“Eldar Mahmudovu ittiham etmək mümkündür, amma…”

16 noyabr 2015
“Eldar Mahmudovu ittiham etmək mümkündür, amma…”Sabiq milli təhlükəsizlik naziri Eldar Mahmudov sıradan bir şəxs deyil, yəni, o, önəmli bir strukturun başçısı olub.

Bu mənada o, həm də dövlətin təhlükəsizlik həyatına bağlı çoxlu informasiyaların daşıyıcısıdır və yəqin ki, “özünəməxsus sığorta tədbirləri”ni də zaman-zaman həyata keçirib.
Bunu Milli Məclisin (MM) deputatı Zahid Oruc sabiq milli təhlükəsizlik naziri Eldar Mahmudovun “komandası” adlandıralan və o “komandaya” aid edilən yüksək çinli bir sıra şəxslərin həbsinin fonunda onun niyə indiyə həbs olunmaması məsələsinə aydınlıq gətirərkən bildirib.

“O biri yandan, bu gün açıq-aşkar görünən budur ki, Eldar Mahmudovu Konstitusiyanın, qanunvericiliyin onlarla maddəsi ilə ittiham etmək mümkündür, amma faktiki olaraq ən mühüm məsələlərdən biri həm də korrupsiya yolu ilə əldə olunmuş küllü-miqdarda vəsaitlərdir, burada dövlət büdcəsi əleyhinə keçirilmiş işlər yetərincədir, xüsusilə, Beynəlxalq Bankla harmonik qaydada, birgə həyata keçirilmiş talama əməliyyatlarıdır.

Bu, o, deməkdir ki, məsələ təkcə cəzalandırmada deyil” - deyən millət vəkilinin iddiasına görə, dövlətin ən başlıca funksiyalarından biri də həmin vəsaitlərin geri qaytarılmasının təmin olunmasıdır.

“Ona görə bizlər əsasən malik olduğumuz informasiya kütləsindən çıxış edirik, lakin ümidvaram ki, dövlətin-hakimiyyətin yuxarısında-zirvəsində olan insanlar bütün bu məsələləri çox ehtiyatla düşünürlər və ən düzgün qərarı da verməkdədirlər. Hazırki şərait bir çoxlarını səhf-nəzərlərə sala bilər, amma faktiki olaraq onun bütün hərəkət fəaliyyəti ciddi nəzarət alındadır. Mənim aləmimdə də ev dustaqlığı hansısa bir islah-əmək düşərgəsindən daha böyük cəza yeridir. Lakin iddia etdiyiniz kimi, bu məsələnin sırf hüquqi müstəviyə, mühakiməyə qaldırılması, məsələyə müəyyən tələblər çərçivəsində yanaşılması və cəza verilməsi məsələləri bunlar hamısı dövlətin digər qurumlarının səlahiyyətindədir.
Bizimsə parlament, millət vəkili olaraq başlıca məqsədimiz bu məsələlərdə dövlətin təhlükəsizliyi əleyhinə vurulmuş zərbələri görərək, qiymətləndirərək, onları mühakimə edərək, lakin irəliyə baxmağı bacarmaqdır.

Cəmiyyət hər gün yeni bir həbsin dalğasında-fonunda ekstaza gəlməli deyil. Çünki ortada hansısa bir səhiyyə təmsilçisinin, ağxalatlı bir həkimin deyil, ölkənin təhlükəsizlik sferasına bağlı olan və kifayət qədər informasiya kütləsi daşıyan insanların mühakiməsidir. Odur ki, o sferada fəaliyyət göstərən insanları nəzərə alıb, peşəkarları qoruyaraq, MTN-nin Azərbaycanın təhlükəsizliyi adına müqəddəs işi həyata keçirdiyini dərk edərək irəli baxmağı da bacarmalıyıq”, - Z.Oruc daha sonra sözlərinə əlavə edib.(Gün.Az)
Xəbəriniz olsun

20.09.2018 - 20 manatlıq yağ oğurlamış şəxsi döyən mağaza işçiləri tutuldu

20.09.2018 - Füzuli RİHB Alı Alıyev növbəti səyyar qəbul keçirib

20.09.2018 - Bu gün “Qarabağ” Avropa Liqasının qrup turnirində ilk oyununu keçirəcək

20.09.2018 - İlyas İsmayılov oğlunun qətli barədə: “Borcu var idi”

20.09.2018 - Sumqayıt MERO-da "asan xidmət": Avtomobili görmədən "texsmotr"dan keçirirlər - ŞOK VİDEO

20.09.2018 - Deputat Əsabil Qasımov iş adamına milyonlarla ziyan vurub – ŞİKAYƏTÇİ – ŞOK İTTİHAMLAR

20.09.2018 - Azərbaycanda ilk: Bankın qarşısına mitinq təyin olundu - TƏFƏRRÜAT

20.09.2018 - “Nar”-ın Bilik Günü müsabiqəsində iştirak edənlər hədiyyələr qazandı

20.09.2018 - İlyas İsmayılovun oğlu Türkiyədə qətlə yetirildi - ŞOK

19.09.2018 - Gömrük Komitəsində rüşvət qalmaqalı - İnspektor işdən çıxarıldı, yoxlama başladı

19.09.2018 - "Pulum olmayanda "Qoca"dan istəyirdim..." - Fədayə Laçın və 12 nəfərin məhkəməsi davam edir

19.09.2018 - Putin Rusiya təyyarəsinin vurulmasının səbəbini açıqladı

19.09.2018 - İki Koreya arasında tarixi razılaşma

Facebook