İlhamənin yalanı aşkarlandı, müğənni polisi hədələdi

17 oktyabr 2015
İlhamənin yalanı aşkarlandı, müğənni polisi hədələdiMəlum olduğu kimi, bu günlərdə müğənni İlhamə Quliyeva mətbuata verdiyi açıqlamasında işdən qovduğu köməkçisi Mehriban Bəylər qızı Hüseynovanın dələduzluğu barədə Bakı Şəhər Baş Polis İdarəsinə rəsmi surətdə müraciət etdiyini, olayla bağlı fakt və dəlilləri təqdim etdiyini, lakin polis əməkdaşlarının məsələyə biganə yanaşdığını bildirmişdi.

"Savaş" bildirir ki, Bakı Şəhəri Baş Polis İdarəsinin mətbuat xidmətinin rəhbəri Qalib Abbas olayla bağlı musavat.com-a açıqlama verərək, müğənninin dediklərini təkzib edib:

"Bakı Şəhər Baş Polsi İdarəsində nəinki İlhamə Quliyevanın, ümumiyyətlə, hər hansı bir xalq artistinin şikayət ərizəsi yoxdur. Tam əminliklə deyə bilərəm ki, İdarənin Təhqiqat Şöbəsinə belə bir ərizə daxil olmayıb".

Bu rəsmi açıqlama ilə əlaqədar müğənni ilə əlaqə saxladıq. İlhamə Quliyeva açıqlamasında Bakı Şəhər Baş Polis İdarəsinin əməkdaşlarını hədələyib:

"Mənim bütün sənədlərim, o cümlədən də səs yazıları, saxta vəsiyyətnamə idarədədir. Yəqin onlar mənim şikayətimi qeydə almayıblar. Bu, onlara böyük zərər vuracaq. Çünki Ramil Usubov da məsələdən agahdır, bilir hər şeyi... Hər yerə teleqram göndərmişəm. Bir sözlə, hamı xəbərdardır, hamı ayaq üstədir".

Müğənni yaranmış qalmaqalla bağlı oktyabrın 17-də Beynəlxalq Mətbuat Mərkəzində (BMM) geniş mətbuat konfransı keçirəcəyini də dedi:

"Bütün jurnalistləri dəvət edirəm, gəlib hər şeyi orada aşkar edin".

Qeyd edək ki, müğənni ölkə.az-a verdiyi müsahibəsində bildirmişdi ki, uzun illər yanında çalışan köməkçisi Mehriban Hüseynova onun adından saxta vəsiyyətnamə yazaraq, imza atdırıb, damarına zəhərli iynələr vurmaqla və psixotrop dərmanlar verməklə onu öldürmək istəyib:

"O, evimi, əmlakımı, hər şeyimi öz əlinə keçirmək istəyən bir vəsiyyətnamə ilə tutulub. Mehriban məni zəhərləmək, damarıma zəhərli iynə vurdurmaq, huşumu dağıtmaq üçün psixotrop dərmanlar sifariş verib. Həmçinin evimdən külli-miqdarda ziynət əşyalarını oğurlayıb. Evimdə cürbəcür xoşagəlməz, biabırçı düyünlər, fal zir-zibilləri var. Guya bu karta baxandır. Bizdə onun səs yazmaları var. O səs yazmalarında məni öldürmək üçün dərmanlar istəyir. Evimdən də xeyli zəhərli dərmanlar tapılıb və polisə təhvil verilib. Dəfələrlə polis əməkdaşları gəlib, məndən izahat alıblar. Bildirdilər ki, guya onu həbs edib, Kürdəxanı həbsxanasına göndəriblər..."

Xatırladaq ki, bu yaxınlarda müğənni İlhamə Quliyeva Moskva Dövlət Universitetinin hüquq fakültəsində təhsil aldığını desə də, adıçəkilən universitetdən bildirilmişdi ki, nə əyani də qiyabi şöbədə İlhamə Quliyeva adlı tələbə təhsil almır.

Müğənni isə bu təkzib açıqlamasından sonra musavat.com-a MDU-nun tələbəsi olması ilə bağlı yalan danışdığını etiraf etmişdi.
Xəbəriniz olsun

15.08.2018 - “Mütəllibov pulları zirzəmidə saxlayırdı” – Araz Əlizadədən manat açıqlaması

15.08.2018 - "Rəis dedi ki, şərait yarat, Fədayə Etibarla görüşsün"- Həbsxana qaçışında yeni faktlar

15.08.2018 - İcra başçısının müavini idarə rəhbərlərindən qoyun istədi: çəkisi 15 kq-dan az olmasın - FOTOFAKT

15.08.2018 - “Azercell”də gün - gündən yeniləşən maxinasiya və ya qəpiklərin üstündə qurulan səltənət

15.08.2018 - İntihar anonsu verən tanınmış jurnalist xəstəxanaya yerləşdirildi

15.08.2018 - Qurban Qurbanov: “Komandamdan razıyam”

14.08.2018 - İranda pulun üzərinə Azərbaycan haqda görün nə yazıldı...

14.08.2018 - Hakimiyyətin media kapitanları arasında savaş başladı: APA agentliyi niyə bağlandı?!

14.08.2018 - Ərdoğandan ABŞ-a BOYKOT HƏMLƏSİ: "Onların “Ayfon”u varsa, bizim də..."

13.08.2018 - "“Qarabağ”ın ilk dəqiqələrdən yüksək templə çıxış edəcəyini gözləyirik” - BATE-nin Baş məşqçisi

13.08.2018 - “Nar” müştəri loyallığı indeksinə görə liderdir

13.08.2018 - Türkiyənin ABŞ-a 2,8 trilyon dollarlıq cavabı

13.08.2018 - Müğənni Manaf Ağayevin intihar fikrindən daşındırdığı əlilə 4 otaqlı ev verildi

Facebook