Keçmiş deputat metal oliqarxının qulağını kəsməyə çağırdı, araşdırma başladıldı

02 sentyabr 2015
Keçmiş deputat metal oliqarxının qulağını kəsməyə çağırdı, araşdırma başladıldıBaş Prokurorluq keçmiş deputat Nazim Məmmədov tərəfindən metal oliqarxı, “Baku Steel Company” şirkətinin sahibi Rasim Məmmədovun qulağını kəsməyə dair sosial şəbəkələrdə etdiyi çağırışa dair araşdırma aparılması üçün tapşırıq verib.

Bu barədə Baş Prokurorluqdan virtualaz.org saytına daxil olmuş rəsmi məlumatda deyilir.

“Kütləvi informasiya vasitələrində dərc olunmuş məqalələrdə sabiq deputat Nazim Məmmədovun “Baku Steel Company” şirkətinin rəhbəri Rasim Məmmədovu inhisarçılıqda ittiham edərək sosial şəbəkələrdə özünə aid olması ehtimal edilən səhifədə sonuncuya xəsarətlər yetirilməsi ilə bağlı çağırışlar etməsi xüsusatları üzrə cinayət-prosessual qanunvericiliyin tələblərinə uyğun olaraq müvafiq araşdırmaların aparılması üçün Baş Prokurorluğun rəhbərliyi tərəfindən Bakı Şəhər Prokurorluğuna tapşırıqlar verilib”- deyə məlumatda bildirilir.

Xatırladaq ki, Nazim Məmmədov bu günlərdə özünün facebook səhifəsində Rasim Məmmədovun və onun “qoçu dəstəsinin” qulağının kəsiləcəyini gözlədiyini yayıb, onu inhisarçılıqda ittiham edib.

Nazim Məmmədov bundan əvvəl metal biznesi ilə məşğul olub, ona məxsus “Ataxan Dəmir Sənaye” MMC 2012-ci ildə fəaliyyətini dayandırıb. Keçmiş deputat müəssisənin fəaliyyətini dayandırmasına görə Rasim Məmmədovu ittiham edir. Bildirir ki, onun sexinə reyder hücumu olub.

Rasim Məmmədov isə virtualaz.org və haqqin.az saytlarına verdiyi müsahibədə keçmiş deputatın sexində kustar üsulla və heç bir standarta cavab verməyən məhsulun istehsal edildiyini demişdi.
Xəbəriniz olsun

11.12.2018 - Putinə sui-qəsd, Trampın xəstələnməsi, dəhşətli sunami... - Vanqanın 2019-cu il PROQNOZLARI

11.12.2018 - Qurban Qurbanovdan çoxunu təəccübləndirən addım - AFFA-nın pulundan imtina etdi

11.12.2018 - Keçmiş şöbə müdiri od püskürdü: “Sabirabadın başçısı mənə təsir etdirib təkzib yazdırdı, TŞ müdiri isə...”

11.12.2018 - Azərbaycanda rektorlar 5 il müddətinə təyin ediləcək

11.12.2018 - Bakıda direktor arvadını 5-ci mərtəbədən ataraq öldürüb - Təfərrüat + FOTO

08.12.2018 - HACIYEV NİYƏ ŞƏRİFOVLA ÜZLƏŞMƏK İSTƏYİR? – Məşhur vəkil 3,3 milyardlıq borcu açdı + FOTO

08.12.2018 - “Nar”-dan “Samsung Galaxy Note 9” qazanan abunəçi məlum oldu

08.12.2018 - Qurban Qurbanov millidən getdi

06.12.2018 - Ukraynadakı səfirliyimiz Azərbaycan maraqlarının yorulmaz müdafiəçisi rolunda

06.12.2018 - Avropa İnsan Hüquqları Məhkəməsindən Seymur Həzi ilə bağlı qərar - Hökumət 14500 avro cərimələndi

06.12.2018 - Tramp Qafqazda hücuma keçəcək, hədəfdə Ermənistandır...

06.12.2018 - Eks-nazir qardaşından şok addım - Girov saxlayıb, hədə-qorxu ilə 140 min alıb

06.12.2018 - Əhməd Əhmədzadənin “EVRASCON”-la müdhiş işbirliyi - İTTİHAM

Facebook