Masallıda müəllim üsyanı: "Niyə pul verməliyik ki..."

28 avqust 2015
Masallıda müəllim üsyanı: "Niyə pul verməliyik ki...""Yayda bizdən iki dəfə 50 manatdan pul yığılıb. Bir dəfə pulu Bakıdan gələn komissiya üçün yığdılar. Sonra yenə də direktorları çağırıb dedilər ki, 50 manatdan pul yığın. Hətta bəzi müəllimlərdən dərs saatına görə 100 manat aldılar. Təhsil şöbəsinin müdiri Astan İbişov deyir ki, pulu Təhsil Nazirliyinə göndərir. İndi yeni dərs ili gəlir deyə bizə dərs saatlarını satırlar. Şöbə müdiri direktorlara yenə də müəllimlərdən 50 manatdan yığmağı tapşırıb".

Bunu Arqument.Az-a Masallı rayonundan bir qrup müəllim deyib.

Onlar bildiriblər ki, təhsil şöbəsinin müdiri Astan İbişovun bu tapşırığı ilə bağlı Təhsil Nazirliyinə və Prezident Adminstrasiyasına şikayət edəcəklər. Müəllimlər bildiriblər ki, Təhsil Nazirliyinə sorğu göndərməyi planlaşdırırlar. Onlar bu pulların doğrudan da, Təhsil Nazirliyidən istənildiyini və kimin istədiyini dəqiqləşdirməyə çalışırlar: "Biz bilmək istəyirik ki, bu pulu kim yığır. Niyə biz pul veməliyik? Bizə dərs saatlarını satırlar. Deyirlər, kim pul verməsə, ona dərs saatı az veriləcək. Astan İbişov da deyir ki, gedib kimə və hara şikayət edirsinizsə, edin".

Qeyd edək ki, bir müddət öncə Masallı rayonunda müəllimlərdən 50 manatdan pul yığıldığı barədə məlumat vermişdik.

Müəllimlərin Arqument.Az-a verdiyi məlumatda bildirilirdi ki, Təhsil Nazirliyi rayona komissiya göndərib və həmin komissiya rayonun bir neçə məktəbində yoxlama aparıb.

Bundan sonra isə rayon təhsil şöbəsinin müdiri Astan İbişov direktorları çağıraraq tapşırıb verib.

Onun hər məktəbdən komissiyanı yola salmaq üçün 1600 manat pul tələb etdiyi iddia olunurdu.

Müəllimlər bildirmişdilər ki, pulu şagirdlərin sayına görə alırlar. Məbləğ isə 1600-1800 manat civarındadır. Həmin ərəfədə nə Təhsil Nazirliyi, nə də təhsil şöbəsi sorğumuza cavab verdi.

Məsələ ilə bağlı Masallı rayon Təhsil Şöbəsi heç bir açıqlama vermədi.

Mövzunu diqqətdə saxlayacağıq.
Xəbəriniz olsun

20.11.2018 - Millinin ölüm-qalım mübarizəsi – 90 dəqiqəlik savaş

20.11.2018 - Gənc oğlan toy günü özünü asdı: - “Atasının bu sözlərindən sonra...”

20.11.2018 - "Azərbaycan banklara olan 5 minə qədər borcları silinməlidir" - Qubad İbadoğlu hökumətə səsləndi

20.11.2018 - Gəncədəki partlayışda ölənlərin sayı 3-ə çatdı: Kəmaləddin Heydərov hadisə yerinə getdi

19.11.2018 - “Veysəloğlu” şirkətinə kiflənmiş “Ozmo” ittihamı – Foto

19.11.2018 - Səudiyyəyə gedən prezident yoxa çıxıb: 1 aydır xəbər yoxdur…

19.11.2018 - Zakir Fərəcov Mehriban xanıma verilən vədə əməl etmir- Qarabağ əlillərinə basqı+VİDEO

19.11.2018 - MTN generalı Ülvi Quliyevin deputatlıq yolunu bağladı – Sirr

19.11.2018 - Əli Kərimli sərbəst buraxıldı: 2500 manat cərimələndi

18.11.2018 - “WhatsApp” messencerində “itən mesaj”lar dövrü gəlir

18.11.2018 - Türkiyə hərbçiləri İraqın şimalında terrorçuları məhv etdilər

18.11.2018 - İcra başçısına 70 min rüşvət verən şəxs danışdı: "İsmayıl Vəliyevin imzası ilə..."

18.11.2018 - "Əli Kərimli və AXCP üzvlərinin işi məhkəməyə göndəriləcək" - Paytaxt polisi rəsmi məlumat yaydı

Facebook