Ziya Məmmədovun bacısının xüsusi silahlı cangüdənləri də olub - İDDİA

22 sentyabr 2017
Ziya Məmmədovun bacısının xüsusi silahlı cangüdənləri də olub - İDDİA
Sabiq nəqliyyat naziri Ziya Məmmədovun bacısı, “Tərəqqi” liseyinin direktoru Məhbubə Məmmədovanın vəzifəsindən çıxarılıb. M.Məmmədovanın işdən çıxarılmasının səbəbi kimi onun 45 manatlıq məktəbli formasını valideynlərə 120 manata satdırması göstərilir. Qeyd olunur ki, bununla bağlı “Lider” kanalında xüsusi süjet də hazırlanıb. Belə ki, Nərimanov rayonunda yerləşən “Tərəqqi” liseyinin direktoru Məhbubə Məmmədovanın mağazalarda 40 manata satılan məktəbli formalarını liseyin şagirdlərinə 120 manata satdırdığı barədə şikayətlər daxil olub. 3 qat baha qiymətə məktəbli forması almağa məcbur edilən valideynlər bildirib ki, direktor şagirdlərin başqa yerdən məktəbli forması almasını qadağan edib. Həmin liseydə təhsil alan uşaqların valideynləri də 40 manatlıq məktəbli formasını direktorun göstərişi ilə elə məktəbin özündən 120 manata əldə etdiklərini “Lider” kanalı əməkdaşına deyiblər. Bilik Günündə məktəb önündə şənliyə qatılan M.Məmmədova isə jurnalistin bu yöndən verdiyi sualdan yayınıb. M.Məmmədova Təhsil Nazirliyinin işçiləri tərəfindən liseydə aparılan yoxlamalardan sonra işdən azad edilib. Onu müvəqqəti olaraq liseyin müəlliməsi Almaz Əsgərova əvəz edir.

“Yeni Müsavat”a daxil olan xəbərə görə, M.Məmmədova lisey şagirdlərinə məktəbli formalarını illərdir ki, real dəyərindən baha qiymətə satdırır. Onun məhz buna görə indiki mərhələdə işdən çıxarılmasını formallıqdır. Qardaşı nazir kreslosunda əyləşdiyi zamanlarda M.Məmmədovanın xüsusi silahlı cangüdənləri olub. O dövrdə belə xəbərlər gəzirdi ki, Z.Məmmədov düşmənlərindən qorunmaq üçün ailə üzvlərinə, yaxınlarına cangüdən təyin edib. Həmin vaxt M.Məmmədovanın 4 cangüdəni olub. Z.Məmmədov nazir postunu itirəndən sonra M.Məmmədovanın ətrafından cangüdənlər də yoxa çıxıb. Sabiq nazirin bacısının işindən çıxarılmasının daha çox Məmmədovlar ailəsinin Türkiyədə dəfilə keçirmələri ilə əlaqələndirənlər də az deyil. Baş verənlərin Məmmədovların de-marşına qarşı addım olduğu deyilir. Bildirilir ki, Z.Məmmədov “ölkə dustağı” olaraq Ucardakı villasındadır, bağ-bağçaya tamaşa etməklə günlərini keçirir.
Xəbəriniz olsun

21.02.2018 - Prezident məcburi köçkünlərin müavinətini artırdı

21.02.2018 - “Ziya Bünyadovu Aydın adlı alim bilib, öldürdük” - Qatilin ŞOK ETİRAFLARI

21.02.2018 - İlham Əliyevin qohumu Riyad Əliyev saxlanıldı, 30 sutka həbs verildi

21.02.2018 - "SOCAR Trading" Londonda Beynəlxalq Neft Həftəsi çərçivəsində tədbirini uğurla həyata keçirib - VİDEO

21.02.2018 - Afrinə girmək istəyən Əsədin ordusu niyə geri çəkildi? - "Kreml Ərdoğanın nəbzini yoxlamaq istədi və..."

21.02.2018 - Sumqayıtda yaşayış binasının lifti qırılıb, xəsarət alanlar var

21.02.2018 - Əli İnsanov azadlığa çıxır və ölkədən gedir - təfsilat

20.02.2018 - İşlər qarışdı, “Hizbullah” qüvvələri Afrinə girdi: Türkiyə bombalayır

20.02.2018 - Oqtay Gülalıyev KXCP sədrinə facebookdan “atəş açdı”: “Elçibəyin şəkli altında...”

20.02.2018 - İran "qaynayır" - Ölənlərin sayı 5-ə çatdı, 300 saxlanılan var

20.02.2018 - Arzu Rəhimovun yeni müavinləri kimdir? - Biri icra başçısının qardaşı, digəri sabiq deputat oğludur

20.02.2018 - Ziya Məmmədovun evindəki yanğında 2 azyaşlı xəstaxanaya düşdü - DİN-dən açıqlama

20.02.2018 - Ziya Bünyadovun qatilindən sensasiyalı açıqlamalar: “İrandan gələn stilist 1 ay bizə qrimlənməyi öyrətdi”

20.02.2018 - Prezident borcların silinməsini təklif edib - Layihə Milli Məclisə göndərildi

20.02.2018 - “Özləri yanıb külə donsünlər!”

20.02.2018 - Zakir Həsənov: “Müharibə hər an başlaya bilər”

20.02.2018 - Bakıda restoranda musiqiçilər arasında dava düşdü - Biri xəsətxanalıq oldu

20.02.2018 - İranda xalq ayağa qalxdı – Ordu və yerli sakinlər arasında toqquşma

20.02.2018 - Adları Avropada korrupsiya qalmaqalında keçən məmurlar

Facebook