Amnesty International Əfqan Muxtarlıya görə Bakını və Tbilisini ittiham edir

31 may 2017
Amnesty International Əfqan Muxtarlıya görə Bakını və Tbilisini ittiham edir
Amnesty İnternational insan haqları təşkilatı mayın 29-da Tbilisidə oğurlanaraq Bakıya gətirilən araşdırmaçı jurnalist, müxalifətçi fəal Əfqan Muxtarlının həyatından narahatlıq ifadə edən bəyanat verib.

Bəyanatda bildirilir ki, Əfqan Muxtarlı Azərbaycan prezidenti İlham Əliyevin iddia edilən korrupsiya əlaqələrini araşdırdığı üçün məruz qaldığı təhlükəyə görə 2015-ci ildən Gürcüstana könüllü sürgünə getmişdi.

Amnesty International-ın Cənubi Qafqaz üzrə nümayəndəsi Levan Asatiani deyib ki, bu olay “uzun müddətdir jurnalistlər və insan haqları fəalları üzərinə hücumları ilə tanınan ölkədə hadisələrin dərindən vahiməli inkişafı” hesab olunmalıdır.

“Əfqan Muxtarlı dərhal və qeyd-şərtsiz azad edilməli, işgəncə və ya hər hansı başqa pis rəftardan müdafiə olunmalıdır. O yalnız jurnalist kimi işinə görə həbs edilmiş vicdan məhbusudur” – deyib hazırda Tbilisidə olan Asatiani.

Təşkilatın verdiyi məlumatda qeyd olunur ki, Əfqan Muxtarlı qısa müddət ərzində vəkili ilə görüşə bilib və ona Tbilisidə mülki geyimli şəxslər tərəfindən oğurlandığını, bərk döyüldüyünü və iki dəfə dəyişdirilən maşınlarla Azərbaycan sərhədinə gətirildiyini, habelə cibinə 10 min avro pul qoyulduğunu bildirib.

Levan Asatiani deyib ki, “belə görünür, Əfqan Muxtarlının oğurlanması və zorla Azəbaycana aparılmasında Gürcüstanın hakimiyyət orqanları da iştirak ediblər”.

Muxtarlının ailəsi Amnesty İnternational təşkilatına bildirib ki, jurnalist Tbilisidə azərbaycandilli şəxslər tərəfindən izləndiyini hiss etdiyini deyirmiş.

“Gürcüstan baş verənləri dərhal və tərəfsiz qaydada təhqiq etməli və bu rəzil əməliyyatda iştirak edənlərin hamısını məsuliyyətə cəlb etməlidir” – deyib Levan Asatiani. (azadliq.org)
Xəbəriniz olsun

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

17.10.2018 - Trampın müşaviri İlham Əliyevlə Bakıda nədən danışacaq? - Pərdəarxası...

16.10.2018 - Təhsildə imtahan oyunu: Ceyhun Bayramov müəllim üsyanı yetişdirir?

16.10.2018 - Paşinyan istefa verdi və...üzr istədi

16.10.2018 - Bakının Nərimanov rayonunda tikinti şirkəti iki evi dağıtdı, vətəndaş dirəyə çıxdı

16.10.2018 - İnam Kərimovun "AĞ QIZIL" YALANI... - Prezident pambıqçılığın inkişafından narazıdır

Facebook