Beş uşaq doğun, işiniz düzəlsin - REPLİKA

05 fevral 2018
Beş uşaq doğun, işiniz düzəlsin - REPLİKA
Ailə, Qadın və Uşaq Problemləri üzrə Dövlət Komitəsindən bildirilib ki, Azərbaycan hökuməti tərəfindən çoxuşaqlı, aztəminatlı, eləcə də qaçqın və məcburi köçkün ailələrinin rifah halının yaxşılaşdırılması üçün əhəmiyyətli işlər görülür:
"Ünvanlı dövlət sosial yardımı haqqında” Qanuna əsasən, ünvanlı sosial yardım almaq hüququ olduqda 1 yaşınadək uşağı olan aztəminatlı ailələr müavinət ala bilər. 5-dən çox uşaq dünyaya gətirib tərbiyə edən qadınlara uşaqların sağ olması şərtilə və axırıncı uşaq 1 yaşına çatdıqda hər uşağa 30 manat müavinət ala bilər”.
Necə deyərlər, yaşadıq, daha doğrusu “yaşadılar”. Kimi deyəcəm, beşdən çox uşaq dünyaya gətirib, tərbiyə edən, uçaqlarının hamısı sağ qalan və sonuncusu 1 yaşına çatan qadınları. Necə yaşadılar, həmin uşaqların hərəsinə 30 manat müavinət alaraq. Ta orası alayı söhbətdi ki, bu aztəminatlı ailə yazıq o beş uşağı əkib-becərib, doğub-törədib axrıncısını 1 yaşına gətirənəcən, uşaqların beşinin də və təbii ki, həm də özlərinin sağ qalması şərtilə necə dolanacaq?! Bu uzun prosesə davam gətirmək üçün yəqin ki hər aztəminatlı ailəyə bir sponsor lazım olacaq.
Amma “Bəy verən atın dişinə baxmazlar”, “Uşaq bol olarsa basılmaz Vətən”, “Altda qalanın canı çıxsın”, önyarğılı olmayaq, bütün hümanist ideyaları dəstəkləmək lazımdı. Üstəgəl bu, bir qanundur, quran ayəsi zad deyil, xüsusən qüvvəyə təzəcə minən qanunda vətəndaş üçün xeyli anlaşılmazlıq olması təbiidir. Necə ki, bu məsələdə də yox deyildir. Məsələn, hələ məlum deyil, bu qanun ancaq aztəminatlı ailələrin doğub-törəməsinə xidmət edir, ya yox, yəni əgər bu vədə şirnikən çoxtəminatlı ailə olarsa həmin müavinəti ala biləcəkmi? Ya da sonuncusu 1 yaşına çatana qədər böyük uşaqlar artıq 18 yaşını tamamlasalar, vəziyyət necə olacaq? Yaxud, beş uşaq dünyaya gətirib, amma onu tərbiyə etməyə gücü çatmayan qadınlara da bu qanun şamil edilirmi, və sair və ilaxır.
Sonda bütün ümidsiz proqnozları bir kənara qoyub, stəkanın dolu tərəfindən baxaraq, gələcəkdə beş uşaq dünyaya gətirib tərbiyə etməyi düşünən bütün qadınlarımızı təbrik edirik. Molla Nəsrəddinin o məşhur lətifədə dediyi kimi: Nə gülürsünüz, deyəsən işiniz düzəlib”.
Elvira
Savash.org
Xəbəriniz olsun

23.05.2018 - Evin tək oğlu əsgər getməlidir?- Rəsmi açıqlama

23.05.2018 - “Kapital” bankın bakomatlarında manat müəamması – Soyğundan sonra…

23.05.2018 - İbrahimbəyov həbs oluna bilərmi?

23.05.2018 - Mərkəzi Bank sabahdan dövriyyəyə 200 manatlıq əsginaslar buraxacaq

23.05.2018 - Avtobusda qadına qarşı nalayiq hərəkət, silah çıxartdı - Bakıda dəhşətli hadisə

23.05.2018 - “Qız qaçırma insan oğurluğu deyil” - Deputatdan şok açıqlama

23.05.2018 - “Nar” Ramazan ayında danışıqları ikiqat sərfəli etdi

23.05.2018 - Azərbaycan Ordusu Xankəndinə girəcəkdi - Badalyan sirri açdı

23.05.2018 - "Niyə axı məni təhqir edirlər?" - Hadı Rəcəbli

23.05.2018 - DTX hakeri həbs etdi - Əməliyyat

23.05.2018 - İsrail fələstinlilər üçün Qüdsü bağladı

23.05.2018 - Yardımlıda saxta əlillik dərəcəsi verən “qızıl dördlüyün” sərgüzəştləri: Hər kənddə dəllalları var və…

23.05.2018 - Ölkədə ev tikmək qaydaları qəlizləşdi

Facebook