Azərbaycanlı kişinin hamilə arvadı niyə öldürüldü?! - (Təfərrüat)

05 yanvar 2015
Azərbaycanlı kişinin hamilə arvadı niyə öldürüldü?! - (Təfərrüat)

Yanvarın 3-də Rusiyada baş verən dəhşətli qətlin təfərrüatları məlum olub.

Ümumrusiya Azərbaycanlıları Konqresinin Nijeqorodsk bölməsinin rəhbəri Məmmədcamal Məmmədovun ANS PRESS-ə verdiyi məlumata görə, Nijni Novqorod şəhərində güllənənən hamilə qadın azərbaycanlı olmayıb.

"Onun həyat yoldaşı Rasim Quliyev azərbaycanlı idi. Kanavinsk rayonunda Akimov küçəsində yaşayan Rasim Quliyevin həyat yoldaşı Oksana Quliyeva evdə tək olub. Bu zaman onların qapı qonşusu, 49 yaşlı Vitali Denisov sərxoş halda evlərinə gəlib. Bu zaman həmin binada təmir işləri gedirmiş.

Sərxoş kişi də bundan əsəbiləşib və qapı qonşusunun evinə gedərək səs salmamağı tələb edib. Nəticədə mübahisə yaranıb. Əsəblərinə hakim ola bilməyən Vitali Denisov evə qayıdaraq ov tüfəngini götürüb və qonşusunun taxta qapısına bir neçə dəfə atəş açıb. Güllələrdən biri qapının arxasında dayanan Oksana Quliyevaya dəyib. Qadın hadisə yerində dünyasını dəyişib" - deyə M.Məmmədov bildirib.

M.Məmmədovun sözlərinə görə, əslində təmir işləri Vitali Denisovun düşündüyü kimi, Oksana Quliyevagildə deyil, yan qonşuda aparılırmış.

Hazırda Vitali Denisov saxlanılıb. Onun ov tüfəngini haradan əldə etməsi araşdırılır.

Əkiz övladlarının doğulmasına 10 gün qalmış qətlə yetirilən Oksana Quliyeva bu gün dəfn olunacaq.

Rusiyanın Nijni Novqorod şəhərində Azərbaycan diasporunun fəallarından olan Rasim Quliyevin həyat yoldaşı ilə 2 qız övladları olub. Uşaqlardan birinin 9, digərinin 14 yaşı var. Faktla bağlı araşdırma aparılır.
Xəbəriniz olsun

21.01.2018 - Nərimanov RİH-ə gələn şikayətçilərə ilginc təklif: “Seçkilərdə onları söyərsiniz...” – Şok video

21.01.2018 - Təhsil nazirinin müavini Vergilər Nazirliyində yüksək vəzifə aldı

19.01.2018 - ŞOK OLAY: azərbaycanlı ailə polisi girov götürdü – HADİSƏNİN DETALLARI

19.01.2018 - Siqaretə görə cərimələmək səlahiyyəti iki nazirliyə verildi

18.01.2018 - Nazir iki müavinini işdən azad etdi

18.01.2018 - Ramil Usubov polislərə xəbərdarlıq etdi

18.01.2018 - Bakıda iki məhkum öldü

18.01.2018 - Xaləddin İsgəndərovun çöküşü Fəzail Babayevin başında çatlaya bilər

18.01.2018 - “Nuray House” 30 fəhlənin pulunu mənimsədi? – Rəsmi qurumları “aldatdı”

18.01.2018 - YAP-çı deputatın işi antikorrupsiya idarəsində

18.01.2018 - “Bitcoin” kəskin ucuzlaşdı: “köpüklər partlayırmı?”

18.01.2018 - Cahangir Hacıyevin ən yaxın adamlarından biri xaricdə yaxalandı, Bakıya gətirildi

18.01.2018 - Cahangir Hacıyevin ən yaxın adamlarından biri xaricdə yaxalandı, Bakıya gətirildi

18.01.2018 - PA-nın yeni şöbə müdiri kimdir?

17.01.2018 - Fazil Məmmədovun Ukraynadakı mülkləri - Sensasion faktlar

17.01.2018 - SOCAR: “Mənsimovun bizə külli miqdarda borcu var”

17.01.2018 - Asif Əsgərovun inanılmaz “ixtira”sı: Nəsimi rayonunda ağaclar öz-özünə aşır - MÜƏMMA

17.01.2018 - Rəşad Sadıqov qələbə ilə başladı

17.01.2018 - Şəmkirdə 20 yaşlı oğlan özünü öldürdü

Facebook