Oliqarx-deputat iş adamını intihar həddinə çatdırıb – “Özümü yandıracam”

20 iyun 2017
Oliqarx-deputat iş adamını intihar həddinə çatdırıb – “Özümü yandıracam”
Azərbaycanda deputatların bizneslə məşğul olmaları rəsmən yasaqdır. Amma heç kimə sirr deyil ki, deputatların ölkə daxilində və xaricdə biznesləri var. Belə biznesmen-deputatlardan biri də İmişli rayonundan olan deputat Əsabil Qasımovdur. Onun sahibi olduğu “Karat Holdinq” ölkənin un bazarında əsas oyunçulardandır. Amma deputatın holdinqi təkcə un alveri ilə məşğul deyil, digər sahələrdə də çalışır. Belə sahələrdən biri də tikinti sektorudur.
Bugünlərdə deputatın sahib olduğu “Marin Plaza”nın qarşısında etiraz aksiyası keçirilib. Təkadamlıq aksiyanı təşkil edən Rauf Sultanov Əsabil Qasımovla görüş istəyib. Hotelin mühafizə xidmətinin əməkdaşları R.Sultanova deyiblər ki, Əsabil Qasımov onu həbs etdirəcək.
R.Sultanov “Yeni Müsavat”a deyib ki, Ə.Qasımovla görüşüb ondan özünə və yaxınlarına məxsus 77 min dollar borcu niyə ödəməməsinin səbəbini soruşmaq istəyib: “2011-ci ilə qədər onun ”Karat holdinq”ə Ukraynadan gətizdirdiyimiz armatur vermişik. 145 min dollarlıq armatura görə 68 min dollar ödəyib. Qalan hissəsini isə ödəməkdən yayınırlar. Tikinti işlərinə Əsabil Qasımovun bacısının əri Qərib və qardaşı Vüqar nəzarət ediblər. Pulumuzu tələb edirik, bizi həbslə hədələyirlər. “Marin Plaza”nın qarşısında təhlükəsizlik işçiləri dedilər ki, Əsabil müəllimin mövqeyi budur ki, bir də bura gəlsəz sizi Dövlət Təhlükəsizlik Xidməti həbs edəcək. Bu gün cibimdən ödədiyim pulu deputat Əsabil Qasımovdan tələb edirəm. Əgər verməyəcəksə, əmin olsun ki, özümü Prezident Administrasiyasının qarşısında ABŞ səfirliyinin və mətbuat nümayəndələrinin iştirakı ilə yandıracam. Mənim başıma bir iş gələrsə deputat Ə.Qasımov cavab verməli olacaq”.
Deputat isə mətbuata açıqlamalarında bildirir ki, “Karat Holdinq”i oğlu idarə edir. Lakin holdinqin işinə bələd olanlar isə əksini söyləyirlər. Deyirlər ki, holdinqə Ə.Qasımovun özü rəhbərlik etməkdədir.
Məlumat üçün qeyd edək ki, holdinqin tərkibinə bir çox şirkətlər daxildir: Karat MTK, İdeal MMC, İzmir MMC (tikinti şirkətləri); Azinvest Tikinti Şirkəti; Everest-M, Şin Servis (armatur alqı-satqısı); Karmen MMC (dəyirman və un alğı-satqısı); Hökməlidə Makaron Fabriki; Hökməlidə Kisə Fabriki; ASTEL MMC (Məhəmmədi, Mehdiabad və Şamaxıda Quşçuluq Fabrikləri); Taxıl Anbarları və Dəyirman Kompleksləri (Şəkidə, Kürdəmirdə, Marneulidə və Gürcüstanın müxtəlif bölgələrində); Gəncə Fatoğlu (un dəyirmanı); Bakı şəhəri, Zərifə Əliyeva küçəsində 18 mərtəbəli iki Marina Plaza oteli; Zərifə Əliyeva küçəsində iki mərtəbəli restoran; Bakı şəhəri Səməd Vurğun küçəsində Ağ Saray Binası; Bakı şəhəri Xan Şuşinski küçəsi 12, İmran Qasımov küçəsi 16, Qulu Quliyev küçəsi 21, Süleyman Rüstəm küçəsi 61-də yerləşən 18 mərtəbəli dörd bina; İzmir küçəsi 7A və 7B-də yerləşən 19 mərtəbəli iki bina; Zərifə Əliyeva küçəsi 53-də yerləşən 23 mərtəbəli bir bina, Süleyman Rüstəm küçəsi 61-də yerləşən Premium Market və.s. (musavat.com)
Xəbəriniz olsun

13.12.2018 - Nazir Eldar Əzizovun qardaşına yüksək vəzifə verdi

13.12.2018 - Ermənistan rəsmisi Bakıya gəlir

13.12.2018 - Azad Rəhimov qohumunu 5-ci mərtəbədən atan şəxsə ən ağır cəzanı istəyir - Xaricdən vəkillər gələcək

13.12.2018 - Daha bir jurnalist həbs təhlükəsi ilə üzləşib – Müraciət

12.12.2018 - İŞDƏN ÇIXARILAN BAŞ NAZİR MÜAVİNİ İNTİHAR ETDİ! – Naxçıvanda şok

11.12.2018 - Ərinin balkondan atdığı qadın nazirin yaxın qohumudur

11.12.2018 - Putinə sui-qəsd, Trampın xəstələnməsi, dəhşətli sunami... - Vanqanın 2019-cu il PROQNOZLARI

11.12.2018 - Qurban Qurbanovdan çoxunu təəccübləndirən addım - AFFA-nın pulundan imtina etdi

11.12.2018 - Keçmiş şöbə müdiri od püskürdü: “Sabirabadın başçısı mənə təsir etdirib təkzib yazdırdı, TŞ müdiri isə...”

11.12.2018 - Azərbaycanda rektorlar 5 il müddətinə təyin ediləcək

11.12.2018 - Bakıda direktor arvadını 5-ci mərtəbədən ataraq öldürüb - Təfərrüat + FOTO

08.12.2018 - HACIYEV NİYƏ ŞƏRİFOVLA ÜZLƏŞMƏK İSTƏYİR? – Məşhur vəkil 3,3 milyardlıq borcu açdı + FOTO

08.12.2018 - “Nar”-dan “Samsung Galaxy Note 9” qazanan abunəçi məlum oldu

Facebook