Baş redaktor avtomobilini generalın qardaşı oğluna bağışladı

01 fevral 2016
Baş redaktor avtomobilini generalın qardaşı oğluna bağışladıFikrət Fəraməzoğlu: «Bir həftə sonra maşını kreditdən çıxarıb, onu Aqil Zeynalovun adına keçirəcəm»

JAM.AZ-ın baş redaktoru bu gün sahibi olduğu avtomobilini Baş Dövlət Yol Polisi İdarəsinin rəisi, general Ramiz Zeynalovun qardaşı oğluna bağışlamağı qərarına gəlib. Bu barədə baş redaktor özü açıqlama verib.

Fəraməzoğlunun belə bir addım atmasına səbəb avtomobilinin mütəmadi olaraq evekuatorla şəhərin müxtəlif yerlərindən cərimə medançalarına aparılmasıdır. Bu gün növbəti dəfə analoji hadisə baş verdikdən sonra JAM.AZ-ın rəhbəri qərara alıb ki, daha avtomobilini cərimə meydançasından çıxarmasın və onu elə evekuator xidmətini həyata keçirən «Evekuasiya.az» şirkətinin rəhbəri Aqil Zeynalova bağışlasın. «Avtomobilimi park edilmək üçün nəzərdə tutulmuş yerlərdə saxladığım halda belə onu cərimə meydançasına aparırlar. Bu gün Səməd Vurğun bağının yaxınlığında nəzərdə tutulmuş yerdə saxlamışdım. 15 dəqiqə sonra gəldikdə avtomobilimi yerində görmədim. Məlum oldu ki, onu evekuator vasitəsi ilə Cavanşir körpüsünün yaxınlığında yerləşən cərimə meydançasına aparıblar. Ora getdim, polis kapitanı üzümə belə baxmadan 40 manat ödəməyim barədə xəbərdarlıq etdi. Bildirdi ki, həmin pulun 20 manatı BDYPİ-nin hesabına, 20 manatı isə evekuator xidmətinə görə ödənilməlidir. Mən də orada qərara aldım ki, həftədə bir neçə dəfə təkrarlanan bu olaydan sonra avtombilimi Evekuasiya.az şirkətinin rəhbəri Aqil Zeynalova bağışlayım. Çünki hər həftə bir neçə dəfə onun xeyrinə 20 manat köçürürəmsə, bu işi birdəfəlik həll edim».

Fikrət Fəraməzoğlu daha sonra bildirib ki, Aqil Zeynalovun şirkəti devalivasiyadan sonra xeyli azğınlaşıb. «Belə başa düşürəm ki, bu adam general əmisinə güvənərək, özbaşınalıqla məşğul olur. Nəzərimcə, son devalivasiyadan sonra gəlirləri azalan şirkət rəhbəri, zərərlərini camaatın cibindən çıxarmağa üstünlük verir. Bu artıq heç bir qaydaya, qanuna sığmır. Bu özbaşınalıq da deyil. Nədirsə başqa bir şeydir».

Baş redaktor onu da qeyd edib ki, hələlik avtomobili kreditdə olduğu üçün onu generalın qardaşı oğlunun adına keçirə bilmir. «Amma bir həftə içində kreditlə bağlı məsələni həll etdikdən sonra BDYPİ-də maşını Aqil Zeynalovun adına keçirəcəm. Başqa çıxış yolu da görmürəm. Bununla həftədə bir neçə dəfə 40 manat ödəməkdən canım qurtaracaq. Həm də Aqil Zeynalov avtomobilimdən öz məqsədləri üçün istifadə edərək, yararlana biləcək».
.
Xatırladaq ki, "Evakuasiya.az" şirkəti "İsuzi" markalı evakuatorlar (üzərinə 156 yazılan) vasitəsi ilə maşınları meydançalara aparır. Sürücülər cəriməni qeyd olunan MMC-nin hesabına ("Bank Texnika"dakı) köçürdükdən sonra avtomobillərini cərimə meydançasından götürə bilirlər. Beləliklə də, dövlət büdcəsinə köçürülməli olan cərimələr bu yolla kimlərinsə ciblərinə gedir.

Vergilər Nazirliyinin saytında "Evakuasiya.az" MMC-nin 24 yanvar 2011-ci ildə qeydiyyatdan keçdiyi, qanuni təmsilçisinin isə Aqil İsmayıl oğlu Zeynalov olduğu göstərilib.

Bir müddət öncə mediada gedən məlumatlarda bildirilirdi ki, Bakı şəhərində evakuasiya xidməti göstərən bütün avtomobillər satılıb. Maşınların Xəqani Səlimov adlı şəxs tərəfindən Dövlət Yol Polisi İdarəsinin rəisi Ramiz Zeynalovun qardaşı oğlu Aqil Zeynalova satıldığı deyilir: "Lakin bu alqı-satqının pul müqabilində aparıldığı dəqiq məlum deyil. Məlum olan odur ki, Aqil Zeynalovun nəzarətində olan evakuasiya maşınları 2 profil üzrə Bakıda xidmət göstərirlər. 1-ci xidmət növü qəzaya düşmüş və ya xarab olmuş avtomobillərin daşınması, 2-ci xidmət isə DYP-nin sifarişi ilə park etmə qaydalarını pozan avtomobillərin cərimə meydançalarına daşınmasıdır".

Qarşı tərəfi də dinləməyə hazırıq.
Xəbəriniz olsun

21.09.2018 - 3 milyard dollar mənimsəmə, inanılmaz cinayətlər... - Cahangir Hacıyevə qarşı şok ittihamlar

20.09.2018 - 20 manatlıq yağ oğurlamış şəxsi döyən mağaza işçiləri tutuldu

20.09.2018 - Füzuli RİHB Alı Alıyev növbəti səyyar qəbul keçirib

20.09.2018 - Bu gün “Qarabağ” Avropa Liqasının qrup turnirində ilk oyununu keçirəcək

20.09.2018 - İlyas İsmayılov oğlunun qətli barədə: “Borcu var idi”

20.09.2018 - Sumqayıt MERO-da "asan xidmət": Avtomobili görmədən "texsmotr"dan keçirirlər - ŞOK VİDEO

20.09.2018 - Deputat Əsabil Qasımov iş adamına milyonlarla ziyan vurub – ŞİKAYƏTÇİ – ŞOK İTTİHAMLAR

20.09.2018 - Azərbaycanda ilk: Bankın qarşısına mitinq təyin olundu - TƏFƏRRÜAT

20.09.2018 - “Nar”-ın Bilik Günü müsabiqəsində iştirak edənlər hədiyyələr qazandı

20.09.2018 - İlyas İsmayılovun oğlu Türkiyədə qətlə yetirildi - ŞOK

19.09.2018 - Gömrük Komitəsində rüşvət qalmaqalı - İnspektor işdən çıxarıldı, yoxlama başladı

19.09.2018 - "Pulum olmayanda "Qoca"dan istəyirdim..." - Fədayə Laçın və 12 nəfərin məhkəməsi davam edir

19.09.2018 - Putin Rusiya təyyarəsinin vurulmasının səbəbini açıqladı

Facebook