"Niyə axı məni təhqir edirlər?" - Hadı Rəcəbli

23 may 2018
"Niyə axı məni təhqir edirlər?" - Hadı Rəcəbli
"Mənə çox təəccüblüdür, niyə axı, sosial şəbəkələrdə mənə qarşı bu cür etikadan, siyasi mədəniyyətdən kənar münasibət sərgilənir? Hər gün təhqir olunuram. Bunu edənlər vicdanlarına baş vursunlar”.

Savash.org xəbər verir ki, bu sözləri gununsesi.info-ya açıqlamasında Milli Məclisin Sosial Siyasət Komitəsinin sədri Hadı Rəcəbli sosial şəbəkələrdə təhqir olunması faktına münasibətində deyib.

Qeyd edək ki, zaman-zaman facebook istifadəçilərinin hədəfinə tuş gələn komitə sədrini bu dəfə 3 gün öncə övladı şəhid olmuş bir ata ilə müqayisə ediblər. Hər iki şəxsin fotosunu paylaşan facebook istifadəçiləri şəhid atasından təxminən 10 yaş böyük olan Hadi Rəcəblinin daha gümrah, daha sağlam olmasını yazır.

Saytımıza açıqlamasında Hadi Rəcəbli belə bir müqayisənin qüsurlu olduğunu deyərək, əlavə edir ki, övladını itirən atanın o vəziyyətdə fotosunu paylaşmaq doğru hal deyil: "Birincisi, o atanın övladı vətən uğrunda şəhid olub. Övladını itirmiş atanın təbii ki, beli bükülür. Ancaq bu cür fotoları paylaşmaq doğru deyil, bizə düşmən baxır. Mənim gümhrah olmağımı yazanlara isə deyirəm ki, hər gün özümə əziyyət verib, idmanla məşğulam”.

Tez-tez gündəmə gəlməsini rəhbəri olduğu komitəsinin fəaliyyəti ilə əsaslandıran Hadı Rəcəbli bildirib ki, əhalinin həssas təbəqəsi ilə işləmək çətindir: "Mən təkcə ötən həftə 61 vətəndaş qəbul etmişəm. Hər gün bir neçə nəfər qəbul edirəm. Əlimdən gələni gələni edirəm ki, insanların problemləri həll olunsun. Elə hal olub ki, görmüşəm telefonla, məktubla həll olunmur, durub özüm nazirin qəbuluna getmişəm. Bu gün sosial şəbəkələrdə məni qınayanlar, yaxşı olardı ki, aldığım təşəkkür məktublarına da yer ayırardılar. Çalışmışam mediaya açıq olam. Amma bir də görürsən demədiyim sözləri ictimailəşdirirlər. Bu jurnalisti tapanda isə üzrxahlıq edir. Belə olmaz. Mən əzblar, görmüşəm, çətinlikləri yaşamışam, nə qədər ədalətsizliklərin şahidi olmuşam. Məni tanıyanlar bunu yaxşı bilir”.
Xəbəriniz olsun

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

17.10.2018 - Trampın müşaviri İlham Əliyevlə Bakıda nədən danışacaq? - Pərdəarxası...

16.10.2018 - Təhsildə imtahan oyunu: Ceyhun Bayramov müəllim üsyanı yetişdirir?

16.10.2018 - Paşinyan istefa verdi və...üzr istədi

Facebook