Füzulidə əhalinin ərzaq tələbatı yerli istehsal hesabına ödənəcək - MÜHÜM TOPLANTI

04 fevral 2016
Füzulidə əhalinin ərzaq tələbatı yerli istehsal hesabına ödənəcək - MÜHÜM TOPLANTIFüzulidə əhalinin ərzaq məhsullarına olan tələbatının yerli istehsal hesabına ödənilməsinə həsr olunan görüş küçirildi

Prezident cənab İlham Əliyevin iştirakı ilə “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunan konfransdan irəli gələn məsələlər Horadiz şəhərində Muğam Mərkəzində Azərbaycan Respublikası Milli Məclisi Sədrinin müavini, Füzuli rayonundan millət vəkili Bahar Muradovanın iştirakı ilə rayonun iş adamları, sahibkarlar, fermerlər və ictimaiyyət nümayəndələri ilə birlikdə keçirilən müşavirədə geniş müzakirə olunmuşdur.

Tədbirdə çıxış edən rayon İcra Hakimiyyətinin başçısı Alı Alıyev Prezident cənab İlham Əliyevin iştirakı ilə “Azərbaycan Respublikası regionlarının 2014-2018-ci illərdə sosial-iqtisadi inkişafı Dövlət Proqramı”nın icrasının ikinci ilinin yekunlarına həsr olunan konfransdan irəli gələn tapşırıqlarının icrası istiqamətində rayonda görülən işlər və qarşıda duran vəzifələrdən danışıb. Bildirib ki, Füzuli rayonunda yerli əhalinin kənd təsərrüfatı məhsulları ilə təminatı üçün lazımi şərait var. Münbit torpaqlar və suvarma suyu ilə təminat onu deməyə əsas verir ki, rayon əhalisinin ərzaq məhsullarına olan tələbatı yerli istehsal hesabına ödənilə bilər. Odur ki, bütün qüvvələr bu istiqamətdə səfərbər edilməli, kənd təsərrüfatı məhsullarının istehsalı artırılmalıdır.
Alı Alıyev rayonun iqtisadiyyatının inkişaf etdirilməsi, ərzaq məhsullarına tələbatın ödənilməsi, əhalinin sosial rifahının yaxşılaşdırılması məsələlərinə də toxunub. Bildirib ki, rayonda kənd təsərrüfatı və sahibkarlıq daha da inkişaf etdirilməli, torpaqlardan səmərəli istifadə olunmalı, sahibkarlar rayon iqtisadiyyatının inkişafına cəlb edilməli, iri təsərrüfatlar yaradılmalıdır. Qeyd etmişdir ki, aqrar rayon olan Füzulidə kənd təsərrüfatının, xüsusilə strateji məhsul olan taxılçılığın inkişafı ilə bağlı perspektivlər müəyyənləşdirilmişdir.

Azərbaycan Respublikası Milli Məclisi Sədrinin müavini, Füzuli rayonundan millət vəkili Bahar Muradova çıxış etmiş, dünyada baş verən iqtisadi böhranın Azərbaycana təsiri imkanlarından danışmış, böhranın ölkəmizə təsirinin azaldılması ilə əlaqədar dövlət tərəfindən həyata keçirilən tədbirlərdən bəhs etmişdir. Bahar Muradova Prezidentin tapşırığı ilə bölgələrdə keçirilən görüşlərin əsas məqsədinin problemləri öyrənib həllinə nail olmaq olduğunu bildirib. Diqqətə çatdırıb ki, Prezident cənab İlham Əliyev, ilk növbədə, atılacaq addımların qanunvericilik əsaslarının yaradılmasının vacibliyini vurğulayıb. Bu məqsədlə yeni dövrün islahatlarını aparmaq üçün layihə hazırlanıb Milli Məclisə təqdim edilib. Bunlar investisiyaların təşviqini, kənd təsərrüfatının inkişafını, iqtisadi proseslərin həyata keçirilməsinə maneçilik törədən müdaxilələrin aradan qaldırılmasını, sahibkarların azad şəkildə fəaliyyət göstərməsini tənzimləyən qanunvericilik dəyişiklikləridir.

Sonra KRAUNKO-1 MMC-nin direktoru Elvüsal Mahmudov, iş adamı Aydın Hüseynov və digərləri çıxış ediblər.

Müzakirələr zamanı sahibkarlar, fermerlər və məcburi köçkünlər tərəfindən Füzuli rayonu ərazisində sahibkarlığın inkişaf etdirilməsi, əhalinin məşğulluq səviyyəsinin artırılması, yeni iş yerlərinin açılması, rayona sərmayələrin cəlb edilməsini təmin etmək məqsədilə bir sıra çıxış və təkliflər səsləndirilmiş, həmin təkliflərin dövlət səviyyəsində dəstəklənməsini xahiş ediblər.

Müzakirələrdə irəli sürülən əsas təkliflər Horadiz şəhərində ASAN Xidmət mərkəzinin yaradılması, Horadiz-Aslandüz İran Azərbaycan piyada sərhəd keçid məntəqəsinin fəaliyyətinin bərpa olunması, rayon ərazisində kənd təsərrüfatını, taxılçılığı inkişaf eltdirmək üçün 20 ədəd artezian quyusunun qazılması, torpaqların suvarılması ilə əlaqədar su pulunun yığılmaması, sənaye məhəllələrinin yaradılması, yem emalı müəssisəsinin yaradılmasına köməklik göstərilməsi xahiş olunmuşdur.

Sonda görüşdə səsləndirilən əsas təkliflər ümumişləşdirilərək onların həll olunması üçün Azərbaycan Respublikasının Baş Nazirinə rəsmi müraciət olunub.
Xəbəriniz olsun

12.12.2018 - İŞDƏN ÇIXARILAN BAŞ NAZİR MÜAVİNİ İNTİHAR ETDİ! – Naxçıvanda şok

11.12.2018 - Ərinin balkondan atdığı qadın nazirin yaxın qohumudur

11.12.2018 - Putinə sui-qəsd, Trampın xəstələnməsi, dəhşətli sunami... - Vanqanın 2019-cu il PROQNOZLARI

11.12.2018 - Qurban Qurbanovdan çoxunu təəccübləndirən addım - AFFA-nın pulundan imtina etdi

11.12.2018 - Keçmiş şöbə müdiri od püskürdü: “Sabirabadın başçısı mənə təsir etdirib təkzib yazdırdı, TŞ müdiri isə...”

11.12.2018 - Azərbaycanda rektorlar 5 il müddətinə təyin ediləcək

11.12.2018 - Bakıda direktor arvadını 5-ci mərtəbədən ataraq öldürüb - Təfərrüat + FOTO

08.12.2018 - HACIYEV NİYƏ ŞƏRİFOVLA ÜZLƏŞMƏK İSTƏYİR? – Məşhur vəkil 3,3 milyardlıq borcu açdı + FOTO

08.12.2018 - “Nar”-dan “Samsung Galaxy Note 9” qazanan abunəçi məlum oldu

08.12.2018 - Qurban Qurbanov millidən getdi

06.12.2018 - Ukraynadakı səfirliyimiz Azərbaycan maraqlarının yorulmaz müdafiəçisi rolunda

06.12.2018 - Avropa İnsan Hüquqları Məhkəməsindən Seymur Həzi ilə bağlı qərar - Hökumət 14500 avro cərimələndi

06.12.2018 - Tramp Qafqazda hücuma keçəcək, hədəfdə Ermənistandır...

Facebook