Muxtar Babayevin saxta şəffaflıq oyununu ifşa edən 20 milyonluq tenderin ŞOK SİRRİ

26 oktyabr 2018
Muxtar Babayevin saxta şəffaflıq oyununu ifşa edən 20 milyonluq tenderin ŞOK SİRRİMuxtar Babayevin Ekologiya və Təbii Sərvətlər Nazirliyinə rəhbər təyinatından sonra bu qurumda bəzi problemlər aradan qaldırılsa da, "tender oyun”u hələ də davam edir.

Yeni nazir təyinatından sonra qurum əməkdaşları monitorinqlərin və yoxlamaların sayını artırsalar da, ETSN-nin bu mübarizəsi vətəndaşları və kiçik sahibkarları, eləcə də aşağı vəzifəli məmurları cərimələməkdən o yana keçmədi.

Nazirlikdəki rəhbər dəyişiklikləri isə sadəcə olaraq, kosmetik xarakter daşıdı. Yəni M.Babayev xələfi Hüseynqulu Bağırovun kadrlarını uzaqlaşdıraraq, öz adamlarını nazirliyə yerləşdirdi.

Diqqətçəkən məqamlardan biri də odur ki, M.Babayev əsas sahələrə öz adamlarını yerləşdirəndən sonra daha rahat hərəkət etməyə başlayıb.

Mia.az-a daxil olan məlumata görə, hazırda nazirliyin fəaliyyətində rüşvət və korrupsiyaya son qoyulduğu görüntüsü yaradılsa da, milyonluq tender proseslərində şəffaflıq təmin olunmayıb. Bu barədə bizi bilgiləndirən məlumatlı şəxs deyib ki, yeni nazir adının korrupsiyada hallanmaması üçün daha optimal yol tapıb:

"Bildiyiniz kimi, ölkədə su hövzələri Ekologiya və Təbii Sərvətlər Nazirliyinin nəzarətindədir. Onlarla bağlı qərarlar da bu quruma aiddir. Bu səbəbdən də bəzən lazımsız göllərin, yaxud digər xarakterli su hövzələrin qurudulması nazirlik tərəfindən həyata keçirilir. Təbii ki, bu prosesi icra etmək üçün də tender elan olunur və ən uyğun təklif verən şirkət qalib gələrək işi icra edir.

Bu günlərdə hava limanına gedən yolun ətrafındakı gölməçələrin qurudulması ilə bağlı tender keçirilib. 20 milyonluq tenderdə bir şirkət qalib olub və işin icrasına başlayıb. Amma burada maraqlı məqamlar çoxdur. Öncə onu deyim ki, qalib elan olunan şirkət kənar şəxsin deyil.

Həmin şirkət Nazirliyin yeni Aparat rəhbəri Vüqar Kərimova yaxın şəxsə məxsusdur. Vüqar Kərimov Muxtar Babayevin inandığı iki-üç nəfərdən biridir. Nazirlikdəki bütün məsələlər Vüqar Kərimovun əli ilə icra olunur. Yəni Muxtar Babayev qeyri-rəsmi olaraq, Vüqar Kərimova əsas səlahiyyəti verib. Tender məsələlərində əsas söz haqqı aparat rəhbərindədir ki, 20 milyonluq tenderi özünə yaxın şirkətə verilməsinə nail olub”.

Müsahibimiz deyib ki, artıq gölün qurudulması prosesi başlayıb. Lakin tenderin şərtləri elə ilk gündən pozulmağa başlanılıb.

"Öncə onu deyim ki, gölün qurudulması üçün nəzərdə tutulan smeta həddindən artıq şişirdilib. Yəni, 20 milyona 5 dəfə ondan daha böyük ərazini qurudub normal vəziyyətə gətirmək olar. Digər tərəfdən, ərazinin qurudulması prosesini təkcə qalib elan edilən şirkət reallaşdırmır.

Həmin 20 milyonluq işin böyük hissəsinin icrası Bakı Şəhər Ekologiya və Təbii Sərvətlər Departamentinin rəisi Əlişah Rəcəbova tapşırılıb. Onun nazirliyin "ən pullu adamları"ndan olduğu da heç kimə sirr deyil. Bu səbəbdən də onu qeyri-rəsmi olaraq, bu prosesə cəlb edərək tenderi daha az xərc qoyaraq icra etməyə çalışırlar. Yəni büdcədən ayrılan 20 milyonun necə xərcləndiyi ortadadır”, - deyə müsahibimiz fikrini tamamlayıb.
Xəbəriniz olsun

18.05.2019 - Hacı İbrahim Nazirlər Kabinetinin sifariş etdiyi binanı 7 ildir təhvil vermir

18.05.2019 - Azərbaycanda 3 ayda 4 min cütlük boşanıb

18.05.2019 - Elxan Məmmədov erməni futbolçuya söz verdi: “Gəlsin, problem olmayacaq...”

18.05.2019 - Bakıda qız süpürgəçi işləyən anasını döyüb, kibritlə yandırdı - VİDEO

18.05.2019 - Füzuli RİHB Alı Alıyev növbəti səyyar qəbul keçirib

17.05.2019 - İTV-dən tərs qoyulan bayraqla bağlı AÇIQLAMA

17.05.2019 - Elinanın anası prezidentə şikayət etdi: "SİZİN NƏZARƏTİNİZ OLMASA..."

17.05.2019 - Azərbaycanda iki rayonun icra başçısı dəyişdirildi - SƏRƏNCAM

17.05.2019 - "Biz xalqa “can” desək, onlar bizə “azar” deyəcək”

17.05.2019 - Poroşenkoya Ukraynadan çıxmaq qadağan olundu - Siyahıda daha 179 nəfər var

17.05.2019 - Milli Məclisdə “Keşikçidağ” söhbəti

17.05.2019 - Ramil Usubov rəisi vəzifəsindən azad edib, Gəncəyə göndərdi

17.05.2019 - Öldürülən avtoritetin həyat yoldaşı danışdı: “Lotu Quli” dedi ki.....

Facebook