Füzulidə taxıl biçininə start verilib

02 iyun 2017
Füzulidə taxıl biçininə start verilib
Füzuli rayon İcra Hakimiyyətində taxıl biçininə hazırlıqla əlaqədar müşavirə keçirilib. Müşavirədə rayonun hüquq-mühafizə orqanlarının və aidiyyəti təşkilatların rəhbərləri, kənd icra nümayəndələri və bələdiyyə sədrləri, iri taxıl istehsalçıları, mexanizatorlar iştirak edib.
Müşavirədə çıxış edən rayon İcra Hakimiyyətinin başçısı Alı Alıyev Prezident cənab İlham Əliyevin respublikada ərzaq bolluğu yaradılması, əhalinin mühüm strateji məhsul olan taxıla olan tələbatının daxili imkanlar hesabına ödənilməsi istiqamətində verdiyi tapşırıq və göstərişlərinə uyğun olaraq rayonda görülən işlərdən danışıb. Bildirib ki, 2016-2017-ci təsərrüfat ilində rayonda 36 min 82 hektar ərazidə taxıl yetişdirilib. Bunun da 24 min 838 hektarı buğda, 11 min 244 hektarı arpadır. Rayon üzrə əkilən taxıl sahələrinin 7 min 265 hektarını isə pay torpaqları təşkil edir.
Alı Alıyev qeyd edib ki, Ölkə başçısının kənd təsərrüfatı ilə bağlı təsdiq etdiyi Strateji Yol Xəritəsinə uyğun olaraq rayonda cari ildə 4000 ha ərazidə hər biri 1000 ha olmaqla 4 iri fermer təsərrüfatı yaradılıb.
“Taxıl zəmilərinə normal qulluq göstərilməsi, sahələrin vaxtında gübrələnməsi, aqrotexniki tədbirlərə əməl edilməsi sayəsində bu il bol məhsul götürülməsi proqnozlaşdırılır. Cari ildə rayonda istehsal olunacaq yüksək keyfiyyətli taxılın bir hissəsinin isə Dövlət Taxıl Fonduna tədarük olunacağı nəzərdə tutulub.”,-deyə Alı Alıyev vurğulayıb.
Müşavirədə rayonda taxıl biçini kampaniyasının mütəşəkkil keçirilməsi və optimal müddətdə başa çatdırılması, biçin zamanı təhlükəsizlik tədbirləri, texnikanın hazırlıq vəziyyəti müzakirə olunub, kombaynların kəndlər üzrə bölgüsü aparılıb.
Qeyd edilib ki, əkin sahələri nəzərə alınmaqla, taxıl biçinini növbəlilik əsasında həyata keçirmək üçün rayonda xüsusi Qərargah yaradılıb. Yanğın təhlükəsizliyi, həmçinin taxılın tez və itkisiz yığılıb daşınması üçün tədbirlər görülüb.
Xəbəriniz olsun

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

Facebook