Ziya Məmmədovun oğlu Londonda bahalı ev aldı: Qazaxıstan prezidenti ilə qonşudur - ŞOK

30 yanvar 2016
Ziya Məmmədovun oğlu Londonda bahalı ev aldı: Qazaxıstan prezidenti ilə qonşudur - ŞOKAnar Məmmədovun Londonda dəyəri milyonlarla dollar olan mənzil aldığı deyilir

Tanınmış hüquqşünas Aslan İsmayılov feysbuk səhifəsində nəqliyyat naziri Ziya Məmmədovun oğlu Anar Məmmədovun Londonda bahalı mülk aldığı haqda məlumat paylaşıb. Hüquqşünas yazır ki, Londonun mərkəzində tikilmiş çox bahalı One Hyde Park yaşayış kompleksində mənzil sahiblərindən biri də Anar Məmmədovdur.

Təxminən 1.7 milyard dollara başa gələn dünyaca məhşur dəbdəbəli kompleksdə isə mənzillərin kvadrat metri 100 min dollardan başlayır. Kompleksdə ən ucuz mənzilin dəyəri 29 milyon dollardır.

“Mənzil sahibləri arasında Ukraynanın ən varlı adamı sayılan Rinat Axmetov, Qazaxıstanın prezidenti Nursultan Nazarbayev, ərəb şeyxləri və tanınmış iş adamlarının adlarına rast gəlmək olar. Sahiblər arasında diqqətimi çəkən isə Azərbaycan büdcəsini dədə malı kimi talayan Ziya Məmmədovun oliqarx oğlu Anar Məmmədov oldu. Onun adı görkəmli sahiblər arasında xüsusi yer tutur” – deyə A.İsmayılov qeyd edir.

Məlumatda Anar Məmmədovun 1.7 milyardlıq binadan neçə kv.metr mənzil aldığı və bunun üçün nə qədər vəsit xərclədiyi qeyd olunmur. Lakin kompleks haqda bilgilər göstərir ki, hüquqşünasın məlumatı doğrudursa, Ziya Məmmədovun oğlu səhərlərini dünyanın ən məşhur və bahalı məkanında açmaq üçün onlarla milyon dollar ödəyib.

Məlumatı paylaşan hüquqşünas araşdırmaq imkanında olan jurnalistlərə çağırış edib ki, A.Məmmədovun o mənzili hansı leqal gəlirlər hesabına aldığını araşdırsınlar.

“Yəni ölkəyə gələn milyardlarla pulu mənimsədikdən sonra vətəndaşlarımızı borc burulğanına salan hakimiyyət nümayəndələrinin bundan xəbəri yoxdur?! Nə üçün Azərbaycan vətəndaşları ziyaların, anarların oğurladıqları pulların bədəlini ödəməlidir və bu azmış kimi hələ gələcək nəsillər indi götürüləcək kreditlərə cavabdeh olmalıdırlar?!” – deyə hüquqşünas sonda hakimiyyət orqanlarına ritorik suallar ünvanlayıb.

Məlumatla bağlı biz də əlavə araşdırmalar aparmağa çalışacağıq. Eyni zamanda Anar Məmmədov bununla bağlı açıqlama verər və məsələyə aydınlıq gətirərsə, onu da dərc etməyə hazırıq.
Xəbəriniz olsun

11.10.2018 - Rusiya Avropa Şurasından çıxarıla bilər - Xəbərdarlıq

11.10.2018 - SSRİ-nin 5 qəpiyinin sahibi milyoner ola bilər: Diqqətlə baxın...

11.10.2018 - Paşinyan istefa verəcəyi günü açıqladı

11.10.2018 - “Korrupsiya dalğaları” Rauf Vəliyevin gəmilərini silkələyir - İTTİHAM

11.10.2018 - Taleh Qaraşovun Lənkərandakı idarəçiliyinə etiraz: "Rəzilliyin ünvanı..."

11.10.2018 - Zamirənin Londonda müsadirə edilən mülkləri, qolf klubu, özəl təyyarəsi... - FOTOLAR, İLK DƏFƏ

10.10.2018 - DİN Bakıda uşaqların "orqan mafiyası" tərəfindən "qaçırılması" iddiaları haqda

10.10.2018 - Kənan Məmmədov prezidentin siyasətinə qarşı: Bakı gömrüyü rəisinin “karandaş əməliyyatı”

10.10.2018 - “Nar”la bağlı suallara cavab ver və 250 danışıq dəqiqəsi qazan

10.10.2018 - İlham Əliyev: Tütün bitməyən ölkələr bizə siqaret ixrac edirlər, bu, dözülməzdir...

10.10.2018 - Serj Sarkisyan geri çəkildi, Paşinyan seçkiyə gedir

10.10.2018 - Rasim Məmmədov özünə zirehli maşın aldı - 1 milyon dollara (FOTO)

10.10.2018 - Bakı məktəbində 6-cı sinif şagirdi qaz balonu tətbiq etdi, 8 şagird xəstəxanaya aparıldı

Facebook