbə hesab edir ki, özünü vəziyyətdən çıxartmaq üçün komitə sədrinin qeyri-qanuni ödənişlərin miqdarını dəfələrlə artırması, nəticədə ağır sosial-iqtisdi dönəmdə xalqı hakimiyyətlə üz-üzə qoyması onun indikindən daha sərt şəkildə cəzalanması ilə nəticələnə bilər. Çünki K.Həsənovun “hamam suyu ilə dost tutmaq” cəhdi mahiyyət etibari ilə cəmiyyətin mövcud idarəetmə sistemindən narazılığına səbəb olacaq. Bu isə komitə sədrinin öz şəxsi maraqlarını təmin etmək üçün hakimiyyəti növbəti dəfə çətin vəziyyətə salması, onu xalqla üz-üzə qoyması deməkdir. Hansı ki, bunun cəzası K.Həsənovun təxmin etdiyindən də ağır ola bilər.
Bundan başqa, sosial evlər layihəsinin timsalında cərimə batalyonuna göndərilən, hələ ki, yolun başında olan K.Həsənovun hər şeyi indidən əlinə, üzünə bulaşdırdığını nəzərə alsaq, onun bu sınaqdan üzüağ çıxacağı inandırıcı görünmür. Bu isə o deməkdir ki, K.Həsənov komitə sədri kreslosundan həmkarı Ziya Məmmədov kimi birbaşa evə göndərilə bilər. Lakin əlində gül, ətrafında çəpik sədaları olmadan…
Çingiz Coşqun
Xəbəriniz olsun

22.01.2018 - Beşiyində külə dönən körpə: Biləcəridə baş verən yanğın hamını ağlatdı - REPORTAJ

22.01.2018 - İtkin düşən alpinistlərdən nə xəbər?

22.01.2018 - Vergilər Nazirliyi Mübariz Mənsimovun işini araşdırır

21.01.2018 - Nərimanov RİH-ə gələn şikayətçilərə ilginc təklif: “Seçkilərdə onları söyərsiniz...” – Şok video

21.01.2018 - Təhsil nazirinin müavini Vergilər Nazirliyində yüksək vəzifə aldı

19.01.2018 - ŞOK OLAY: azərbaycanlı ailə polisi girov götürdü – HADİSƏNİN DETALLARI

19.01.2018 - Siqaretə görə cərimələmək səlahiyyəti iki nazirliyə verildi

18.01.2018 - Nazir iki müavinini işdən azad etdi

18.01.2018 - Ramil Usubov polislərə xəbərdarlıq etdi

18.01.2018 - Bakıda iki məhkum öldü

18.01.2018 - Xaləddin İsgəndərovun çöküşü Fəzail Babayevin başında çatlaya bilər

18.01.2018 - “Nuray House” 30 fəhlənin pulunu mənimsədi? – Rəsmi qurumları “aldatdı”

18.01.2018 - YAP-çı deputatın işi antikorrupsiya idarəsində

18.01.2018 - “Bitcoin” kəskin ucuzlaşdı: “köpüklər partlayırmı?”

18.01.2018 - Cahangir Hacıyevin ən yaxın adamlarından biri xaricdə yaxalandı, Bakıya gətirildi

18.01.2018 - Cahangir Hacıyevin ən yaxın adamlarından biri xaricdə yaxalandı, Bakıya gətirildi

18.01.2018 - PA-nın yeni şöbə müdiri kimdir?

17.01.2018 - Fazil Məmmədovun Ukraynadakı mülkləri - Sensasion faktlar

17.01.2018 - SOCAR: “Mənsimovun bizə külli miqdarda borcu var”

Facebook