Bakı məktəbində seks və şantaj: direktor və iki müəllim işdən çıxarıldı

28 aprel 2018
Bakı məktəbində seks və şantaj: direktor və iki müəllim işdən çıxarıldı
Bakı şəhəri üzrə Təhsil İdarəsi Hövsan qəsəbəsində yerləşən 281 saylı tam orta məktəbdə iki müəllimin və direktorun işdən azad edilməsi barədə rəsmi məlumat yayıb. Virtualaz.org xəbər verir ki, məlumata əsasən məktəblə bağlı aparılan araşdırma nəticəsində təhsil müəssisəsinin 2 nəfər pedaqoji işçisi "Müəllimlərin etik davranış qaydaları"nın tələblərini pozduğuna, məktəbin direktoru pedaqoji kollektivə rəhbərlik və nəzarət işində yol verdiyi nöqsanlara və ümumilikdə, vəzifə funksiyalarını keyfiyyətsiz yerinə yetirdiyinə görə, mövcud qanunvericiliyə uyğun olaraq tutduqları vəzifədən azad olunublar.

Bəs həmn məktəbdə müəllimlərin etik davranış qaydalarına ziddi nə baş verib? Müəllimlər və direktor rüşvət alıblar, ya şagirdlərdən pul yığıblar?

Belə məlum olur ki, baş verənlər daha biabırçı və rüsvayçıdır. Azərbaycan məktəbi növbəti dəfə seks qalmaqalının mövzusuna çevrilib. Belə ki, bir neçə gün əvvəl saytlardan birində həmin məktəbdə müəllimlərdən birinin qadın alveri ilə məşğul olması, sevgilisi ilə əlbir olaraq digər müəllimin seks görüntülərini çəkməsi və onu şantaj edərək dəfələrlə pulunu alması barədə xəbər dərc edilmişdi.

Məlumatda deyilirdi ki, 281 saylı orta məktəbdə işləyən müəllim S.H. qadın alverində və şantajda ittiham olunur. Belə ki, S.H. həmin məktəbdə riyaziyyat müəllimi kimi çalışan qadın X.R.-nın müxtəlif şəxslərlə cinsi əlaqədə olduğu zaman video görüntülərini çəkib.Daha sonra S.H. sevgilisi olan Zalovla (Zalovun da 2005-ci ildə həmin məktəbin məzunu olduğu iddia olunur-red.) əlbir olub X.R.-nı intim video görüntüləri ilə şantaj edərək pul tələb ediblər. İddia olunur ki, Zalovla S.H. X.R.-dan müxtəlif vaxtlarda ayrı-ayrı məbləğlərdə pul alıblar. Nəhayət X.R. tələb olunan pulunu verməyə imkanı çatmayıb və hüquq-mühafizə orqanlarına hadisə barədə məlumat verib. Nəticədə Zalovun həbs olunduğu deyilir. S.H.-nın isə 3 gün polis bölməsində saxlanıldıqdan sonra evə buraxıldığı iddia olunur.

Bu rüsvayçı hadisədən sonra məktəbin direktoru Gülşən Əliyeva tərəfindən həmin müəllimlər barəsində heç bir tədbir görülməyib. Bunun da səbəbi kimi direktorla S.H. arasında möhkəm dostluq əlaqələrinin olması göstərilir. Valideynlər belə müəllimlərin övladlarına dərs keçməsindən olduqca narahatdırlar.

Bakı şəhəri üzrə Təhsil İdarəsinin apardığı yoxlama isə məktəbin müəllimləri arasında belə rüsvayçı əməllərin baş verdiyini təsdiqləyib. Nəticədə onları cəzalandırıblar.

“Bu hal da göstərir ki, nöqsan olan yerdə qəti tədbir görülür. Yəni, təhsili idarəetmə qurumları nöqsanı gizlətmir. Əksinə nöqsanların aradan qaldırılmasında ən çox maraqlı tərəf təhsili idarəetmə orqanlarıdır", - İdarə bildirir.

Lakin Bakı şəhəri üzrə Təhsil İdarəsi bir-birinin ardınca məktəblərin adının bu cür rüsvayçı qalmaqallarda hallanmasına görə məsuliyyətdən yaxasını asanlıqla kənara çəkə bilərmi? Axı belə hadisələrin baş verməsi təsdiq edir ki, məktəbdə deqradasiya hansı səviyyəyə gəlib çatıb. İdarə məktəblərdə baş verənlər haqda ancaq mətbuatda qalmaqal qopandan sonra tədbir görməlidir, yaxud bacardıqca belə biabçırçılıqları ört-basdır etməlidir?
Xəbəriniz olsun

16.08.2018 - “Nar” qəbul imtahanlarında ən yüksək nəticə göstərmiş abituriyentləri mükafatlandırdı

16.08.2018 - 4 nəfər eyni anda intihara əl atdı - Bakıda şok olay

15.08.2018 - Azərbaycanda benzin bu gecə bahalaşacaq: ŞOK GÖZLƏNTİ

15.08.2018 - “Mütəllibov pulları zirzəmidə saxlayırdı” – Araz Əlizadədən manat açıqlaması

15.08.2018 - "Rəis dedi ki, şərait yarat, Fədayə Etibarla görüşsün"- Həbsxana qaçışında yeni faktlar

15.08.2018 - İcra başçısının müavini idarə rəhbərlərindən qoyun istədi: çəkisi 15 kq-dan az olmasın - FOTOFAKT

15.08.2018 - “Azercell”də gün - gündən yeniləşən maxinasiya və ya qəpiklərin üstündə qurulan səltənət

15.08.2018 - İntihar anonsu verən tanınmış jurnalist xəstəxanaya yerləşdirildi

15.08.2018 - Qurban Qurbanov: “Komandamdan razıyam”

14.08.2018 - İranda pulun üzərinə Azərbaycan haqda görün nə yazıldı...

14.08.2018 - Hakimiyyətin media kapitanları arasında savaş başladı: APA agentliyi niyə bağlandı?!

14.08.2018 - Ərdoğandan ABŞ-a BOYKOT HƏMLƏSİ: "Onların “Ayfon”u varsa, bizim də..."

13.08.2018 - "“Qarabağ”ın ilk dəqiqələrdən yüksək templə çıxış edəcəyini gözləyirik” - BATE-nin Baş məşqçisi

Facebook