Qurban Qurbanovdan transfer açıqlamaları

08 yanvar 2019
Qurban Qurbanovdan transfer açıqlamaları"Qarabağ"ın baş məşqçisi Qurban Qurbanov müsahibə verib. Təcrübəli mütəxəssis qış fasiləsində gözlənilən transferlərlə bağlı danışıb.

- Hələlik yeganə transferiniz Reynaldo Silvadır. Bu istiqamətdə işlər necə gedir?

- Güclənməyə ehtiyacımız var və komandaya bir neçə yeni futbolçu cəlb etmək istəyirik. İndi hər şey danışıqlar mərhələsindədir. Maraqlandığımız konkret futbolçular var. Hələlik heç kimlə razılaşmamışıq.

- Yəqin ki, Riçard Almeyda bu siyahıda ilk sıradadır.

- Biz hər zaman onu öz komandamızda görməyə şad olarıq. Amma "Astana" ilə yaxşı şərtlərlə müqaviləsi var. Hələlik Riçard haqda bir şey deyə bilmərəm. Əgər onun dönüşü üçün şərtlər bizə uyğun olsa, onu komandada görmək istəyərik.

- Deməli, onun yaxın vaxtlarda "Qarabağ"a qayıtması mümkünsüz görünmür.

- Mümkünsüz deməzdim. Amma hələ rəsmi danışıq olmayıb.

- Reynaldodan başqa, yeni futbolçu almamısınız. Demək olarmı ki, yeni futbolçu transfer etməkdə müəyyən çətinliklər var?

- Qış transfer pəncərəsində ehtiyacın olan futbolçunu almaq hər zaman çətin olur. Hərdən futbolçuların özləri ilə anlaşa bilmirik, hərdən də klubları ilə çətinlik yaşayırıq. Gizlətmirəm, bu cür problemlər var.

- İslandiyalı qapıçı Hannes Halldorsson yanvarda "Qarabağ"dan ayrılacaq?

- O, hələlik komanda ilə birlikdədir.

- Amma gedə bilər?

- Nə vaxt konkret təklifləri olsa, o vaxt bu barədə danışa bilərik.

- Delarjın məsələsi nə yerdədir? "Qarabağ"dan göndəriləcəyi gözlənilsə də, komandanın düşərgəsindədir.

- Transfer məsələləri heç də hər zaman 1-2 günün içində həll olunmur. Necə ki, kimisə asanlıqla transfer edə bilmirik, eləcə də sadaladığınız oyunçuların bizimlə müqaviləsi var. Durduğu yerdə heç kim getmir.

- Qarşılıqlı razılıq əsasında müqaviləni ləğv etmək barədə necə, düşünmüsünüz?

- Onunla buna bənzər söhbətimiz gözlənilir.

Mənbə: azerisport.com
Xəbəriniz olsun

15.01.2019 - DİN Bakıda böyük rezonans doğurmuş qətl haqda

15.01.2019 - Ali Məhkəmə Beytulla Hüseynovu azad edir

14.01.2019 - Özünü polis bölməsinin qarşısında yandıranla bağlı - DİN-dən açıqlama

14.01.2019 - “Nar”-ın korporativ müştərilərinin sayı artmaqdadır

14.01.2019 - "Bazarstore"a silahlı basqın: Vəzifəli şəxs yaralandı

14.01.2019 - Daha bir intihar: özünü 8-ci mərtəbədən atdı

14.01.2019 - Rektor əvəzi xanım şöbə müdirini işdən çıxardı, "Bulvar"ın rəis müavininə vəzifə verdi - BDU-da dəyişiklik

14.01.2019 - Media nümayəndələri eyni vaxtda 500 tələbənin biliyinin yoxlandiği imtahan prosesini izləyiblər

14.01.2019 - Sumqayıt 9 saylı məktəb direktorunun macəraları və ya "Təhsilin HƏQİQƏTİ"

13.01.2019 - Kəlbəcər girovunun məktubu: “Narahat olmayın, sağam”

13.01.2019 - Mirşahinin tutdurduğu QHT sədrinin oğlu azad edildi: "Mun sifətli "dostlar", bir az ləyaqətli olun"

13.01.2019 - Azərbaycanda polis İlkin Tapdıqov özünü güllələdi

12.01.2019 - Fransada “sarı jiletlilər”in nümayişi... - 24 nəfər saxlanıldı

Facebook