Günün fotosu - Şəhid oğlunun şərəfli duruşu

11 aprel 2016
Günün fotosu - Şəhid oğlunun şərəfli duruşuÜrək parçalayan şəkildir. Həyəcansız baxmaq olmur. Bu yaşda oğlu olanlar özünü o şəhidin yerində hiss edir, bu balaca oğlanı öz oğlu sanır.

O bir şəhid oğludur. Atasının adı Təbriz olub. Bu adı da ona elə-belə verməyiblər, müqəddəs Təbrizimizin, gözəl şəhərimizin adından götürüb onun şərəfinə belə adlandırıblar şəhid pilotumuzu.

Bu uşağın adı Onurdur. Onur şərəf deməkdir. Bu şərəfli adı ona şərəfli atası verib, istəyib ki, oğlu da özü kimi şərəfli olsun.

Onurun bir böyük qardaşı da adı Tayfundur.

Oğul övladlarına belə adlar qoyan pilotun necə bir vətənpərvər və şücaətli olması elə bu adlardan bəllidir.

Bu şəkildə Onur şəhid atasına əsgər salamı verir. Onun çəpəki halda atasına baxan gözlərində qürur da var, kədər də.

(Foto: "Qafqazinfo")

Əlbəttə, onlar şərəflə böyüyəcəklər. Dövlət öz şərəfiylə bu şəhid balalarına sıxıntı çəkdirməyəcək. Çəkdirməməlidir.

Onlar yaxşı təhsil alacaqlar, hər yerdə qəhrəman pilotun balaları kimi seçiləcəklər.

Bir pis iş o olacaq ki, hər dəfə təyyarə səsi gələndə bu uşaqlar istər-istəməz səmaya baxacaqlar, ataları dönüb gələr deyə.

Şəhid Təbriz Musazadə isə unudulmayacaq. O və digər igid şəhidlərimiz aprein 1-nə qədər bir evin oğluydularsa, indi bir elin, vətənin oğludurlar.
Xəbəriniz olsun

19.08.2018 - Azərbaycanda benzin bahalaşdı

18.08.2018 - Merkelin Azərbaycan səfərinin arxasında nələr durur?

18.08.2018 - Elmar Vəliyevə sui-qəsd - yeni həbslər və təfərrüat

18.08.2018 - Azərbaycanlı məhbuslar İstanbulda aclıq aksiyası keçirir - Erməni rəisə görə

18.08.2018 - Trampdan Türkiyəyə: “Bu iş bitmədi, həzm etməyəcəyik”

18.08.2018 - Şoka düşəcəyiniz ənənə: Böyük qardaş özünə həyat yoldaşı seçir və bütün qardaşları onu…

18.08.2018 - Sabirabad icra başçısının qardaşı oğlu adam oğurlayıb – pul üstə…

17.08.2018 - Baş Prokurorluq, DİN və DTX Gəncə hadisələri ilə bağlı birgə məlumat yayıblar

17.08.2018 - “Qarabağ” “Şerif”lə nə nə vaxt meydana çıxacaq? - Avropa Liqası

17.08.2018 - Bakıda avtobusda qadına təcavüz edildi: Niyə mənə toxunursan? - VİDEO

17.08.2018 - Köçəryan Paşinyanı Qarabağ danışıqlarından “dovşan kimi qaçmaqda” günahlandırdı

16.08.2018 - Köçəryan məhkəmədə Surət Hüseynovun qiyamından danışdı

16.08.2018 - Serj Sarkisyan da istintaqa cəlb edilir - RƏSMİ

Facebook