İslam dünyasını ayağa qaldıracaq film- Peyğəmbər görüntülənəcək

04 dekabr 2014
İslam dünyasını ayağa qaldıracaq film- Peyğəmbər görüntülənəcək İslam dünyasını ayağa qaldıran addım bu dəfə İranda atılıb.

Savash.org modern.az-a istinadən xəbər verir ki, iranlı rejissor Məcid Məcidi peyğəmbər Həzrəti Məhəmmədin səsli və görüntülü olaraq təsvir ediləcəyi bir film çəkib. Sərt reaksiyalarla üzləşən filmlə bağlı Livan müftisi Məhəmməd Əli Əl Cuzu deyib:

“Bu addım İranın İslamdan əvvəl mənimsədiyi bütpərəstlik günlərinə geri qayıdır”.

“Məhəmməd” adlı filmdə peyğəmbərimiz Həzrəti Məhəmmədin həyatından bəhs olunur. Filmdə peyğəmbərin rolunda aktyorun oynadılması indidən hiddətə səbəb olub. Livan müftisi Əl Cuzu sözügedən filmə təpki göstərərək bunun İslama təhqir olduğunu deyib. Sözügedən filmin İranın paytaxtı Tehranda 2015-ci ilin fevral ayında keçiriləcək Şəfəq Kino Festivalında nümayiş etdiriləcəyi bildirilir. Çəkilişlərində son mərhələyə gəlinən filmin bölgədəki şiə- sünni gərginliyini daha da artırmasından narahatlıq ifadə olunur.

Filmdə Həzrəti Məhəmmədin uşaqlığından söhbət gedir. Film İslam dünyasında Fil hadisəsi kimi tanınan (Əbrəhənin Kəbəni yıxmağa çalışdığı il) Həzrət Məhəmmədin doğumu ilə başlayır.

Filmdə həmçinin, Həzrət Məhəmmədin uşaqlığında mühüm yer tutan anası Aminə, süd anası Halimə, babası Abdülmuttalibə də geniş yer verilir. Həzrət Məhəmmədin görüntülü və səsli bir şəkildə təmsil ediləcəyi film bu sahədə ilk olacaq. Ekranlarda nümayişinin başlamasının ardından İslam dünyasında, xüsusilə sünnilər arasında böyük reaksiyaya səbəb olacağı iddia edilir. Livan Müftisi Əl Cuzunun fikrincə, heç kim Həzrət Məhəmmədin şəxsiyyətini əks etdirə və onun rolunu oynaya bilməz.

Səudiyyə Ərəbistanı, Misir, Birləşmiş Ərəb Əmirlikləri, İordaniya kimi bir çox İslam ölkəsində peyğəmbərlərin filmlərdə canlandırılmasının günah olduğu barədə fətvalar var.
Xəbəriniz olsun

08.12.2018 - HACIYEV NİYƏ ŞƏRİFOVLA ÜZLƏŞMƏK İSTƏYİR? – Məşhur vəkil 3,3 milyardlıq borcu açdı + FOTO

08.12.2018 - “Nar”-dan “Samsung Galaxy Note 9” qazanan abunəçi məlum oldu

08.12.2018 - Qurban Qurbanov millidən getdi

06.12.2018 - Ukraynadakı səfirliyimiz Azərbaycan maraqlarının yorulmaz müdafiəçisi rolunda

06.12.2018 - Avropa İnsan Hüquqları Məhkəməsindən Seymur Həzi ilə bağlı qərar - Hökumət 14500 avro cərimələndi

06.12.2018 - Tramp Qafqazda hücuma keçəcək, hədəfdə Ermənistandır...

06.12.2018 - Eks-nazir qardaşından şok addım - Girov saxlayıb, hədə-qorxu ilə 140 min alıb

06.12.2018 - Əhməd Əhmədzadənin “EVRASCON”-la müdhiş işbirliyi - İTTİHAM

06.12.2018 - Azərbaycanda “qızıl medallı şagird” burulğanı: söhbət əslində nədən gedir

06.12.2018 - Hüseyn Bağırov babası Mircəfər Bağırovun Müşfiqi öldürməsidən danışdı

06.12.2018 - Nazirlər razılaşdılar, amma nəticə yoxdur - 3 saatlıq Milan görüşü

05.12.2018 - "Samir Şərifov nə demək istədiyini..." - İqtisadçı alimdən maliyyə nazirinə cavab

05.12.2018 - Əli Həsənov: "Məmurun ana dilini bilməməsi onun qəbahətidir"

Facebook