Bakıda şəhid qəbirləri niyə dağılıb? - Foto+Video

25 iyun 2018
Bakıda şəhid qəbirləri niyə dağılıb? - Foto+Video
Bir neçə gündür sosial şəbəkələrdə dağılmış əfqan şəhidlərinin qəbirlərinin görüntüləri yayılıb. İddia edilir ki, bu məzarlar bilərəkdən, kimlərsə tərəfindən dağıdılıb.

“Qafqazinfo”nun əməkdaşları bu gün qəbirlərin yerləşdiyi Xırdalan qəbiristanlığında olublar. Məlum olub ki, məzarlığın ən yüksək nöqtəsində yerləşən 7 əfqan şəhidinin qəbirlərinin başdaşı aşmış vəziyyətdədir. Onlar 90-cı illərin əvvəllərində Azərbaycana gələrək Qarabağ müharibəsində döyüşərək şəhid olublar.

Qəbiristanlığın rəhbəri İsamil İsayev “Qafqazinfo”ya açıqlamasında bildirib ki, əfqanların başdaşıları 4-5 ildir ki, bu vəziyyətdədir: “O vaxt güclü külək olanda 3 qəbirin başdaşı aşıb sındı. Elə həmin vaxt da onların ictimai birliyinin üzvləri gəlib qalan 4 daşı yerə qoydular ki, aşıb sınmasın. O vaxtdan da belə qalıb. Bu məsələ son günlər gündəmə gələndən sonra polisdən və icradan gəlib baxdılar. Sonra dedilər ki, ictimai birliyin üzvləri harasa müraciət ediblər, pul ayrılacaq. Yaxın günlərdə qəbirlərin üstü və başdaşılar yenidən təmir olunacaq. Amma bizə dəqiq vaxt deyilməyib”.

Qəbiristanlıq ərazisində işləyən şəxslərlə söhbətimiz zamanı bəlli oldu ki, həmin qəbirləri axırıncı dəfə 2008-cı ildə Bakı Şəhər İcra Hakimiyyəti təmir etdirib. Meriyanın Əhaliyə Vətəndaşlıq Trestinin müdiri Cavanşir Tağıyev başdaşılarını qoydurub. Lakin həmin zaman ustalar başdaşının altında bərkidici dəmir şit yerləşdirməyib və mərmərdən olan bir neçə yüz kiloluq daşlar az miqdarda yapışdırıcı ilə yerə bərkidilib. Həmin ərazi də yüksəkdə yerləşdiyi üçün güclü küləyə tab gətirməyib.

Qeyd edək ki, qəbiristanlıq ərazisi 62 hektardır, onun bir hissəsi Bakı Şəhər İcra Hakimiyyətinə, digər hissəsi isə Abşeron rayon İcra Hakimiyyətinə məxsusdur. Əfqan şəhidlərinin qəbirlərindən 5-i meriyanın, 2-si isə Abşeronun ərazisindədir.

Xəbəriniz olsun

15.11.2018 - Masallının təhsil "şefi" haqda şok dosye nazirə təqdim olundu: "Əvvəl qapıçı işləyib, indi isə..."

15.11.2018 - Farerin millimizlə oyun üçün start heyəti - 3 hücumçu

15.11.2018 - Xaşoginin nişanlısı: Qətlin iştirakçısı, yoxsa "Müsəlman qardaşları"nın üzvü?

15.11.2018 - "İndi mən camaatın arasına necə çıxım?" - Deputatdan etiraz

15.11.2018 - Eldar Əzizov Bakı meri oldu - Sərəncam

15.11.2018 - Azərbaycanda nazir xalası qızını Qocalar Evinə yerləşdirdi - FOTO

15.11.2018 - Deputatlardan AzTV və İTV-yə ittiham: "Bizi elə qələmə verirlər ki..."

15.11.2018 - Tramp məmuru Ağ Evdən qovdu

15.11.2018 - Qarabağ əlili: “Böyrəyimi satıb, “Bank of Baku”ya borcu verməliyəm…”

15.11.2018 - Bakıda qətl: Qadın kirayədə qaldığı evdə öldürüldü

15.11.2018 - Əli Həsənovla bağlı şok iddia: milyard manat mənimsəyib - "Qaçqınkom" müdhiş maxinasiyanın üstü açılıb

13.11.2018 - Azərbaycana yadplanetlilərin gəmisi enib? - Foto

13.11.2018 - “Azərbaycanda əməkhaqları çox aşağıdır” - Komitə sədrindən gözlənilməz açıqlama

Facebook