Məhkəmə Gültəkin Hacıbəylini cəzalandırdı

22 yanvar 2015
Məhkəmə Gültəkin Hacıbəylini cəzalandırdı

Bu gün Yasamal Rayon Məhkəməsində hakim Sərdar Mehrəliyevin sədrliyi ilə sabiq deputat Gültəkin Hacıbəylinin işi üzrə məhkəmə prosesinin növbəti iclası olub.

Virtualaz.org saytının əldə etdiyi xəbərə görə, məhkəmə qərar çıxarıb. Hökmə əsasən, “Azadlıq" radiosunun 5 iyul 2013-cü il, saat 17:05-də başlayan “İşdən sonra” rubrikasında efirə gedən “9 yaşlı uşaq repressiya qurbanı” adlı verilişdə yalan olduğunu bilə-bilə Mahmud Mehdiyevin şərəf və ləyaqətini ləkələyən, onu nüfuzdan salan yalan məlumatları qəsdən yaydığına görə, habelə “Azadlıq” qəzetinin 5 sentyabr 2013-cü il tarixli sayının 6-cı səhifəsində dərc olunmuş müsahibəsində yalan olduğunu bilə-bilə Aynur Mehdiyevanın şərəf və ləyaqətini ləkələyən, onu nüfuzdan salan yalan məlumatları qəsdən yaymaqla, onlara böhtan atdığına görə Hacıbəyli Gültəkin Cinayət Məcəlləsinin 147.1 maddəsi ilə təqsirli bilinib və 500 manat cərimə ilə cəzalandırılıb. Bundan başqa, iş üzrə olan 150 manat ekspertiza xərci təqsirləndirilən şəxs G.Hacıbəylinin üzərinə qoyulub. G.Hacıbəyli isə hökmdan narazı qalıb və hakimə verdiyi hökmə görə həbs olunacağını deyib.

Mahmud Mehdiyev isə bildirib ki, hökmlə G.Hacıbəylinin cəzalandırılması müsbət haldır. Lakin hökmün cəza hissəsi ilə razı deyil. Buna görə də Mahmud Mehdiyev və Aynur Mehdiyeva apelyasiya şikayəti verəcəklər.

Məhkəməyə Milli Şuranın sədri Cəmil Həsənli, AXCP sədrinin müavini Fuad Qəhrəmanlı və digər müxalifət üzvləri də qatılıblar.
Xəbəriniz olsun

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

Facebook