Müxalifətin hakimiyyətlə şənbə bazarlığı: Dialoq yoxsa, tərəflərin “yoldaşlıq görüşü”...

13 dekabr 2014
Müxalifətin hakimiyyətlə şənbə bazarlığı: Dialoq yoxsa, tərəflərin “yoldaşlıq görüşü”...Əslində nəyin və niyə baş verdiyi o qədər aydındı ki, hətta hansısa izahat və şərh olmadan belə sayıq oxucu prosesdən xəbərdardı. Bununla belə, Savash.org olaraq şənbə günü reallaşan və adına “iqtidar-müxalifət dialoqu” verilmiş olayla bağlı bəzi qeydlər etmək qərarına gəldik. Beləliklə...

Görüşdə müxalifət adından kimlər iştirak etdi?
Beynəlxalq Mətbuat Mərkəzində reallaşan görüşdə iqtidar düşərgəsini Azərbaycan Prezident Administrasiyasının İctimai-siyasi məsələlər şöbəsinin müdiri Əli Həsənov, şöbənin müdir müavini Tahir Süleymanov, şöbənin sektor müdiri Elman Paşayev təmsil edib.
Müxalifət düşərgəsində isə tədbirə ADP sədri Sərdar Cəlaloğlu, Liberal Demokrat Partiyasının sədri Fuad Əliyev, Klassik Xalq Cəbhəsi Partiyasının sədri Mirmahmud Mirəlioğlu, Böyük Quruluş Partiyasının sədri Fazil Mustafa, Xalq Partiyasının sədri Pənah Hüseyn, Böyük Azərbaycan Partiyasının sədri Elşad Musayev, Ümid Partiyasının sədri İqbal Ağazadə, Vəhdət Partiyasının sədri Tahir Kərimli, Azadlıq Partiyasının sədri Əhməd Oruc, Azərbaycan Milli İstiqlal Partiyasının sədri Yusif Bağırzadə, Vətəndaş Həmrəyliyi Partiyasının sədri Sabir Rüstəmxanlı və Milli Dirçəliş Hərəkatı Partiyasının sədri Fərəc Quliyev qatılıb.
Amma siyahıdan da göründüyü ki, bir neçə partiyanı çıxmaq şərtilə yerdə qalanlar yalnız sədrlərindən ibarət olan siyasi qurumlardı. Belə olan halda ortaya haqlı olaraq belə bir sual çıxır...

AXCP və Müsavat olmadan dialoq mümkündürmü?
Verilən məlumatlara görə, Müsavat Partiyası əvvəldən axıradək bu görüşün keçirilməsi ilə bağlı müzakirələrdə iştirak edib. Amma son anda tədbirə qatılmaqdan imtina edən Müsavatın bu addımı özünüqoruma instinkti altında atdığını güman etmək çətin deyil. Son zamanlar adı onsuz da hakimiyyətə meyllənməkdə hallandırılan Müsavat partiyası AXCP-nin qatılmadığı formatdan kənarda qalmaqla növbəti ittihamlar dalğasından qurtulmağı düşünüb. AXCP-nin tədbirdə iştirak etməməsinə gəlincə isə burada məsələ aydındır. Nə AXCP bu tədbirdə iştirak edəsi deyildi, nə də hakimiyyət onlarla eyni masa arxasında əyləşmək istəyirdi. Hakimiyyət müxalifətin o təmsilçiləri ilə görüşdü ki, onlarla bu və ya digər şəkildə onsuz da əlaqəli idi, təmasları vardı. Bir məqamı da xüsusi vurğulamaq lazımdır ki, zatən iqtidarın dialoq apardığı müxalifət partiyaları ilə ciddi problemləri də yoxdu son zamanlar. Əgər söhbət iqtidar-müxalifət dialoqundan gedirdisə burada Müsavat və AXCP-nin iştirakı prioritet olmalı idi. Amma göründüyü kimi, hakimiyyət növbəti dəfə bu 2 partiya ilə bir masa arxasında oturmaq istəmədi, odur ki, tərəflərin şənbə görüşünün “iqtidar-müxalifət dioloqu” adlandırılması sadəcə təbəssüm yarada bilər. Hesab edirik ki, görüşün təşkilatçıları “dialoq görüntüsü” yaratmağa çalışsalar da əslində cəmiyyətə və beynəlxalq birliyə başqa mesaj çatdırmaq istəyirdilər....

