Özbəkistanın iki prezidenti olacaq

11 fevral 2015
Özbəkistanın iki prezidenti olacaqÖzbəkistan müxalifətinin mühacirətdə olan üzvləri yaxınlaşan prezident seçkilərinin azad və ədalətli keçəcəyinə şübhə edirlər. Buna görə də, Özbəkistandan kənarda bu seçkilərə alternativ onlayn seçki təşkil etməyə hazırlaşırlar. Artıq Virtual Seçki Komissiyasında namizədlər də qeydə alınıb.

"Azadlıq" radiosunun məlumatına görə, əksəriyyəti müxalifət nümayəndələri və vətəndaş cəmiyyəti üzvləri olan virtual namizədlərin çox az qismi tanınmış şəxslərdir.

VİRTUAL NAMİZƏDLƏR

Bunlardan biri Özbəkistanda rəsmi olaraq qeydiyyatdan keçməmiş Birdamlik (Birlik) Partiyasının təsisçisi Bahodir Çorievdir. Çoriev Birdamlik Partiyasını 2004-cü ildə Özbəkistandan ABŞ-a mühacirət etdikdən sonra yaradıb. Onun hüquq müdafiəçisi olan atası Hasan Çhoriev 2014-cü ildə müəmmalı cinayət işi üzrə məhkumluq həyatı yaşayarkən vəfat edib.

Müstəqil namizəd kimi qeydiyyatdan keçmiş Dilşodcon Usmanov isə məşhur biznesmen, Özbəkistanın ilk özəl bankı «Rustambank»ın təsisçisi Rustam Usmanov-un oğludur.

Miraxmat Muminov Birləşmiş Ştatlarda yaşayan başqa bir müstəqil namizəddir.Moxira Ortikova da həmçinin.

REAL SEÇKİNİN 3 NAMİZƏDİ

Namizədlər arasında Rusiyada mühacirətdə olan özbəklərdən isə bu ölkədəki özbək diaspor təşkilatı «Vatandosh»un sədri Usman Baratov var.

Bundan əlavə, onlayn seçkidə real seçki üçün namizədliyini irəli sürmüş dörd namizəddən üçü də iştirak edəcək – Akmal Saidov, Hotamcon Ketmonov vəNarimon Umarov. Onlar özləri alternativ seçki üçün qeydiyyatdan keçməyiblər. Ancaq Özbəkistanda keçirilmiş əvvəlki prezident seçkisində iştirak etmədiklərinə görə adları onlayn seçkidə namizədlər siyahısına daxil edilib. Bu barədə Virtual Seçki Komissiyasının sözçüsü, müstəqil jurnalist Uluqbek Bakirov məlumat verib. Onun dediyinə görə, namizədlər onlayn seçki ərəfəsində debatlarda da iştirak edəcəklər.

KƏRİMOV VƏ QVARDİYASI

Real seçkinin dördüncü, ən əsas namizədi isə ölkənin hazırkı rəhbəri, uzun illərdir Özbəkistanın prezidenti kürsüsündə əyləşən qocaman İslam Kərimovdur. Mayın 29-da onun növbəti dəfə prezident seçildiyinin elan ediləcəyinə şübhə yoxdur. Amma adı virtual seçkidəki namizədlər siyahısına daxil edilməyib. Bunun səbəbi, alternativ seçkinin təşkilatçılarının bildirdiyinə görə, Karimov-un Konstitusiyanın tələbini pozaraq iki dəfədən artıq prezident vəzifəsini icra etməsidir.

Adları Karimov-un potensial varisləri arasında çəkilən köhnə qvardiya üzvləri – baş nazir Şavkat Mirziyoyev və maliyyə naziri Rüstəm Əzimov da alternativ seçkidən kənarda saxlanılıb. Prezidentin gözdən düşmüş qızı Gülnarə Kərimova həmçinin.

ALTERNATİV SEÇKİ NƏYƏ LAZIMDIR

Virtual seçkinin təşkilatçıları bu cür alternativ seçki keçirməyin zəruriliyini onunla əsaslandırırlar ki, real seçkidə şəffaflıq təmin edilmir. Bundan başqa namizədlər arasında müxalifət nümayəndələri və ya vətəndaş cəmiyyəti üzvləri təmsil olunmur.

Özbəkistanın virtual prezidenti ola bilmək üçün namizədin azı 35 yaşı olmalı, özbək dilini yaxşı bilməlidir. O, həmçinin Özbəkistan Sovet Sosialist Respublikasında, yaxud Özbəkistan Respublikasında doğulmuş olmalı, siyasi və ya digər səbəbdən ölkəni tərk etmək məcburiyyətində qalmış olmalıdır.
Xəbəriniz olsun

25.04.2018 - Hüseyn Abdullayevin həbsi ilə bağlı ŞOK DETALLAR

24.04.2018 - Deputat Rafael Cəbrayılovla bağlı ilginc faktlar - Notarius təsdiqli dələduzluq?

24.04.2018 - “Əbülfəz Elçibəy-80” təşkilatı ölkə rəhbərlliyinə müraciət etdi, mitinq qərarı verdi - Toplantı

24.04.2018 - Heydər Əsədov "Ziya Məmmədova görə işdən çıxarılmısız" sualından belə yayındı – Açıqlama

24.04.2018 - MSK üzvləri mükafatlandırılır

24.04.2018 - Vüsal Novruzov üçün "əcəl zəngi": Səfər Mehdiyevin qisası uzun sürməyəcək

24.04.2018 - Nazir nəvəsi Bakıda yaşayış binasının 2-ci mərtəbəsində restoran açdı + VİDEO

23.04.2018 - Paşinyan qələbə mitinqində açıqladı: “Gəldilər, dedim Sərkisyan 2 saat ərzində getməlidir”

23.04.2018 - Diasporla İş üzrə Dövlət Komitəsinə yeni sədr təyin olunub

23.04.2018 - Prezident hökumətdə boş qalan vəzifələrə təyinatlar etdi: GEDƏNLƏR, QALANLAR VƏ YENİLƏR

23.04.2018 - Gücləndirilmiş “Nar” şəbəkəsi Bakı Formula Qran Prisinə hazırdır

23.04.2018 - Prezident yeni təhsil nazirini təyin etdi

23.04.2018 - MTN-nin qadın generalı azadlıqda: qalan generallar həbsxanaya göndərildi

Facebook