Prezidentin Lənkəran səfəri: Taleh Qaraşovla Müşviq Rəhimov ifşa olundu - Detallar

19 sentyabr 2017
Prezidentin Lənkəran səfəri: Taleh Qaraşovla Müşviq Rəhimov ifşa olundu - Detallar
Prezidentin Lənkərana son səfəri yerli məmurların korrupsiya ləpirlərinə işıq saldı. Dövlət başçısının açılışını etdiyi obyektlərin sahibkarlığa inkişaf yox, məmurların biznesinə inkişaf olduğu üzə çıxdı.

AnaXeber.az-ın əldə etdiyi məlumata görə, ölkə başçısının Lənkəranda açılışını etdiyi “Xəzər Palace” hoteli Dövlət Yol Polisinin İmtahan-qeydiyyat şöbəsinin rəisi Müşviq Rəhimova məxsusdur.
Lənkəranın Kənarmeşə ərazisində tikilən nəhəng “Xəzər Palace” istirahət mərkəzinin hoteli də bu il istifadəyə verildi.
Milyonluq layihənin memarı olan M.Rəhimovun obyektinin lentini kəsən prezidentə məlumat verilmədi ki, bu məkan kimə aiddir. İddialara görə, bu biznesdə iş adamı Mübariz Məsimovun da iştirakı var.
Sadəcə, qeyri-neft sektorunun, sahibkarlığın inkişafının vacibliyini qeyd edən prezident İlham Əliyevə oliqarxlaşmış məmurun tikdirdiyi hoteli təqdim edirlər. Faktiki olaraq, Lənkəranda müstəqil sahibkar yoxdur ki, belə bir bahalı proyekti həyata keçirsin.
Ona görə də Lənkəranın icra başçısı Taleh Qaraşov prezidentə ayrı-ayrı məmurlara aid obyektləri göstərməklə rayonda iş getdiyi təəssüratı oyatmağa çalışıb.
İ.Əliyevin çay plantasiyalarında, çayçılıq təsərrüfatlarında keçirdiyi görüşlər də göstərdi ki, Lənkəran Rayon İcra Hakimiyyəti heç bir iş görməyib.
T.Qaraşov ayrı-ayrı adamların işlərini RİH-nin ayağına yazaraq özünü işləyən icra hakimi kimi təqdim etmək istəyib.
“Xəzər Palace” istirahət mərkəzinə gəlincə, M.Rəhimovun BDYPİ-də nömrə biznesindən, “prava” satışından qazandığı pullar hesabına araya-ərsəyə gəlib.
Üstəlik, həmin obyekt Lənkəranın ən bahalı yerlərindən biridir. Yeri gəlmişkən, dövlət rüsumu 18 manat olan bəzi nömrələr var ki, onların qiyməti şöbə rəisinin yanında 18-20 min manat dəyərindədir.
Nömrə satışlarını Müşfiq Rəhimov birbaşa həyata keçirmir. Onun köməkçisi olan Aydın adlı şəxs bütün işləri reallaşdırır, müştəri tapır, nömrə satır və sairə.
Yəni, vətəndaş avtomobilinə dövlət nömrə nişanı almaq istəyirsə, bunun üçün birbaşa Rəhimovun qəbuluna girməyə gərək yoxdur. Elə qapıdaca Aydın adlı köməkçiyə yaxınlaşıb, onunla məsələni həll etmək mümkündür...
məlumatlarda iddia olunur ki, şöbənin rəis müavini artıq OO seriyası ilə başlayan nömrələrə qiymət də müəyyən edib. Həmin cədvəli oxuculara təqdim edirik:
- 10 OO 020 (30, 40, 50, 60, 70, 80, 90) dövlət nömrə nişanlarının qiyməti hazırda 20-25 min manat təşkil edir;
- 10 OO 002 (3, 4, 5, 6, 7, 8, 9) dövlət nömrə nişanları 80-100 min manat aralığında qiymət dəyişdirir;
- 10 OO və sonluğu sadə rəqəmlərlə bitən dövləğ nömrə nişanlarının qiymətləri isə xeyli aşağıdır. Məsələn, 10 OO 784, 871 və sairə nömrələr «bazar»da 4500-5000 manat aralığında qiymət dəyişdirir.
- 10 OO 022 (33, 44, 55, 66, 77, 88, 99) dövlət nömrə nişanları üçün müəyyən edilmiş qiymət 4500-5000 manat aralığndadır.
- 10 OO 200 (300, 400, 500, 600, 700, 800, 900) dövlət nömrə nişanlarına gəldikdə isə Müşfiq Rəhimov bunun üçün 50 min manat qiymət müəyyən edib.
Mətbuatda gedən xəbərlərdə o da iddia olunur ki, Müşfiq Rəhimov MTN-nin hansı yüksək çinli zabiti ilə «Nar Şərab» restoranında görüşüb, bu nazirliyə bahalı nömrələrin satışı ilə əlaqədar adı ortalıqda hallanan MTN-in əsas fiquruna kömək edib.

