Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLAR

06 may 2017
Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLAR
“Gəncə MDB-nin Mədəniyyət Paytaxtı 2017” layihəsi çərçivəsində Nizami yurdunda ümummilli lider Heydər Əliyevin anadan olmasının 94-cü ildönümünə həsr olunmuş “Müasir təbiət elmlərinin aktual problemləri” mövzusunda beynəlxalq elmi konfrans keçirildi. Konfransdan əvvəl iştirakçılar ulu öndər Heydər Əliyevin abidəsi önünə gül dəstələri qoyublar. Dövlət Himninin səsləndirilməsi ilə başlayan beynəlxalq elmi konfransda Gəncə şəhərinin mədəni həyatını əks etdirən video çarx nümayiş etdirilib.
Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLARKonfrans giriş sözü ilə açan Gəncə şəhər İcra Hakimiyyəti başçısı Elmar Vəliyev iştirakçıları salamlayaraq onları Nizami yurdunda görməkdən məmnun olduğunu bildirib. Şəhər rəhbəri müstəqil Azərbaycan dövlətinin qurucusu, memarı olan Heydər Əliyevin şərəfli həyat yolundan, ölkəmizə rəhbərlik etdiyi bütün dövrlərdə verdiyi taleyüklü qərarlardan və atdığı tarixi addımlardan söz açıb. Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLAR
Ümummilli liderin müqayisəsiz əziyyətlərini xüsusi vurğulayan Elmar Vəliyev çıxışını Heydər Əliyevin “Azərbaycanın müstəqilliyi daimidir, dönməzdir və əbədidir” fikri ilə tamamlayıb. Gəncə Dövlət Universitetinin rektoru Yusif Yusibov konfrans iştirakçılarını salamlayaraq ulu öndərin Azərbaycan xalqı qarşısında götürdüyü işlərin əvəzsiz olduğunu vurğulayıb. Konfransın 11 bölmədən ibarət olduğunu deyən professor Yusif Yusibov qeyd edib ki, ulu öndər Heydər Əliyev qoyub getdiyi və prezident İlham Əliyevin hal-hazırda apardığı məqsədyönlü siyasət nəticəsində Azərbaycanın hər bir bölgəsində bütün sahələrdə olduğu kimi təhsil, elm də inkişaf edir.
Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLARAMEA-nın Gəncə bölməsinin akademik katibi Fuad Əliyev qeyd edib ki, akademiyanın inkişafının böyük bir mərhələsi görkəmli Dövlət Xadiminin adı ilə birbaşa bağlıdır. Xalqımızın hər zaman Heydər Əliyev kimi bir şəxsiyyətlə fəxr etdiyini deyən Fuad Əliyev qədim elm və mədəniyyət mərkəzi olan Gəncədə keçirilən beynəlxalq elmi konfransın işinə uğurlar arzu edib. Türkiyə Respublikasının İğdır Universitetinin rektoru Mehmet Hakkı qardaş ölkədə keçirilən konfransın əhəmiyətindən danışıb. Mehmet Hakkı rəhbərlik etdiyi universitetdəki təhsil sistemi və fəaliyyətindən danışaraq, ölkəmizdəki ali təhsil ocaqları ilə əməkdaşlıq etməyə hazır olduğunu vurğulayıb. Gürcüstan Respublikasının Telavi Dövlət Universitetinin təbiət və dəqiq elmlər fakültəsinin dekanı Maqda Davitaşvili Gəncə Dövlət Universiteti ilə olan əməkdaşlığın inkişaf etdiyini deyib.
Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLARVoronej Dövlət Universitetinin kimya elimləri doktoru Aleksandr Zavrajnov “Çoxkomponentli sistemlərin faza diaqramlarının tədqiqinin bəzi yeni üsulları”, AMEA Neft-Kimya Prosesləri İnstitunun direktoru Vaqif Abbasov “Kimyanın digər fənlərlə əlaqəli tədrisində informasiya texnologiyalarından istifadə prespektivləri”, Gəncə Dövlət Universitetinin Biologiya elmləri doktoru Vaqif Novruzov “Heydər Əliyev- bioloji müxtəliflik və ekoloji stabillik strategiyası” mövzusunda çıxış ediblər. Sonda beynəlxalq elmi konfransın qətnaməsi oxunub. Bildirək ki, 4-5 may tarixlərində Gəncə Dövlət Universiteti tərəfindən keçirilən beynəlxalq elmi konfransda Rusiya, Türkiyə, Ukrayna, Gürcüstan, Fransa və İspaniyadan olan 150 nümayəndə iştirak edir.
ELÇİN CAVADOV,
texnika elmləri üzrə fəlsəfə doktoru,
Gəncə Dövlət Universiteti.
Gəncə Dövlət Universiteti tərəfindən təşkil olunmuş Beynəlxalq Elmi Konfrans keçirildi - FOTOLAR


Xəbəriniz olsun

22.10.2018 - "Bank of Baku" qırmızı zolaqda: son 9 ayın nəticələrindən çıxan nəticə...

22.10.2018 - Qardaşların dövləti cinayəti və AQTA-nın şantajı Təhməzlini bitirir

22.10.2018 - Əflatun Amaşov:”Həmişə seçicilərimin yanındayam”

22.10.2018 - Qubada əmisi oğlunun arvadını qaçıran kişi döyülərək öldürülüb

22.10.2018 - Benzin ucuzlaşacaqmı? - Ekspertdən 5 suala cavab

22.10.2018 - Bakıda Mikayıl Müşfiqin qalıqları aşkarlandı - Sensasion fakt

22.10.2018 - Ziya Məmmədovun 35 minə aldığı taksilər “su qiyməti”nə satılır - QİYMƏT

20.10.2018 - Füzuli rayonunda 9 ayın yekunları müzakirə olunub-FOTO

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

Facebook