Kəmaləddin Heydərovun general qohumu: işdən qovuldu, nazir müdaxilə etmir…

17 may 2018
Kəmaləddin Heydərovun general qohumu: işdən qovuldu, nazir müdaxilə etmir…
Baş Prokurorluq və Dövlət Təhlükəsizliyi Xidmətinin (DTX) bir neçə gün əvvəl “dərman mafiyasına” qarşı keçirdikləri əməliyyatdan dərhal sonra vəzifəsindən uzaqlaşdırılan Hava Nəqliyyatında Baş Gömrük İdarəsinin rəisi Sadiq Abduyev fövqəladə hallar naziri Kəmaləddin Heydərovun həyat yoldaşının əmisi oğludur. Bu barədə “AzPolitika.info”ya mötəbər mənbə bildirib.

Bu il aprelin 30-da DGK-nın yüksək vəzifəli şəxslərinin də içində olduğu “dərman mafiyası” ifşa olunub. Üç gün sonra, mayın 3-də DGK sədrinin müvafiq əmrinə əsasən, Hava Nəqliyyatında Baş Gömrük İdarəsinin rəisi Sadiq Abduyev və Tibbi Xidmət İdarəsinin rəisi Fikrət Qədiməliyev sərəncama götürülüblər. Sonuncunun barəsində cinayət işi qaldırıldığı bildirilsə də, S.Abduyevin istintaqa cəlb olunması haqda məlumat verilmir.

Kəmaləddin Heydərovla yaxın qohumluq əlaqəsi olan Hava Nəqliyyatında Baş Gömrük İdarəsinin rəisinin vəzifəsindən uzaqlaşdırılması maraqlı hadisədir. Bu fakt bir daha ondan xəbər verir ki, “dərman mafiyası”na qarşı əməliyyat yüksək səviyyədə sanksiyalaşdırılıb və istintaq da kifayət qədər prinsipial mövqe tutub. Bu baxımdan general S.Abduyevin bu işlərdə iştirakının olub-olmadığını da məhz istintaq müəyyən edəcək. Hələ ki, o, yalnız vəzifəsindən azad olunub və ona qarşı hər hansı ittiham irəli sürülməyib. Lakin açıq görünür ki, müəyyən dairələr S.Abduyevin FHN naziri ilə qohumluq əlaqəsinin olması faktından nazirə qarşı istifadə etmək niyyətindədirlər. Artıq belə fikirlər dövriyyəyə buraxılıb ki, “bir generalın yaxın qohumu olan” S.Abduyev istintaqdan yayındırılır. Lakin bizə verilən məlumata görə, K.Heydərov ilk gündən bu məsələyə müdaxilə etməmək yolunu tutub və istintaqın obyektiv aparılmasında maraqlıdır.

Rasim ƏLİYEV, AzPolitika.info
Xəbəriniz olsun

18.09.2018 - İlham Əliyev: "Ermənistanda rəhbərliyə gəlmiş yeni simalar öz məsuliyyətini dərk etmir"

18.09.2018 - Putin Ermənistanda Köçəryan və Sarkisyanla görüşəcək

18.09.2018 - “Nikoil Bank”ın axtarışda olan sabiq sədri Moskvada saxlanılıb

18.09.2018 - Azərbaycanda direktorla müəllimlər saçyolduya çıxdılar – Video

18.09.2018 - İranda Xəzər dənizinin adını dəyişirlər

18.09.2018 - Qardaşlarının yanında kişi ilə yatdı, videoya çəkdi, sonra... - Ağcabədidə AĞLASIĞMAZ DƏHŞƏT

18.09.2018 - Ata və oğul birləşib idmançını öldürdü – Sumqayıtdakı qətlin təfərrüatı

18.09.2018 - Baş redaktor tanımadığı şəxs tərəfindən təhdid olunur-FOTO

18.09.2018 - Hikmət Hacıyev PA-da yüksək vəzifəyə təyin olundu

17.09.2018 - Soçidə Ərdoğan-Putin görüşü başa çatdı

17.09.2018 - Prezidentin mətbuat katibi: İlham Əliyevin oğlu haqda Paşinyanın sözləri axmaqlıqdır

17.09.2018 - Kamaləddin Heydərov yatağa düşdü, xaricə apardılar: Paradda bu səbəbdən iştirak etməyibmiş...

17.09.2018 - Başçı işçisinin qızını söydü, əri gəldi, dava düşdü- Beyləqanda

Facebook