Parlament seçkilərinin konturları cızıldı...
Düşünürük ki, PA-nın şöbə müdiri Əli Həsənovun rəhbərlik etdiyi iqtidar təmsilçiləri ilə müxalifət partiyaları arasındakı görüş orada müzakirə edilən məsələlər baxımdan maraqlı deyil. İndi görüşdən sonra hamısı açıqlama verə bilər ki, “filan məsələni qaldırdıq”, “həbslərə etiraz etdik”, “söz və demokratiyaz azadlığının problemlərini qabartdıq” – bunlar üzdə görünən tərəflərdi. Həmin açıqlamanı verən hörmətli müxalifət təmsilçilərinin özləri hər halda bu sətirlərinin müəllifindən yaxşı bilirlər ki, bu ölkədə problemləri onların rəy və təklifləri ilə həll etmirlər. Kim nə danışıbsa elə orda da qalıb-vəssalam!
Bu görüşün Azərbaycanın perspektiv daxili siyasəti baxımından əhəmiyyəti isə 2015-ci ilin parlament seçkiləri ilə bağlı ola bilər. Hakimiyyət, müxalifət kimi hansı qüvvələri tanıdığını növbəti dəfə nümayiş etdirdi və şənbə görüşünü hakimiyyətin parlament seçkiləri ilə bağlı “ilk yoldaşlıq görüşü” də adlandırmaq olar. Bu o demək deyil ki, həmin görüşdə yer alan bütün qüvvələr növbəti parlamentdə təmsil olunacaq-əsla. Bu o demək idi ki, həmin görüşdə olmayanlar növbəti parlamentdə də olmayacaq. Düzdür, Müsavatla bağlı hakimiyyətin hansısa tərəddüdləri ola bilər, amma xüsusi ehtiyac olmadan Müsavatın da “oyundan kənar vəziyyədə” qalacağı mümkün variantlardandır.
Zülfüqar SAVAŞ
Xəbəriniz olsun

15.11.2018 - Masallının təhsil "şefi" haqda şok dosye nazirə təqdim olundu: "Əvvəl qapıçı işləyib, indi isə..."

15.11.2018 - Farerin millimizlə oyun üçün start heyəti - 3 hücumçu

15.11.2018 - Xaşoginin nişanlısı: Qətlin iştirakçısı, yoxsa "Müsəlman qardaşları"nın üzvü?

15.11.2018 - "İndi mən camaatın arasına necə çıxım?" - Deputatdan etiraz

15.11.2018 - Eldar Əzizov Bakı meri oldu - Sərəncam

15.11.2018 - Azərbaycanda nazir xalası qızını Qocalar Evinə yerləşdirdi - FOTO

15.11.2018 - Deputatlardan AzTV və İTV-yə ittiham: "Bizi elə qələmə verirlər ki..."

15.11.2018 - Tramp məmuru Ağ Evdən qovdu

15.11.2018 - Qarabağ əlili: “Böyrəyimi satıb, “Bank of Baku”ya borcu verməliyəm…”

15.11.2018 - Bakıda qətl: Qadın kirayədə qaldığı evdə öldürüldü

15.11.2018 - Əli Həsənovla bağlı şok iddia: milyard manat mənimsəyib - "Qaçqınkom" müdhiş maxinasiyanın üstü açılıb

13.11.2018 - Azərbaycana yadplanetlilərin gəmisi enib? - Foto

13.11.2018 - “Azərbaycanda əməkhaqları çox aşağıdır” - Komitə sədrindən gözlənilməz açıqlama

Facebook