İmişli DSMF-də qalmaqal – Müdir işçiyə külqabı atdı, nazirə teleqram vuruldu

14 may 2018
İmişli DSMF-də qalmaqal – Müdir işçiyə külqabı atdı, nazirə teleqram vuruldu
Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondunun İmişli rayon şöbəsində insident baş verib.

Mia.az-a daxil olan məlumata görə, şöbənin müdiri İntiqam Əliyevlə fondun əməkdaşı Mübariz Şükürov arasında gərginlik yaşanıb. Bu barədə saytımıza açıqlama verən M.Şükürov bildirib ki, müdirlə aralarında baş verən gərginliyə səbəb saxtakarlığa qarşı çıxması olub:

"Mən, Şükürov Mübariz Kamal oğlu, Dövlət Sosial Müdafiə Fondunun İmişli rayon şöbəsində sosial müavinətlər üzrə məsləhətçi vəzifəsində çalışıram. İdarələr birləşəndən sonra şöbənin rəhbəri İntiqam Əliyev mənə qarşı qərəzli hərəkətlər etməyə başladı. Arada heç bir əsas olmadan məni işdən uzaqlaşdırdı, amma mən səbrli davrandım. Səbəb də odur ki, mən bu sahəni çox yaxşı bilirəm, camaata kömək edirəm, ona görə də hamının mənə müsbət münasibəti var. Bu münasibət də onda qıcıq yaradır. Bu saat rayonda sorğu eləsəniz, bir nəfər məndən narazı olmaz, amma İntiqam Əliyevdən bir nəfər razı adam tapmazsız. Sonuncu dəfə aramızda yaranan gərginlik isə saxta bir işlə bağlıdır. Belə ki, burda "makler” fəaliyyəti göstərən də Taryel Şirinli adlı bir şəxslə İntiqam Əliyevin bir saxta işinin üstünü açdım. Həmin vaxt burda yoxlama da var idi, onlar da etiraf elədilər ki, müdir saxtakarlığa yol verir. Bununla bağlı nazirliyə müraciət etmişəm”.

M.Şükürov onu da bildirib ki, qurumda baş verənlərlə bağlı yeni nazir Sahil Babayevə 3 dəfə teleqram vurub.

"Amma təəssüf ki, nazirlikdən şikayətin araşdırılması üçün ərizə İntiqam Əliyevin üzərinə yönəldilib. Mən bu adamın saxtakarılğından şikayət edirəm, o necə ədalətli qərar verə bilər? Mayın 12-də saat 11.55-də idarədə oldum, İnqtiqam Əliyev mənin üstümə hücum çəkərək dedi ki, səni həbsə göndərəcəm. Mən isə ona saxtakarlıq etdiyini demişəm və bunu sübut etmətə çalışmışam. O isə mübahizə zamanı mənə külqabı atdı, yaxşı ki, dəymədi. Başa düşmürəm, 40 ilin işçisinə niyə külqabı atılmalıdır, təhdid edilməlidir? Cənab nazirdən də xahişim odur ki, bu məsələnin araşdırılaraq ədalətli qərar verilməsini təmin etsin”, – deyə müsahimiz fikrini tamamlayıb.

Məsələylə bağlı Dövlət Sosial Müdafiə Fondunun İmişli rayon şöbəsinin müdiri İntiqam Əliyevlə əlaqə saxladıq. O, işçisinin dediklərinin əsassız olduğunu deyərək, M.Şükürovun özüylə danışmağı məsləhət gördü.
Xəbəriniz olsun

20.11.2018 - Millinin ölüm-qalım mübarizəsi – 90 dəqiqəlik savaş

20.11.2018 - Gənc oğlan toy günü özünü asdı: - “Atasının bu sözlərindən sonra...”

20.11.2018 - "Azərbaycan banklara olan 5 minə qədər borcları silinməlidir" - Qubad İbadoğlu hökumətə səsləndi

20.11.2018 - Gəncədəki partlayışda ölənlərin sayı 3-ə çatdı: Kəmaləddin Heydərov hadisə yerinə getdi

19.11.2018 - “Veysəloğlu” şirkətinə kiflənmiş “Ozmo” ittihamı – Foto

19.11.2018 - Səudiyyəyə gedən prezident yoxa çıxıb: 1 aydır xəbər yoxdur…

19.11.2018 - Zakir Fərəcov Mehriban xanıma verilən vədə əməl etmir- Qarabağ əlillərinə basqı+VİDEO

19.11.2018 - MTN generalı Ülvi Quliyevin deputatlıq yolunu bağladı – Sirr

19.11.2018 - Əli Kərimli sərbəst buraxıldı: 2500 manat cərimələndi

18.11.2018 - “WhatsApp” messencerində “itən mesaj”lar dövrü gəlir

18.11.2018 - Türkiyə hərbçiləri İraqın şimalında terrorçuları məhv etdilər

18.11.2018 - İcra başçısına 70 min rüşvət verən şəxs danışdı: "İsmayıl Vəliyevin imzası ilə..."

18.11.2018 - "Əli Kərimli və AXCP üzvlərinin işi məhkəməyə göndəriləcək" - Paytaxt polisi rəsmi məlumat yaydı

Facebook