Qurban Qurbanov “Qarabağ” – “Anderlext” oyunundan danışdı

01 oktyabr 2015
Qurban Qurbanov “Qarabağ” – “Anderlext” oyunundan danışdı Çoxdandır azarkeşlərimiz qarşısında belə oyun keçirmək istəyirdik. Çox sürətli komandaya qarşı oynayacağıq. “Anderlext”də ustalıq səviyyəsi yüksək olan futbolçular çıxış edirlər. Buna görə də bu komandadan digər klublara səviyyəli futbolçular transfer olunur.

AZzərTac xəbər verir ki, bu sözləri UEFA Avropa Liqası yarışlarının qrup mərhələsi çərçivəsində Belçikanın “Anderlext” komandasını qəbul edəcək Ağdamın “Qarabağ” klubunun baş məşqçisi Qurban Qurbanov deyib.

Baş məşqçi bildirib ki, çox diqqətli olmalıyıq. Futbolçularımızın hər biri məsuliyyəti dərk edir. Sürətli olmasaq, bu komanda ilə başa-baş mübarizə apara bilmərik. Məncə, azarkeşlər sabah çox maraqlı oyunun şahidi olacaqlar.

“Sabah avrokuboklarda yubiley – 50-ci oyununuza çıxacaqsınız. Buna görə futbolçulara əlavə motivasiya vermisinizmi?” sualına cavab olaraq mütəxəssis deyib: “Oyunların sayının önəmi yoxdur. Biz bütün görüşlərdə, əsasən də Bakıda yaxşı nəticə əldə etmək istəyirik. İnanıram ki, futbolçularımız istəkli oynayıb, əllərindən gələni edəcəklər. Sabah bizə psixoloji hazırlıq da çox lazım olacaq. İstərdim ki, oyunu qələbə ilə başa vuraq. Amma rəqibin də gücünü dəyərləndirməliyik”.

Qurban Qurbanov bildirib: Komandaya psixoloq lazım deyil. Özüm onlarla lazımi qaydada danışıram. Nəticəyə gəldikdə isə buna normal baxıram. “Tottenhem”lə oyunda bir qol vurduqdan sonra üçünü buraxdıq, “Mançester Siti” isə dördünü. Bunlar futbolda normal haldır. Sabahkı oyunda da heç bir psixoloji gərginlik olmayacaq. Futbolçularıma inanıram”.

Baş məşqçi vurğulayıb ki, bizdə nadir hallarda iki hücumçu olur. Ancaq bəzən 3-4 hücumameyilli futbolçu ilə oynayırıq. Ola bilər ki, sabah hücumda altı hücumameyilli futbolçu ilə çıxış etdik. Dəfələrlə bildirmişəm ki, hücum edə-edə müdafiə olunmalıyıq. Rəqibə hücum qurmağa imkan verməməliyik.

“Qarabağ” – “Anderlext” oyunu oktyabrın 1-də Tofiq Bəhramov adına Respublika Stadionunda keçiriləcək.
Xəbəriniz olsun

25.04.2018 - Ermənistanda inqilab: Putin nəhayət işə qarışdı

25.04.2018 - “TƏYİN OLUNACAĞINA QƏTİ ŞÜBHƏSİ YOX İDİ…” – Səlim Müslümov “qara xəbəri” yolda alıb!

25.04.2018 - Yeni nazirdən 5 TƏYİNAT - Heydər Əsədovun kadrları işdən çıxarıldı

25.04.2018 - “Nar” Ümumdünya kitab günündə uşaqları hədiyyələrlə təbrik etdi

25.04.2018 - “Əmlak kralı”nın taleyi necə olacaq? — Qohumluq əlaqələri işə yaramadı

25.04.2018 - Avropaya sığınmış daha bir müxalifətçi tutuldu

25.04.2018 - Hüseyn Abdullayevin həbsi ilə bağlı ŞOK DETALLAR

24.04.2018 - Deputat Rafael Cəbrayılovla bağlı ilginc faktlar - Notarius təsdiqli dələduzluq?

24.04.2018 - “Əbülfəz Elçibəy-80” təşkilatı ölkə rəhbərlliyinə müraciət etdi, mitinq qərarı verdi - Toplantı

24.04.2018 - Heydər Əsədov "Ziya Məmmədova görə işdən çıxarılmısız" sualından belə yayındı – Açıqlama

24.04.2018 - MSK üzvləri mükafatlandırılır

24.04.2018 - Vüsal Novruzov üçün "əcəl zəngi": Səfər Mehdiyevin qisası uzun sürməyəcək

24.04.2018 - Nazir nəvəsi Bakıda yaşayış binasının 2-ci mərtəbəsində restoran açdı + VİDEO

Facebook