Mağazalarda siqaret tapılmır, qiymətlər artıb

14 mart 2016
Mağazalarda siqaret tapılmır, qiymətlər artıb Kartla satışla bağlı qayda yenidən problemlərə səbəb oldu

Azərbaycanda pərakəndə satış istisna olunmaqla, tütün məmulatlarının nağd pulla satışının qadağan edilməsi ilə bağlı qaydanın yenidən tətbiqinə başlanılması siqaret qıtlığına səbəb olub.

Alkaqollu içki və tütün məmulatlarının kartla satışı ilə bağlı qayda bu il yanvarın 1-dən qüvvəyə minsə də, yanvarın 12-dən qaydanın tətbiqi müvəqqəti dayandırılmışdı. Həmin vaxt açıqlanmışdı ki, ölkə başçısına bununla bağlı çox sayda müraciətlər olduğuna görə, prezident İlham Əliyev qadağanın tətbiqinin müvəqqəti dayandırılması ilə bağlı tapşırıq verib.

Ötən həftənin sonundan başlayaraq qaydanın yenidən tətbiqi istehlakçıya aid edilməsə də, alıcılar mağazalarda siqaret tapa bilmirlər. Bizimyol.info saytının əməkdaşı bir neçə mağazada olub. Mağazaların əksəriyyətində ümumiyyətlə siqaret satılmadığı bildirilib. Bəzilərində isə bir-iki çeşid, əsasən də daha az tələbat olan siqaretlər satışda qalıb. Satıcılar bildirirlər ki, bu çeşidlər də əvvəldən götürdükləridir. Onlar qeyd edirlər ki, hələlik yeni mal götürmək sərf etmir. “Topdan satışda siqaretləri ancaq kart vasitəsilə verirlər. Bu isə bizə sərf etmir. Çünki kartla alan zaman 4 faiz əlavə məbləğ çıxılır. 4 faiz də dövriyyəyə uyğun olaraq satışdan sadələşdirilmiş vergiyə görə ödəyirik. Beləliklə, siqaretə görə 8 faiz ödəməliyik. Siqaretdən qalan xeyir isə elə təxminən 8 faizdir. Elə isə nəyə görə satmalıyıq, onların xeyrinə işləməliyik?” – deyə Yasamal ərazisindəki mağazanın satıcısı bildirir.

Satıcı deyir ki, siqaret satışı üçün lisenziyaların ləğv edilməsi onları sevindirsə də, kart tətbiqi bu sahədə müəyyən problemlər yaradır. Qeyd edək ki, qaydanın tətbiqindən sonra siqaret satılan mağazalarda qiymət artımı da müşahidə olunur. Müxtəlif növ siqaretlərin qiymətlərində 10 qəpik civarında artım qeydə alınıb. Satıcılar bunun da pərakəndə satış istisna olunmaqla, tütün məmulatlarının nağd pulla satışına qoyulan qadağa ilə əlaqələndiriblər.
Xəbəriniz olsun

11.10.2018 - Rusiya Avropa Şurasından çıxarıla bilər - Xəbərdarlıq

11.10.2018 - SSRİ-nin 5 qəpiyinin sahibi milyoner ola bilər: Diqqətlə baxın...

11.10.2018 - Paşinyan istefa verəcəyi günü açıqladı

11.10.2018 - “Korrupsiya dalğaları” Rauf Vəliyevin gəmilərini silkələyir - İTTİHAM

11.10.2018 - Taleh Qaraşovun Lənkərandakı idarəçiliyinə etiraz: "Rəzilliyin ünvanı..."

11.10.2018 - Zamirənin Londonda müsadirə edilən mülkləri, qolf klubu, özəl təyyarəsi... - FOTOLAR, İLK DƏFƏ

10.10.2018 - DİN Bakıda uşaqların "orqan mafiyası" tərəfindən "qaçırılması" iddiaları haqda

10.10.2018 - Kənan Məmmədov prezidentin siyasətinə qarşı: Bakı gömrüyü rəisinin “karandaş əməliyyatı”

10.10.2018 - “Nar”la bağlı suallara cavab ver və 250 danışıq dəqiqəsi qazan

10.10.2018 - İlham Əliyev: Tütün bitməyən ölkələr bizə siqaret ixrac edirlər, bu, dözülməzdir...

10.10.2018 - Serj Sarkisyan geri çəkildi, Paşinyan seçkiyə gedir

10.10.2018 - Rasim Məmmədov özünə zirehli maşın aldı - 1 milyon dollara (FOTO)

10.10.2018 - Bakı məktəbində 6-cı sinif şagirdi qaz balonu tətbiq etdi, 8 şagird xəstəxanaya aparıldı

Facebook