Yol polisindən vəzifəli şəxslərə xəbərdarlıq — “Day-day” dövrü bitdi

26 oktyabr 2017
Yol polisindən vəzifəli şəxslərə xəbərdarlıq — “Day-day” dövrü bitdi
Artıq bir müddətdir ki, mediada bəzi yüksək vəzifəli şəxslərin, məmurların xidmətində olan avtomobillərin yol hərəkəti qaydalarının əməl etməmələri, yol polisi tərəfindən yazılmış cərimələri ödəməmələri barədə məlumatlar yer alır.
Savash.org xəbər verir ki, məsələ ilə bağlı milli.az-ın sorğusunu cavablandıran Daxili İşlər Nazirliyinin (DİN) Bakı şəhər Baş Polis İdarəsinin Dövlət Yol Polisi İdarəsinin ictimaiyyətlə əlaqələr bölməsinin rəisi, polis polkovniki Vaqif Əsədov deyib ki, ötən 5 ildə Bakıda baş verən yol qəzalarının, eləcə də ölən və xəsarət alanların sayı getdikcə azalır. Hətta ötən illə müqayisədə inzibati məsuliyyətə cəlb edilən sürücülərin də sayında azalma müşahidə edilib. Bütün bunlar isə qanunvericilikdə edilən dəyişiklər və yol polisi tərəfindən görülən tədbirlər nəticəsində əldə olunub:

"Bu o deməkdir ki, yol polisi yerindədir, işləyir, həmçinin, tətbiq edilən cəzalar və onların təsir mexanizmi müsbət nəticələr əldə etməyə imkan verir. Hadisələr, ölən və xəsarət alanlar azalırsa, bu yaxşıya doğru dəyişiklik deməkdir. Konkret faktlar üzrə tərəfimizdən qanunvericilikdə nəzərdə tutulmuş tədbirlər görülür. Əgər İnzibati Xətalar Məcəlləsində vəzifəli, yaxud hüquqi şəxslərin cərimələnməsi nəzərdə tutulubsa, birmənalı olaraq bu barədə protokol tərtib edilir. Artıq "mən filankəsəm, məsuliyyətə cəlb edilə bilmərəm” söhbəti yoxdur.
Bu gün paytaxt ərazisində, ümumiyyətlə, ölkədə yollarda tətbiq edilən müasir texnologiya, yol polislərinin istifadə etdikləri yeni texniki vasitələr artıq "day-day”, "filankəsəm”, "dosta zəng” kimi şeyləri tanımır”.
Bölmə rəisi qeyd edib ki, qanun kimliyindən, peşəsindən və vəzifəsindən asılı olmayaraq hamı üçün eynidir: "Əgər mən özüm yol polisi polkovniki olaraq şəxsi avtomobilimi könüllü sığortalayıramsa, onu vaxtında texniki baxışdan keçirirəmsə, bunları həm qanunlara hörmət naminə, həm də cərimə ödəməmək üçün edirəm. Bunu ona görə etmirəm ki, kimdənsə qorxuram. Xeyr, sadəcə qanun deyir ki, bu belə olmalıdır. Hamı bilir ki, avtomobil sığorta olunmayanda, texniki baxışdan keçməyəndə, sürücü kəməri taxmayanda müasir texnika və texnologiyanın tətbiq edilməsinin nəticəsində avtomatik məsuliyyətə cəlb edilir.

Artıq milli xüsusiyyətimiz, mentalitetimizlə bağlı təhlükəli vərdişlər yavaş-yavaş unudulur. Bizdə də yol hərəkəti mədəniyyəti getdikcə formalaşır. Təhlükəsizlik kəmərini taxanların sayı gün-gündən artır. Vaxtilə işıqforun qırmızı işığında keçənlər özünü qəhrəman hesab edirdisə, indi açıq-aşkar başa düşür ki, bu qəza deməkdir. Vaxtilə sükan arxasında mobl telefonla danışmaq dəb idisə, indi buna görə yüksək məbləğdə cərimə olunduğunu anlayıb etmirlər. Vaxtilə sərxoş vəziyyətdə avtomobili idarə edənlər kiməsə və ya nəyəsə arxalanırdısa, indi statistik göstəricilər onu deməyə əsas verir ki, kimliyindən asılı olmayaraq belə hal aşkarlanırsa, o, qanun qarşısında cavab verməli olur.
Bir daha bəyan edirəm ki, indiki dövrdə "dosta zəng” və ya "görmədim”, "bilmədim”, "filankəsəm” kimi ifadələrin işlədilməsi keçərli deyil!”.
Xəbəriniz olsun

19.11.2017 - İcra başçısının müavini maaşını istəyən fəhləni söydü, döydü və...

19.11.2017 - Qurban Qurbanov bu futbolçunu "Qarabağ"dan qovdu

17.11.2017 - Azərbaycanda benzin bahalaşdı

17.11.2017 - Bakıda evi uçurulan şəxs özünü doğradı: “Mənim evimi niyə sökdünüz?” (VİDEO)

17.11.2017 - Zeynəb Xanlarova Rasim Balayevin xəstəliyi haqda

17.11.2017 - Ərdoğan: “Putin Qarabağ probleminin həllinə inanmır”

17.11.2017 - Lənkəranskinin qardaşı haqda şok məhkəmə qərarı (Video)

15.11.2017 - Sumqayıtda avtobuslar daşa basıldı

15.11.2017 - Qurban Qurbanovun islahatları istefalarla başladı: Kimlər getdi, kimlər gələcək?

15.11.2017 - Azərbaycanda ünvanlı sosial yardım ləğv olunacaq

15.11.2017 - BAKIDA DƏHŞƏT: İçdiyi araq butulkası ilə özünü öldürdü – TƏFƏRRÜAT

15.11.2017 - Millimizin futbolçusu azarkeşi təhqir edib, söhbətə çağırdı: "Ağıllı ol"

15.11.2017 - Ramil Usubov rəisi təqaüdə göndərdi

15.11.2017 - Zaur Hüseynov bu hadisəyə görə onları cəzalandırdı: Rəisi işdən çıxardı

15.11.2017 - Ceyranbatanda məktəbdə faciəvi dava - araya girən xadimə aldığı xəsarətdən ölüb

15.11.2017 - Pensiyalar necə hesablanacaq? - Nazir detalları açıqladı

15.11.2017 - NİDA-çı gənc həbs olundu

15.11.2017 - Ramiz Zeynalovun böyük imperiyası: Xırdalandakı DYP-dən ucqar Tovuzadək...

14.11.2017 - “Fəzail İbrahimlinin oğlumu gündəmə gətirməyi namərdlikdir” - Adaş deputatlar arasında savaş

Facebook