Qazax və Xocavənddə döyüşlər: 1 əsgərimiz şəhid oldu, 6 erməni məhv edildi - (Yenilənib)

31 yanvar 2015
Qazax və Xocavənddə döyüşlər: 1 əsgərimiz şəhid oldu, 6 erməni məhv edildi - (Yenilənib)

Ermənistan silahlı qüvvələrinin təxribat qrupu məhv edilib.
Azərbaycan Müdafiə Nazirliyinin mətbuat xidmətindən virtualaz.org saytına verilən məlumata görə, Ermənistanın Müdafiə Nazirliyinə istinadən düşmən tərəfinin kütləvi informasiya vasitələrinin guya yanvarın 31-də Silahlı Qüvvələrimizin mövqelərinin və minik avtomobilinin məhv edilməsi barədə verilən məlumatlar yalandır və dezinformasiya xarakteri daşıyır.

Azərbaycan Müdafiə Nazirliyi bildirir ki, düşmən tərəfi son vaxtlar cəbhədə canlı qüvvə və texnika baxımından verdiyi ağır itkilərin, o cümlədən yanvarın 29-da məhv edilən pilotsuz uçan aparatın əvəzini çıxmaq məqsədilə heç bir uğurlu cavab tədbiri görə bilməməsi səbəbindən əsası olmayan, uydurma məlumatlar yaymaqla məyus erməni xalqını və əsgərini növbəti dəfə aldatmaqla məşğuldur: "Tam fərqli olaraq bu gün saat 15:00 radələrində Azərbaycan-Ermənistan dövlət sərhəddinin Qazax rayonu sahəsində düşmən tərəfinin təxribatının qarşısı uğurla alınıb. Silahlı Qüvvələrimizin bölmələrinin sayıqlığı və görülən qabaqlayıcı tədbirlər nəticəsində təxribat törətmək məqsədilə minalanmış sahədən keçid açmağa cəhd göstərən düşmənin 6 nəfərdən ibarət hərbi qulluqçusu tam məhv edilib.

Təəssüflər olsun ki, yanvarın 31-də saat 12:55 radələrində cəbhənin digər istiqamətində, Xocavənd rayonu ərazisində erməni silahlı bölmələrinin atəşkəs rejimini növbəti dəfə pozması və düşmən tərəfindən atılan güllənin rikoşet etməsi nəticəsində Silahlı Qüvvələrimizin hərbi qulluqçusu, əsgər Allahverdiyev Eşqin Rəhim oğlu dayaq məntəqəsində şəhid olub.

Müdafiə Nazirliyinin rəhbərliyi şəhidin yaxınlarına və əzizlərinə dərin hüznlə başsağlığı verir və səbr diləyir!"

Müdafiə Nazirliyi bildirir ki, Azərbaycan ordusu bütün cəbhə boyu əməliyyat şəraitinə tam nəzarət edir. Silahlı Qüvvələrimizin bölmələri həmişə olduğu kimi düşmənin istənilən hərəkətinin qarşısı qətiyyətlə almağa və onu məhv etməyə hazırdır.

* * *15:21

Bu dəqiqələrdə Dağlıq Qarabağdakı qondarma erməni rejiminin “müdafiə nazirliyi” düşmən ordusunun təmas xəttinin şərq istiqamətində həyata keçirdiyi “cəza əməliyyatı” barədə məlumat yayıb.

Virtualaz.org saytı news.am saytına istinadən xəbər verir ki, məlumatda iddia edildiyinə görə, bu əməliyyat nəticəsində təmas xəttinin şərq istiqamətində (Ağdam) Azərbaycan ordusunun iki mövqeyi, habelə bir minik avtomobili sıradan çıxarılıb.

Təmas xəttinin bu istiqamətinin başqa hissəsində isə Azərbaycan ordusunun iki əsgərinin vurulduğu iddia edilir.

Virtualaz.org saytı bu məlumatla bağlı Azərbaycan Müdafiə Nazirliyi mətbuat xidmətinin rəhbəri Vaqif Dərgahlıya müraciət edib.

V.Dərgahlı “məsələdən məlumatlı olduqlarını, əgər Müdafiə Nazirliyinin rəsmi bəyanatı olacaqsa, nazirliyin saytında yerləşdiriləcəyini” deyib.

Azərbaycan ordusunun bu gün ərzində itki verib-vermədiyi haqda suala isə V.Dərgahlı şərh verməyib, nazirliyin rəsmi bəyanatını izləməyi məsləhət görüb.

Xatırladaq ki, bundan əvvəl Ermənistan prezidenti Serj Sərkisyan Azərbaycanı “preventiv zərbələrlə” hədələmişdi və erməni ordusunun təmas xəttində hücum əməliyyatları keçirə biləcəyini demişdi.
Xəbəriniz olsun

16.08.2018 - “Nar” qəbul imtahanlarında ən yüksək nəticə göstərmiş abituriyentləri mükafatlandırdı

16.08.2018 - 4 nəfər eyni anda intihara əl atdı - Bakıda şok olay

15.08.2018 - Azərbaycanda benzin bu gecə bahalaşacaq: ŞOK GÖZLƏNTİ

15.08.2018 - “Mütəllibov pulları zirzəmidə saxlayırdı” – Araz Əlizadədən manat açıqlaması

15.08.2018 - "Rəis dedi ki, şərait yarat, Fədayə Etibarla görüşsün"- Həbsxana qaçışında yeni faktlar

15.08.2018 - İcra başçısının müavini idarə rəhbərlərindən qoyun istədi: çəkisi 15 kq-dan az olmasın - FOTOFAKT

15.08.2018 - “Azercell”də gün - gündən yeniləşən maxinasiya və ya qəpiklərin üstündə qurulan səltənət

15.08.2018 - İntihar anonsu verən tanınmış jurnalist xəstəxanaya yerləşdirildi

15.08.2018 - Qurban Qurbanov: “Komandamdan razıyam”

14.08.2018 - İranda pulun üzərinə Azərbaycan haqda görün nə yazıldı...

14.08.2018 - Hakimiyyətin media kapitanları arasında savaş başladı: APA agentliyi niyə bağlandı?!

14.08.2018 - Ərdoğandan ABŞ-a BOYKOT HƏMLƏSİ: "Onların “Ayfon”u varsa, bizim də..."

13.08.2018 - "“Qarabağ”ın ilk dəqiqələrdən yüksək templə çıxış edəcəyini gözləyirik” - BATE-nin Baş məşqçisi

Facebook