İcra başçısı şəhidin yas mərasimində qalmaqal yaradıb? - Prezidentə müraciət olunacaq

25 aprel 2016
İcra başçısı şəhidin yas mərasimində qalmaqal yaradıb? - Prezidentə müraciət olunacaq4 günlük müharibədə vətən torpağını düşməndən qəhrəmancasına qoruyan və işğal altındakı torpaqlarımızı geri alarkən şəhid olan əsgərlərimizin dəfni rayonlarda izdihamla, həmçinin yerli icra hakimiyyətlərinin iştirakı ilə keçirilib.

Qaynarinfo.az-a daxil olan məlumata görə, 10 aprel tarixində düşmənin təxribatının qarşısını alarkən şəhid olan Beyləqan rayon Bolsulu kənd sakini Cavadzadə Şahin Yaşar oğlunun yas mərasimində rayon icra başçısı Vaqif Abdullayevlə şəhidin yaxınları yas çadırında əməlli-başlı mübahisə ediblər.

İcra başçısının şəhid ailəsininin övlad acısını nəzərə almayaraq, onlarla həddindən artıq kinayəli danışığı şəhidin yas çadırında əyləşən ağsaqqal qohumlarından birinin etirazı ilə qarşılanıb.

Hadisə yerində olan şəxs deyib ki, Vaqif Abdullayev bütün həddləri aşaraq dövlətin və İcra Hakimiyyətinin onlara kömək etdiyini deyib. Bu isə yas sahibinin daha çox qəzəbinə səbəb olub. Yas evinə bir neçə yüz manatlıq bazarlıqla gələn Vaqif Abdullayevin "müharibədə kimsə ölməlidir" ifadəsini işlətməsi və "lazımı qayığının göstərildiyini" dilə gətirməsi mübahisəni daha da böyüdüb.

Şəhid ailəsi dövlətin onlara göstərdiyi qayğıdan və hörmətdən məmun olduğunu deyərək icra başçısına eyham vurub ki, özünü çox tərifləməsin, dövlətin ona aiddiyyatı yoxdur. Hadisə yerində olan şahid qeyd edib ki, Vaqif Abdullayev bu mübahisədən sonra şəhidin yasında qısa müddət oturaraq oranı tərk edib.

İcra başçısının bu hörmətsizliyi isə artıq rayon ictimaiyyəti arasında pis qarşılanıb və artıq bir neçə ziyalı təşkilatı Vaqif Abdullayevin dikbaşlığı, şəhid ailəsinə, ziyalılar hörmətsizliyi ilə bağlı imzatoplama kompaniyasına başlayıb. Onlar icra başçısından dövlət başçısı İlham Əliyevə şikayət edəcəklər.

Mənbə qeyd edir ki, Vaqif Abdullayev bu mübahisəni etdiyi zaman onun yanında Füzuli rayon icra başçısı Alı Alıyev və Xocavənd rayon icra başçısı Eyvaz Hüseynov da olub. Mübahisənin dava-dalaş həddinə çatmasının qarşısını isə Eyvaz Hüseynovla yası idarə edən şəxslər alıb.

Yazıda adıçəkilən şəxslərin də mövqeyini dərc etməyə hazırıq.
Xəbəriniz olsun

18.10.2018 - Səudiyyəli jurnalistin qətlində şübhəli bilinən şəxs yol qəzasında öldü

18.10.2018 - Azərbaycanda casus yaxalandı: Hərbi sirlərimizi satırmış

18.10.2018 - "Hasarların uçqunu artıb, torpaq qatı yola doğru irəliləyir" - Qərargah

17.10.2018 - XİN Kəlbəcərdə Sidney qəsəbəsinin salınmasını şərh etdi

17.10.2018 - 22 yaşlı terrorçu Krımda 19 nəfəri öldürüb intihar etdi

17.10.2018 - “Nar” abunəçilərinə pulsuz danışıq dəqiqələri hədiyyə edib

17.10.2018 - Əvvəl döyüblər, sonra dərmanla yatırdıb mişarla doğrayıblar...- jurnalistin qətlinin təfərrüatları

17.10.2018 - Bakıda sərnişindaşıma şirkətinin vəzifəli şəxsi həbs olundu

17.10.2018 - Şirvanda özbaşınalıq: hakim Neftçalanın “atanşik” baş memarını şəhid ailəsindən üstün tutur – Video

17.10.2018 - “ŞIĞORTA MAMED” ŞƏHİD AİLƏLƏRİNİN HAQQINI NİYƏ VERMİR? – Deputatlardan “Azərsığorta”ya ittihamlar

17.10.2018 - Bakıda daha bir ərazidə sürüşmə, istinad divarı uçdu

17.10.2018 - Bilqeyis Nəbiyevadan qeyri-adi ifa – VİDEO

17.10.2018 - AKP mətbuat katibi Səudiyyə Ərəbistanı konsulunun Türkiyəni tərk etməsi barədə

Facebook