Direktor məktəbin bufetində “kvartirant” saxlayır - BAKIDA

16 dekabr 2014
Direktor məktəbin bufetində “kvartirant” saxlayır - BAKIDABakı şəhəri, Nizami rayonunda yerləşən 10 saylı orta məktəbdə qeyri-adi hadisə baş verib. Belə ki, məktəbin bufeti kirayəyə verilib.

Bu barədə virtualaz.org saytına övladları həmin məktəbdə təhsil alan valideynlər məlumat veriblər.

Şikayətçilərin verdiyi xəbərdə deyilir ki, direktorun təsərrüfat işləri üzrə müavini direktora ayda 50 manat ödəməklə ailəsi ilə birgə bufetdə qalır: “Ailə gecələr məktəbin bufetində gecələyirdi. Bununla bağlı Təhsil Nazirliyinin “qaynar xətt” xidmətinə şikayət daxil olub. Məktəbdə baş verənlərlə bağlı şikayətlərdən sonra yoxlama gəlib”.

Valideynlər bildirir ki, yoxlama gələndən dərhal sonra bufet boşaldılıb: “Direktorun göstərişi ilə bufet boşaldıldı. Amma ailənin yorğan-döşəyi, pal-paltarı, digər əşyaları hələ də məktəbdədir”.

Şikayətçilər deyir ki, valideynlərin dərdi bununla da bitmir: “Məktəbin rus dili bölməsində ibtidai siniflərdə informatikanı rus dilini bilməyən müəllimə tədris edir. Uşaqların rus dilində verdiyi sualı müəllimə cavablandıra bilmir. İndiyədək informatika fənnini tədris edən müəllimə isə əvvəllər laborant kimi çalışıb”.

Valideynlər direktor Leyla Məmmədovaya ünvanlanan şikayətlərə baxılmadığını, əksinə, təhqir olunduqlarını əsas gətirirlər: “Şikayətlər anonim edilir, çünki şikayət edənlərin uşaqlarına qarşı sərt münasibət göstərilir. Direktor bəzi vaılideynlərlə əlaqə saxlayaraq narazı olduğu müəllimləri onların əli ilə “vurur”. Yəni valideynlər arasında parçalanma yaradaraq narazılıq edənlərə təzyiq göstərilir”.

Virtualaz.org saytı məsələ ilə bağlı Təhsil Nazirliyi və Bakı Şəhəri üzrə Təhsil İdarəsinə müraciət edib. Həmin qurumlardan bildirildi ki, bu məsələ araşdırılacaq.

10 saylı məktəbdən isə virtualaz.org saytının sorğusuna cavab olaraq bildirdilər ki, məsələyə yalnız direktor Leyla Məmmədova münasibət bildirə bilər, direktor isə iclasdadır.

Qarşı tərəfin də mövqeyini öyrənib dərc etməyə çalışacağıq.

Qeyd edək ki, bu məktəblə bağlı mətbuatda bir neçə dəfə məlumat verilib. Belə ki, məktəbin şagirdləri olmuş şəhidlər Elxan Əsədovun və Vaqif Əlixanovun adının əbədiləşdirilməsi üçün məktəbdə hazırlanan guşənin ləğv edilməsi və onun əvəzində rəsm dərnəyi üçün reklamlar vurulması faktı mətbuatda işıqlandırılandan dərhal sonra şəhidlər güşəsi dərhal bərpa olunmuşdu.

Bundan əlavə, bu məktəbin həyətində bir şagird öz həmyaşıdını bıçaqla qətlə yetirmişdi.
Xəbəriniz olsun

11.10.2018 - Rusiya Avropa Şurasından çıxarıla bilər - Xəbərdarlıq

11.10.2018 - SSRİ-nin 5 qəpiyinin sahibi milyoner ola bilər: Diqqətlə baxın...

11.10.2018 - Paşinyan istefa verəcəyi günü açıqladı

11.10.2018 - “Korrupsiya dalğaları” Rauf Vəliyevin gəmilərini silkələyir - İTTİHAM

11.10.2018 - Taleh Qaraşovun Lənkərandakı idarəçiliyinə etiraz: "Rəzilliyin ünvanı..."

11.10.2018 - Zamirənin Londonda müsadirə edilən mülkləri, qolf klubu, özəl təyyarəsi... - FOTOLAR, İLK DƏFƏ

10.10.2018 - DİN Bakıda uşaqların "orqan mafiyası" tərəfindən "qaçırılması" iddiaları haqda

10.10.2018 - Kənan Məmmədov prezidentin siyasətinə qarşı: Bakı gömrüyü rəisinin “karandaş əməliyyatı”

10.10.2018 - “Nar”la bağlı suallara cavab ver və 250 danışıq dəqiqəsi qazan

10.10.2018 - İlham Əliyev: Tütün bitməyən ölkələr bizə siqaret ixrac edirlər, bu, dözülməzdir...

10.10.2018 - Serj Sarkisyan geri çəkildi, Paşinyan seçkiyə gedir

10.10.2018 - Rasim Məmmədov özünə zirehli maşın aldı - 1 milyon dollara (FOTO)

10.10.2018 - Bakı məktəbində 6-cı sinif şagirdi qaz balonu tətbiq etdi, 8 şagird xəstəxanaya aparıldı

Facebook