Beynəlxalq İdman Alyansından iqtidara çağırış

08 aprel 2015
Beynəlxalq İdman Alyansından iqtidara çağırış
“Avropa Yay Oyunları başlayana qədər Azərbaycan bütün siyasi məhbusları azad etməlidir”
“Avropanın milli olimpiya komitələri Azərbaycan hökumətini həbs edilmiş jurnalistləri və fəalları azad etməyə çağırmasa, hüquqların pozulması qarşıda duran Avropa Oyunlarına zərər gətirəcək”.

Bu barədə İdman və Hüquqları Müdafiə Alyansının 7 aprel tarixli bəyanatında deyilir. “Avropa Olimpiya Komitəsi bu problemləri prezident Əliyev qarşısında qaldırmaq üçün nadir imkana malikdir” deyə, “Amnesty İnternational”ı təmsil edən Eduard Nazarski bildirib.

İdman və Hüquqları Müdafiə Alyansı “Amnesty International”, “Human Rights Watch”, FIFPro (Avropa Futbol Azarkeşləri İttifaqı) və “Transparency International"-ın iştirakı ilə bu yaxınlarda yaradılmış koalisiyadır”.





Alyans meqa-idman tədbirlərini qəbul edən ölkələrin insan hüquqlarına hörmət etməsinə, ətraf mühiti qorumasına və idmanda korrupsiyaya qarşı mübarizə aparmasına çalışır.
Alyans Avropa Olimpiya Komitəsinin prezidenti Patrik Hikkiya Azərbaycanda hökumətin tənqidçilərinə qarşı repressiyaları pisləmək çağırışı ilə məktub göndərib.



“Aparıcı jurnalistlərin və hüquq müdafiəçilərinin həbsi və KİV, hüquq müdafiə qrupları və digər fəallara qarşı daimi təzyiq Olimpiya Xartiyasının prinsiplərinə uyğun deyil” deyə, müraciətdə bildirilir. Bu vəziyyət Bakıdakı oyunları işıqlandıran minlərlə jurnalistin işinə mənfi təsir göstərə bilər.

Bununla əlaqədar olaraq Alyans Avropanın Olimpiya Komitələrini rəsmi Bakıda iyunun 12-nə qədər ədalətsiz olaraq həbs edilmiş bütün jurnalistləri və hüquq müdafiəçilərini, o cümlədən Xədicə İsmayılı, Leyla Yunus və Arif Yunus, İntiqam Əliyev, Rəsul Cəfərov, Rauf Mirqədirov, Anar Məmmədli, İlqar Məmmədov və Tofiq Yaqublunu dərhal və qeyd-şərtsiz azad etməyi, fəalların, jurnalistlərin, müxalifətçilərin və digər şəxslərin ifadə, toplaşmaq və birləşmək azadlığı hüquqlarının həyata keçirilməsinə görə təzyiq, qorxutma və təqiblərə məruz qoyulmasına son qoymağı, qanunvericiliyə KİV, hüquq müdafiə təşkilatları və digər müstəqil qrupların işini məhdudlaşdıran mürtəce düzəlişləri ləğv etməyi tələb etməlidir.



Qeyd edək ki, Yeni Azərbaycan Partiyası icra katibinin müavini Siyavuş Novruzov mediaya açıqlamasında deyib ki, hazırda növbəti əfvlə bağlı işlər gedir: “Bildiyiniz kimi, ənənəvi olaraq bayramlar və xüsusi günlərdə cənab prezident İlham Əliyev əfv sərəncamı imzalayır. Çox güman ki, bu dəfə də əfv sərəncamı imzalanacaq”.

Qeyd edək ki, sonuncu dəfə Azərbaycan prezidenti İlham Əliyev bu il martın 18-də əfv sərəncamı imzalayıb. Sərəncam 101 məhkuma şamil olunub. Onlardan 90 nəfər həbsdən buraxılıb, 7 nəfərin cəriməsi bağışlanıb, 4 nəfər isə islah işlərindən azad olunub.
Xəbəriniz olsun

20.08.2018 - ABŞ-ın Ankaradakı səfirliyinə silahlı hücumda şübhəli bilinən şəxs saxlanılıb

20.08.2018 - “Azəriqaz” 30-a yaxın ailəni də evsiz qoymaq istəyir

19.08.2018 - Azərbaycanda benzin bahalaşdı

18.08.2018 - Merkelin Azərbaycan səfərinin arxasında nələr durur?

18.08.2018 - Elmar Vəliyevə sui-qəsd - yeni həbslər və təfərrüat

18.08.2018 - Azərbaycanlı məhbuslar İstanbulda aclıq aksiyası keçirir - Erməni rəisə görə

18.08.2018 - Trampdan Türkiyəyə: “Bu iş bitmədi, həzm etməyəcəyik”

18.08.2018 - Şoka düşəcəyiniz ənənə: Böyük qardaş özünə həyat yoldaşı seçir və bütün qardaşları onu…

18.08.2018 - Sabirabad icra başçısının qardaşı oğlu adam oğurlayıb – pul üstə…

17.08.2018 - Baş Prokurorluq, DİN və DTX Gəncə hadisələri ilə bağlı birgə məlumat yayıblar

17.08.2018 - “Qarabağ” “Şerif”lə nə nə vaxt meydana çıxacaq? - Avropa Liqası

17.08.2018 - Bakıda avtobusda qadına təcavüz edildi: Niyə mənə toxunursan? - VİDEO

17.08.2018 - Köçəryan Paşinyanı Qarabağ danışıqlarından “dovşan kimi qaçmaqda” günahlandırdı

Facebook