Rövnəq Abdullayev: "İndi iyirmi-iyirmi deyəcəm, məni lağa qoyacaqsız"

05 sentyabr 2017
Rövnəq Abdullayev: "İndi iyirmi-iyirmi deyəcəm, məni lağa qoyacaqsız"
AFFA prezidenti Rövnəq Abdullayev Azərbaycan milli komandasının San Marinoya 5:1 hesabı ilə qalib gəldiyi 2018-ci il dünya çempionatının seçmə qrup matçından sonra jurnalistlərin suallarını cavablandırıb.

Savash.org "Qafqazinfo"ya istinadən həmin sual-cavabı təqdim edir:

- Qələbə münasibətilə sizi təbrik edirik. Oyun barədə fikirlərini necədir?

- Normal, yaxşı futbol oynadıq. Oyuna yaxşı hazırlaşmışdıq. Norveçlə oyundan sonra belə qələbə yerinə düşdü, azarkeşlərimiz sevindi.

- Millimizin 5 qol vurması sizin üçün gözlənilməz olmadı?

- Norveçə məğlubiyyətdən sonra demişdim ki, San Marinoya ən azı 3 qol vurmalıyıq. Bildiyimə görə, heç vaxt 5 qollu qələbə qazanmamışdıq, həmçinin də qruplarda 10 xal qazanmamışdıq. Düzdür, qrupdan çıxmaq üçün şansımız qalmayıb. Amma autsayder olmamaq da yaxşı göstəricidir.

- Stadionun ot örtüyü bərbad vəziyyətdə idi. Bu fikirlə razısınız?

- Bərbad deyil. İstidə nəinki ot, insan da yanır. Düşünürəm ki, stadion normal vəziyyətdədir. Hava sərinləyən kimi, ot örtüyünün də vəziyyəti düzələcək.

- Qrup mərhələsəi başa çatmaq üzrədir. Millinin nəticələri ürəyinizcədir?

- Hamı istəyir ki, irəli gedək. "Qarabağ" ÇL-nın qrup mərhələsinə vəsiqə qazandı və bu, bizim üçün böyük uğurdur. İstəyirik ki, milli komandamız və klublarımız yüksək nailiyyət göstərsinlər. Biz də bunun üçün əlimizdən gələni əsirgəmirik.

- Yığmamız qrupda 10 xal qazanmaqla yeni rekord müəyyənləşdirdi. Bu, növbəti seçmə mərhələ üçün məsuliyyəti artırmır?

- Rekordları kənarda qoymalıyıq. Bunlar futbolda baş verən hadisələrdir. İlk dəfə bu qədər xal toplamışıq və bunun davamını gətirmək üçün çalışmalıyıq. Gəlin millini çox tərifləməyək. Çünki uşaqlar orbitdən çıxandan sonra özlərini ələ ala bilmirlər. Qarşıdakı oyunları gözləməliyik və qələbələrə ümid etməliyik. Norveçlə oyunda qələbə qazanacağımıza inanırdıq, amma alınmadı. Seçmə mərhələnin sonunu gözləyək və sonra oyunlarımızı analiz edəcəyik. İndi iyirmi-iyirmi deyəcəm, məni lağa qoyacaqsınız (gülür). 2020-ci ilin Avropa çempionatının qrup mərhələsinin bir neçə oyunu Bakıda keçiriləcək. Biz komandamızı gücləndirmək üçün çox çalışırıq və əsas hədəfimiz 2020-ci ildə keçiriləcək Avropa çempionatında uğur qazanmaqdır. Perspektivli futbolçularımız var və ümid edirik ki, gələcəkdə daha yaxşı çıxış edəcəyik.
Xəbəriniz olsun

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

17.10.2018 - Trampın müşaviri İlham Əliyevlə Bakıda nədən danışacaq? - Pərdəarxası...

16.10.2018 - Təhsildə imtahan oyunu: Ceyhun Bayramov müəllim üsyanı yetişdirir?

16.10.2018 - Paşinyan istefa verdi və...üzr istədi

Facebook