Qədirbilən İsmayıllılar şəhidlərini unutmur-FOTOLAR

09 aprel 2018
Qədirbilən İsmayıllılar şəhidlərini unutmur-FOTOLAR
Son illər İsmayıllıda insan amili önə çəkilir. Rayonda keçirilən tədbirlər əsasən elm və mədəniyyət xadimlərinə, şair və yazıçılara, vətən uğrunda şəhid olan mübariz oğullara həsr olunur. Belə tədbirlərin keçirilməsi ənənə halını daşıyır. İnsanlara qayğı və diqqətin nəticəsidir ki, rayonda mənəvi və ictimai-siyasi mühit gündən – günə saflaşır.

Bu günlərdə keçirilən tədbirlər milli ruha, vətənpərvərlik tərbiyəsinə köklənmişdir. Aprel döyüşlərində qəhrəmanlıqla həlak olmuş Mikayıl Vahabzadənin xatirəsinə həsr olunmuş kitabın təqdimatı belə tədbirlərdən biri kimi yadda qalan oldu.

Son iki ildə qəhrəman şəhidimizin qəbri ziyarət olunur, onun valideyinləri ilə görüşlər keçirilir və xatirəsinin əbədiləşməsi üçün tədbirlər həyata keçirilir. Rayon rəhbərliyinin təşəbbüsü və təklifi ilə yaxın zamanlarda İsmayıllıda şəhidlər muzeyi yaradılacaqdır. İsmayıllıdan olna 144 şəhidin döyüş yolu bu muzeydə işıqlandırılacaqdır. Aprelin 9-da Mikayıl Vahabzadənin şəhid olmasının ildönümü doğulduğu Maçaxı kəndində qeyd olunacaqdır.

Qədirbilən İsmayıllılar şəhidlərini unutmur-FOTOLARVətən yolunda canını qurban verənlərə həsr olunmuş tədbirlərdən biri də bu gün reallaşıb.

7 aprel 2018 –ci il tarixdə İsmayıllı Rayon İcra Hakimiyyətinin təşəbbüsü və təşkilatçılığı ictimaiyyət nümayəndələrinin iştirakı ilə Qarabağ döyüşlərində qəhrəmanlıqla şəhid olmuş Rüstəmov Cəlal Abdulhəkim oğluna Rəna Mirzəliyevanın həsr etdiyi “Atam mənə oğul deyib ” adlı kitabın təqdimat mərasimi keçirilib. Tədbirdən öncə şəhidin adına ucaldılmış xatirə-bulaq kompleksi ziyarət olunub və abidənin önünə İsmayıllı Rayon İcra Hakimiyyəti başçısı tərəfindən rayon ictimaiyyəti adından əklil qoyulub.

Daha sonra tədbir Uşaq Yaradıcılıq və İnkişaf mərkəzində davam etdirilib. Vətənpərvərlik ruhunda tərtib olunmuş zalda 350 -dən çox iştirakçı toplaşıb. Tədbirdə Rayon İcra Hakimiyyətinin başçısı Mirdaməd Sadıqov, RİH-nin məsul işçiləri, hüquq-mühafizə və ədliyyə orqan işçilərinin rəhbərləri, rayon ictimaiyyətinin nümayəndələri, təhsil işçiləri, tələbə və şagirdlər, o cümlədən şəhidin ailə üzvləri, qohumları iştirak ediblər.

Təqdimat mərasimində vətən uğrunda şəhid olanların ruhu bir dəqiqəlik sükutla yad edilib.

Qədirbilən İsmayıllılar şəhidlərini unutmur-FOTOLARMüəllif və tədbirin aparıcısı Rəna Mirzəliyeva Cəlalın keçdiyi döyüş yolu haqqında məlumat verib və slaydlar nümayiş olunub. Çıxış edən dövlət qulluğu veteranı Valeh Salehov, teleoperator Seyidağa Mövsümov, komandiri və kəşfiyyat qrupunun komandiri Ramiz Alışarlı, döyüşçü yoldaşı Nizami Abbas və sinif yoldaşı Tahir Hüseynov, şəhidin ailə üzvlərindən bacısı Xoşqədəm Rüstəmova Cəlal haqqında öz xatirələrini və ürək sözlərini söyləyiblər.

Rayon İcra Hakimiyyətinin başçısı Mirdaməd Sadıqov İsmayıllının tarixən vətənpərvərlər və qəhrəmanlar yurdu olduğunu diqqətə çatdırıb. Ölkə rəhbərinin şəhid və Qarabağ ailələrinə göstərdiyi diqqət və qayğıdan söz açıb. Rayonda son vaxtlar keçirilən tədbirlərin gənclərin vətənpərvərlik tərbiyəsindəki rolunu xüsusi qeyd edib. Ali baş komandanın rəhbərliyi altında işğal olunmuş torpaqlarımızın tezliklə geri alınacağını vurğulayıb. Rayon rəhbəri bu cür silsilə tədbirlərin davamlılığını tövsiyə edib.

Tədbirdə Təzəkənd kənd , şəhər 5 saylı və şəhər 6 saylı tam orta məktəb şagirdlərinin yadda qalan çıxışları olub. Əzəmətli şəkildə salona Azərbaycan bayrağı gətirilib və mübarizə ruhlu mahnılar səsləndirilib.
Xəbəriniz olsun

15.11.2018 - Abel Məhərrəmov rektor vəzifəsindən çıxarıldı - Səbəblər: Madriddəki sərxoşluq, 2 tonluq yük və...

15.11.2018 - “Brain Ring” izlə, “Nar”-dan hədiyyə qazan!

15.11.2018 - Prezident Gəray Fərhadovu işdən çıxartdı

15.11.2018 - “Paşinyan əraziləri Azərbaycana verəcək” - Erməni siyasətçi

15.11.2018 - Masallının təhsil "şefi" haqda şok dosye nazirə təqdim olundu: "Əvvəl qapıçı işləyib, indi isə..."

15.11.2018 - Farerin millimizlə oyun üçün start heyəti - 3 hücumçu

15.11.2018 - Xaşoginin nişanlısı: Qətlin iştirakçısı, yoxsa "Müsəlman qardaşları"nın üzvü?

15.11.2018 - "İndi mən camaatın arasına necə çıxım?" - Deputatdan etiraz

15.11.2018 - Eldar Əzizov Bakı meri oldu - Sərəncam

15.11.2018 - Azərbaycanda nazir xalası qızını Qocalar Evinə yerləşdirdi - FOTO

15.11.2018 - Deputatlardan AzTV və İTV-yə ittiham: "Bizi elə qələmə verirlər ki..."

15.11.2018 - Tramp məmuru Ağ Evdən qovdu

15.11.2018 - Qarabağ əlili: “Böyrəyimi satıb, “Bank of Baku”ya borcu verməliyəm…”

Facebook