Kiyevdə deputatın çənəsini sındırmış çeçen Bakıda sərbəst buraxıldı

07 may 2018
Kiyevdə deputatın çənəsini sındırmış çeçen Bakıda sərbəst buraxıldı
Kiyevdə Ali Radanın “Pyotr Poroşenkonun bloku” fraksiyasından deputatı Mustafa Nayemin döyülməsində şübhəli bilinən “BoomBox Promotions” promouter şirkətinin həmtəsisçisi Məhəmməd-Əmin Saitov Azərbaycan hüquq-mühafizə orqanları tərəfindən sərbəst buraxılıb.

Virtualaz.org xəbər verir ki, bu barədə Ukrayna KİV-lərinə aprelin 30-da Bessarabiya bazarının yaxınlığında parlament üzvü ilə münaqişəyə girmiş çeçen gənclərin maraqlarını təmsil edən vəkil İqor Siniçenko bildirib.

Onun sözlərinə görə, Saitov doğrudan da saxlanılıb, lakin sonradan sərbəst buraxılıb. Özü də bu, “iki-üç gün əvvəl” olub və xuliqanlıqda şübhəli bilinənlərin vəkillərinə bu barədə mayın 5-də axşam məlum olub.

Vəkil iddia edir ki, Azərbaycanda Saitov barəsində qətimkan tədbiri seçilməsi barədə heç bir məhkəmə iclası keçirilməyib. “O, Ukrayna tərəfinin müvafiq sənədləri təqdim etmədiyinə görə sərbəst buraxılıb. Hazırda Saitov azadlıqdadır” – Siniçenko qeyd edib.

O vurğulayıb ki, bu “o demək deyil ki, Məhəmməd-Əmin indi gizlənməyə hazırlaşır”.

“İstəyirdik ki, Məhəmməd-Əmin özü qayıtsın, lakin indi o, ekstradisiya proseduru başlayana kimi çətin ki, Azərbaycanı tərk edə bilsin. Faktiki olaraq, yerli güc strukturlarının nümayəndələri özləri onun qayıtmasını sürətləndirməyə mane olublar”, - vəkil əlavə edib.

Siniçenko dəqiqləşdirib ki. Ukrayna tərəfinin Azərbaycan hüquq-mühafizə orqanlarına hansı sənəd zərfini göndərməsindən asılı olaraq çeçen gəncin vəkilləri qərar verəcəklər – şübhəlinin Kiyevə könüllü ekstradisiyasına razılıq versinlər, ya yox.

Virtualaz.org-un daha öncə bildirdiyi kimi, aprelin 30-da Kiyevin mərkəzində ukraynakı deputat Mustafa Nayemə hücum olub. Hücum edənlərdən biri – 29 yaşlı çeçen əsilli Ukrayna vətəndaşı Məhəmməd-Əmin Saitov hadisədən bir neçə saat sonra Bakıya uçub. O, 2-4 may tarixlərində Bakıda keçirilmiş boks turnirində iştirak edib.

Daha sonra Ukraynanın daxili işlər naziri Arsen Avakov bildirmişdi ki, Azərbaycan polisi Ukrayna tərəfinin sorğusuna müvafiq olaraq, Məhəmməd-Əmin Saitovu Bakıda saxlayıb.
Xəbəriniz olsun

20.07.2018 - Cinsi əlaqədə ola bilməyən Adnan Oktar "kediciklər"ə bunu edirmiş - İYRƏNC ÜSUL

19.07.2018 - SAHİBKARLAR ZAKİR FƏRƏCOVDAN ŞİKAYƏTÇİDİR – “Dedi ki, sənin nəslində bir kişi yoxdur…” + FOTOLAR

19.07.2018 - Havanın temperaturu enəcək: güclü külək, şimşək, leysan və dolu gözlənilir

19.07.2018 - Paşinyandan Rusiya hərbi bazasına sərt reaksiya

19.07.2018 - Ramiz Zeynalov erasının sonu: “QAİ generalı”nın imperiyası süqut edir

19.07.2018 - “1000 bərəkət, halal nemət”dən dəhşətli kadrlar: ürəyi zəif olanlar baxmasın – 13+VİDEO

19.07.2018 - İran-Pakistan sərhədində atışma: bir hərbçi həlak oldu

19.07.2018 - KXCP sədrliyinə namizəddən Mirəlioğluna ittiham: "Zərdabinin ruhu, 12 nəfərlik partiya, Bəyi təhqir edənlərl ...

19.07.2018 - “Qarabağ”ın kapitanı komandanın növbəti rəqibi barədə

19.07.2018 - Səkkiz əcnəbi saxta sənədlərlə Azərbaycan sərhədini keçmək istədi

19.07.2018 - Özünü 17-ci mərtəbədən atan qız barədə - TƏFƏRRÜAT

19.07.2018 - Elə adamlara elmi adlar verilir ki, onlara qoyun otarmağa belə icazə vermək olmaz – Açıqlama

19.07.2018 - Kremlin şok “oktyabr ssenarisi”: Gəncə işindəki silah və qaz gizlinləri

Facebook