Ərinin az maaş almasına hirslənən qadın 2 uşağını küçəyə atdı

06 aprel 2015
Ərinin az maaş almasına hirslənən qadın 2 uşağını küçəyə atdı
Türkiyə vətəndaşı ilə ailə quran azərbaycanlı qadın ərinin evə az pul gətirməsinə hiddətlənərək iki azyaşlı uşağını küçəyə atıb.

Bu barədə virtualaz.org saytına Azərbaycan Uşaqlar Birliyinin sədri Kəmalə Ağazadə məlumat verib.

K.Ağazadənin sözlərinə görə, 4 və 7 yaşında olan uşaqlar birliyin sığınacaq evinə yerləşdirilib: “Həyat yoldaşına əsəbiləşən qadın bundan əvvəl də uşaqlarını atıbmış. Ata deyir ki, ailə münaqişəsinin səbəbi onun az maaş almasıdır. Hazırda uşaqların səhhəti normaldır. Azyaşlılar ataları ilə görüşə bilirlər”.

Birlik sədri qeyd etdi ki, uşaqların anasına qarşı məhkəmə iddiası qaldırılıb. Azyaşlılar anadan alınaraq atanın himayəsinə verilə bilər. Amma ata da uşaqlara baxa bilməyəcək.

K.Ağazadə rəhbərlik etdiyi sığınacaq evində hazırda 32 azyaşlının saxlanıldığını xatırlatdı: “Onların hamısı problemli ailələrin uşaqlarıdır. Ailə, Qadın və Uşaq Problemləri üzrə Dövlət Komitəsi övladlarına lazımi diqqət göstərməyən və öz vəzifələrinin öhdəsindən lazımınca gələ bilməyən valideynlərin azadlıqdan məhrum edilməsini təklif edib. Amma problem bununla da həll olunmayacaq. Çünki alternativ xidmətlər, qəyyumluq üçün sosial institutlar yoxdur. Valideyn məsuliyyətə cəlb edildiyi zaman uşağın taleyi necə olacaq? Valideynlik hüququndan məhrum edilmiş şəxslərin uşaqlarına kim baxacaq? Onları himayəyə götürmək istəyəcək ailələr də yoxdur. Uşaqlara müvəqqəti sahib çıxacaq sığınacaq evləri, mərkəzlər yoxdur. Belə çıxır ki, internatlar yenidən problemli ailələrin uşaqları ilə dolacaq”.

Uşaqlara qarşı davranışların hansı halda zorakılıq kimi qiymətləndiriləcəyi də hələlik bəlli deyil.

Qeyd edək ki, hazırda İnzibati Xətalar Məcəlləsinə əsasən, məsuliyyətsizliyə yol verən valideynlərə qarşı 20 manatdan 40 manatadək cərimə tətbiq edilir. Komitə uşaqlarını dilənçiliyə, küçə işlərinə cəlb edən, onları təhsildən yayındıran valideynlərlə bağlı məsuliyyət növlərinin müəyyənləşdirilməsini təklif edir.

Təkliflər sırasında uşağın dərsdən yayınmasına görə valideynlərin bir neçə gün azadlıqdan mərhum edilməsi məsələsi də var. Artıq cəzaların sərtləşdirilməsi barədə təkliflər paketi hazırlanaraq rəy alınması üçün müvafiq qurumlara təqdim edilib.
Xəbəriniz olsun

12.12.2018 - İŞDƏN ÇIXARILAN BAŞ NAZİR MÜAVİNİ İNTİHAR ETDİ! – Naxçıvanda şok

11.12.2018 - Ərinin balkondan atdığı qadın nazirin yaxın qohumudur

11.12.2018 - Putinə sui-qəsd, Trampın xəstələnməsi, dəhşətli sunami... - Vanqanın 2019-cu il PROQNOZLARI

11.12.2018 - Qurban Qurbanovdan çoxunu təəccübləndirən addım - AFFA-nın pulundan imtina etdi

11.12.2018 - Keçmiş şöbə müdiri od püskürdü: “Sabirabadın başçısı mənə təsir etdirib təkzib yazdırdı, TŞ müdiri isə...”

11.12.2018 - Azərbaycanda rektorlar 5 il müddətinə təyin ediləcək

11.12.2018 - Bakıda direktor arvadını 5-ci mərtəbədən ataraq öldürüb - Təfərrüat + FOTO

08.12.2018 - HACIYEV NİYƏ ŞƏRİFOVLA ÜZLƏŞMƏK İSTƏYİR? – Məşhur vəkil 3,3 milyardlıq borcu açdı + FOTO

08.12.2018 - “Nar”-dan “Samsung Galaxy Note 9” qazanan abunəçi məlum oldu

08.12.2018 - Qurban Qurbanov millidən getdi

06.12.2018 - Ukraynadakı səfirliyimiz Azərbaycan maraqlarının yorulmaz müdafiəçisi rolunda

06.12.2018 - Avropa İnsan Hüquqları Məhkəməsindən Seymur Həzi ilə bağlı qərar - Hökumət 14500 avro cərimələndi

06.12.2018 - Tramp Qafqazda hücuma keçəcək, hədəfdə Ermənistandır...

Facebook