Belə bir biznesmen DYP rəisinin tikdirdiyi hoteli Lənkəranın icra başçısı rayonda sahibkarlığın inkişaf kimi qələmə verərək prezidentə təqdim edir. T.Qaraşovla məşhur misalda olduğu kimi, “hamam suyu ilə dost tutur”.
Üstəlik, bu, icra başçısının ilk belə əməli deyil. Bundan qabaq da Qaraşov şəhərin yollarını Lənkəranda asfalt zavodun müdiri Raqub Məmmədova təmir etdirmişdi.
Böyük bazar ərazisinin palçıqlı, bərbad yolunu da rayonun baş həkimi Ağabala Kəlbiyevin boynuna qoyaraq düzəltdirib.
Amma hələ də Lənkəranın yolları biabıçılıqdır. İcra başçısı isə büdcədən ayrılan pulları mənimsəyib. Onun 1-ci müavini İlqar Dadaşovun qəfil ürəktutmadan vəfat etməsindən sonra meydanı bir az da genişlənib.
Lənkəranlılar danışırlar ki, indiyə qədər belə talançı icra hakimi görməmişdilər. Şəhərin hər yerini satışa çıxarıb. Sonuncu belə qalmaqallı fakt Lənkəran Mərkəzi Xəstəxanasının önüdür. İcra başçısı artıq yer tapmayıb və xəstəxananın qabağını da satıb. Hətta Səhiyyə Nazirliyi di RİH-ni ittiham eləmişdi.
Prezidentin son səfəri zamanı da yollar olduğu kimi darmadağın idi. T.Qaraşov İ.Əliyevə özünün gördüyü bir işi təqdim etmədi. Son 3 ildə Lənkəranda nə abadlıq, nə yenidənqurma işləri gedib.
Hətta kosmetik də olsa divarların boyanması, ağacların əhənglənməsi, çala-çuxur yolların yamaq-yamaq edilməsinə də son qoyulub.
Əvəzində T.Qaraşov Xanbulan kimi Lənkəranın ən səfalı guşəsində malikanyə sahiblənib. Bir müddət qabaq infarkt keçirmiş icra başçısı üçün Xanbulan həvəsi olduqca faydalıdır.
Beləliklə, icra başçısı nə turizmin, nə sahibkarlığın inkişafı, nə turist axını, nə investorların cəlb edilməsi istiqamətində iş görüb. Qarşı tərəfi dinləməyə hazırıq.
AnaXeber.az
Xəbəriniz olsun

12.12.2017 - BALACA CAHANDARA DƏSTƏK OLAQ!

12.12.2017 - Azərbaycanda ərzaq məhsullarının qiymətləri 17,1% bahalaşıb

12.12.2017 - Fazil Məmmədov vəzifəsini itirməklə can qurtarmayacaq: mülkünə əl qoyuldu

12.12.2017 - Qanlı olayın təfərrüatı: Gəlinini qonşu kişi ilə hamamda tutdu...

12.12.2017 - İcra başçısı müəllimlərə zorla pambıq əkdirir - Neftçalada etiraz

12.12.2017 - Qurban Qurbanov təsdiqlədi - Rəşad Sadıqov U-21-də!

12.12.2017 - Qayınata ərinə xəyanət edən gəlinini başından güllələdi – Bakıda

12.12.2017 - Putin və Ərdoğan Trampın qərarını qınadılar

12.12.2017 - Bakıda zirzəmidən yanmış kişi meyiti tapıldı

12.12.2017 - Nyu-Yorku ayağa qaldıran terrorçu: "Bu Qüdsə görədir..."

12.12.2017 - Ulduzlar dekabrın 11-nə nə vəd edir - FAL

12.12.2017 - “Nar” BakuTel stendində keçirilmiş müsabiqənin qalibləri mükafatlandırıldı

11.12.2017 - İlqar Məmmədov prezidentin köməkçisini söhbətə çağırdı: "Razıdırsa, gəlsin danışaq..."

11.12.2017 - Putin Ərdoğanla danışıqlar üçün Ankaraya gedib

11.12.2017 - Saakaşvili məhkəmə zalından azadlığa buraxıldı

07.12.2017 - Salyandakı tükürpədici qətliamın TƏFƏRRÜATI: manyak-qatil dörd qızını və arvadını necə öldürüb?

07.12.2017 - Ziya Məmmədovun mühafizəçiləri öldürülüb - İzlər kimə aparır?

07.12.2017 - “Qarabağ”ın futbolçusu Çempionlar Liqasının ən yaxşısı seçildi

07.12.2017 - Tramp Yaxın Şərq “bombasının fitilini çəkdi” – fəlakət ssenarisinə start!

Facebook