Hövsanda aksiya - bir nəfər öldü, qəsəbə qarışdı - (Yenilənib 3)

19 yanvar 2015
Hövsanda aksiya - bir nəfər öldü, qəsəbə qarışdı - (Yenilənib 3)
Hövsandakı aksiyada bir nəfər öldü, qəsəbə qarışdı - (Yenilənib 3)

Aksiyada iştirak edən sakinlərdən biri öldü.

Virtualaz.org saytının hadisə yerində olan əməkdaşının sakinlərdən əldə etdiyi məlumata görə, aksiya başlayan zaman məktəbin həyətinə gələn direktor daha sonra oradan qaçmaq istəyib. Bu zaman maşını aksiya iştirakçılarının üstünə sürüb.

Bu zaman aksiyada iştirak edən gənclərdən biri qorxub. Həmin şəxs qəsəbənin 20 yaşlı sakini Elmar Rəcəbəli oğlu Əliyev olub. Hadisə şahidlərinin sözlərinə görə, həyəcandan E.Əliyevin dili qatlanıb, qıcolması tutub. Onun epilepsiya xəstəsi olduğu deyilir.

Müxbirimiz xəbər verir ki, təcili şəkildə yaxınlıqdakı xəstəxanaya - 11 saylı Köməkçi Yardım Stansiyasının Hövsan filialına çatdırılan gənc orada ölüb. E.Əliyev əsgərlikdən yeni gəlibmiş.

Valideynlər hazırda kənd sovetinin və xəstəxananın qarşısına toplaşırlar.

Müxbirimiz xəbər verir ki, Suraxanı Rayon Polis İdarəsinin rəisi bu dəqiqələrdə hadisə yerinə gəlib. Bakı Şəhəri üzrə Təhsil İdarəsinin yüksək vəzifəli şəxsləri də təcili olaraq Hövsana gedib. Qəsəbədə gərginlik var.

* * * 11:27

Məktəb direktorunun istefasını tələb edən Hövsan sakinlərinin aksiyası davam edir.

Virtualaz.org saytının hadisə yerində olan əməkdaşının verdiyi xəbərə görə, aksiyanın keçirilməsinə səbəb məktəbdə təhsilin səviyyəsinin aşağı olmasıdır. Aksiyada iştirak edən valideynlərin dediyinə görə, məktəb direktoru bir neçə gün əvvəl şagirdlərdən birini təhqir edib.

Əməkdaşımızın məlumatına görə, aksiya başlayan zaman məktəb direktoru hadisə yerinə gəlib. Əraziyə polis əməkdaşları cəlb olunub. Valideynlərlə məktəb direktoru arasında qarşıdurma yaranıb. Qarşıdurmaya polis əməkdaşları müdaxilə edib. Direktor hadisə yerindən qaçıb. Hazırda valideynlər aksiyanı davam etdirirlər.

* * * 11:03

Bu dəqiqələrdə Hövsan qəsəbəsinin bir qrup sakini aksiya keçirir.

Virtualaz.org saytının hadisə yerində olan əməkdaşı xəbər verir ki, aksiya 118 nömrəli məktəbin qarşısında keçirilir.

Aksiya iştirakçıları 118 nömrəli məktəbin direktoru Qardaşxan Səlimovun işdən azad edilməsini tələb edirlər.

Əlavə məlumat veriləcək.
Xəbəriniz olsun

11.10.2018 - Rusiya Avropa Şurasından çıxarıla bilər - Xəbərdarlıq

11.10.2018 - SSRİ-nin 5 qəpiyinin sahibi milyoner ola bilər: Diqqətlə baxın...

11.10.2018 - Paşinyan istefa verəcəyi günü açıqladı

11.10.2018 - “Korrupsiya dalğaları” Rauf Vəliyevin gəmilərini silkələyir - İTTİHAM

11.10.2018 - Taleh Qaraşovun Lənkərandakı idarəçiliyinə etiraz: "Rəzilliyin ünvanı..."

11.10.2018 - Zamirənin Londonda müsadirə edilən mülkləri, qolf klubu, özəl təyyarəsi... - FOTOLAR, İLK DƏFƏ

10.10.2018 - DİN Bakıda uşaqların "orqan mafiyası" tərəfindən "qaçırılması" iddiaları haqda

10.10.2018 - Kənan Məmmədov prezidentin siyasətinə qarşı: Bakı gömrüyü rəisinin “karandaş əməliyyatı”

10.10.2018 - “Nar”la bağlı suallara cavab ver və 250 danışıq dəqiqəsi qazan

10.10.2018 - İlham Əliyev: Tütün bitməyən ölkələr bizə siqaret ixrac edirlər, bu, dözülməzdir...

10.10.2018 - Serj Sarkisyan geri çəkildi, Paşinyan seçkiyə gedir

10.10.2018 - Rasim Məmmədov özünə zirehli maşın aldı - 1 milyon dollara (FOTO)

10.10.2018 - Bakı məktəbində 6-cı sinif şagirdi qaz balonu tətbiq etdi, 8 şagird xəstəxanaya aparıldı

Facebook